Гиленгири (Соломоно́скири) Гилы́ 4:16 - Библия - Пэ Балтитко Романи чиб (Романэс) 2019

¹⁶ “Джангадёв, паш-ратякири балва́л, и яв, паш-дывэсы́тко балва́л! Пху́рдэ пэ мири́ у́нта, соб (кай) тэ розджанпэ ла́кирэ ароматы́тка сунга́. Мэк тэ явэ́л миро пирамно́ дрэ лэ́скири у́нта (садо) и мэк ёв тэ хал гудлэ́ пхаба́ лэ́скирэ.”

Biblija - Pe Baltitko Romani čib (Romanes) 2019

¹⁶ “Džangadjov, paš-ratiakiri balvál, i jav, paš-dyvesýtko balvál! Phúrde pe mirí únta, sob (kaj) te rozdžanpe lákire aromatýtka sungá. Mek te javél miro piramnó dre léskiri únta (sado) i mek jov te xal gudlé phabá léskire.”

Гиленгири (Соломоно́скири) Гилы́ 4:16 Referans Kwoze

Гиленгири (Соломоно́скири) Гилы́ 6:2

Миро пирамно́ гия́ тэлэ́ дрэ пэ́скири у́нта, кэ бэтки [цветники-р.с.] приправэнца, тэ чалякирэлпэ дрэ унты (сады) и тэ кэдэл лилии.

Гиленгири (Соломоно́скири) Гилы́ 5:1

“Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

Езэкилё 37:9

Тэ́ньци Ёв пхэндя́ ма́нгэ: “Пхэн пир лав ангилпхэныбэ́н духоскэ, манушэ́скиро чхава, пхэн духоскэ: ‘Адя́кэ ракирэ́ла Рай Дэвэ́л, Дэвэ́л: Яв, ду́хо (фа́но), штарэ́ балвалендыр, пхурдэ пэ кадалэ́ домардэндэ, и ёнэ отджидёна.’”

Римлянэнгэ 15:28

Сыр мэ кэра́ва дава́, мэ отда́ва лэ́нгэ, со скэдыно́, тэды мэ джа́ва пирда́л тумарэ́ штэ́ты дрэ Испания.

Римлянэнгэ 15:16

тэ явав Исусо́скирэ-Христосо́скиро дына́ри ваш Наюдэ́нгэ и сыр раша́скэ тэ сыклякирав Дэвлэ́скири бахталы́ зан, соб (кай) дава́ Наюдэнгиро свэ́нто дыибэ́н тэ янэл Дэвлэ́скэ ра́дыма и тэ явэ́л посвэнцындло Свэнтонэ́ Духо́са.

Apostolengiri Butý 4:31

И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

Joannostir 5:8

Ису́со ракирэ́ла лэ́скэ: “Ушты́, лэ пэ́скиро чхуибэ́н и псир.”

Joannostir 3:8

Ду́хо (Фа́но) пхурдэла, карик трэй лэ́скэ. Ту шунэса ла́кири зан, и на джинэ́са, каты́р ёй лэ́лапэ и карик ёй кэрлапэ. Адя́кэ исын кажнонэ́ манушэ́са, кон исын бияндло Духо́стыр.”

Матфеё 26:12

Пал-дова́ со, ко́ли ёй чхудя́ дава́ миро пэ маса́ Мирэ́, ёй кэрдя́ дава́ ваш Миро гараибэн.

Матфеё 26:10

Нэ Ису́со джиндя́, со ёнэ ракирэ́нас, и пхэндя́ лэ́нгэ: “Со́скэ тумэ́ кэрэ́на пхаро́ адалэ́ джувля́кэ? Ёй кэрдя́ лачхо́ рэ́ндо (де́ло) ваш Ма́нгэ.

Isajos 64:1

О, ко́ли б Ту росчхиндян болыбэ́н и ги́ян тэлэ́! Бэ́рги схачинэ б Тырэ́ мо́стыр.

Гиленгири (Соломоно́скири) Гилы́ 8:12

Нэ мири́ винаграды́тко у́нта исын пашы́л ма́ндэ. Ту́кэ, о Соломо́нэ, мэк тэ явэ́л бар (тысёнцо), а дуй шэла́ одолэ́нгэ, савэ́ ракхэна барьякирдэ́ (пло́ды).

Гиленгири (Соломоно́скири) Гилы́ 2:3

Сыр пхабэлын, сави́ исын машки́р вэшытка кашта́ (дрэвы), адя́кэ-паць исын миро пирамно́ машки́р тэрнэндэ. Ма́нгэ исын пир ило́ тэ бэшав дрэ ла́кири зэр (тень), и ла́кирэ барьякирдэ́ (пло́ды) исын гудлэ́ ваш миро муй.

Гиленгири (Соломоно́скири) Гилы́ 1:4

Приты́рдэ ман кэ пэ, и амэ нашаса ту́са. Кра́ли яндя́ ман дрэ пэ́скирэ-кралитка коморы (харомы), соб (кай) амэ тэ явас ра́да и зоралэ́с тэ радынаспэ; амэ ява́са тэ рипирас тыро́ пирамнипэ́н (камибэн) буты́р, сыр мол. Нанэ ди́во, со патывалэ́ чхая́ отдэна ило́ пал ту́тэ.

Ekliesiastos 1:6

Балва́л пхурдэла кэ паш-дывэсы́тко (таты) риг, и ёй рисёла пэ паш-рати́тко (шылалы) риг: балва́л усады (сак) обрисёла трусця́л, и ёй рисёла палэ пэ пэ́скирэ круги.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Ekliesiastos 2:5

Мэ кэрдём пэ́скэ унты (сады) и парки, и мэ зачхудём сарэ́-сортэнгирэ фруктытка кашта́ (дрэвы).

Гиленгири (Соломоно́скири) Гилы́ 1:13

Сы́рбы дро́го бужоро миростыр ваш ма́нгэ, миро пирамно́ (камло), ке́ли ёв исын пашто́ раты́ пашы́л мирэ́ колына.

Гиленгири (Соломоно́скири) Гилы́ 2:8

Акэ, мирэ́ пирамнэ́скири зан. Ѓа́да, ёв джа́ла? Ёв пириухтэла пир бэ́рги? Ёв ухтэла пир бэ́ргицы.