Гиленгири (Соломоно́скири) Гилы́ 3:7 - Библия - Пэ Балтитко Романи чиб (Романэс) 2019

⁷ Дыкхэ́н! Акэ, исын Соломоно́скирэ-крали́тко чхуибэ́н: бидарипнаскирэ шовдэша́ мурша́ исын пашы́л лэ́стэ, ёнэ исын най зоралэды́р дро Израилё.

Biblija - Pe Baltitko Romani čib (Romanes) 2019

⁷ Dykhén! Ake, isyn Solomonóskire-kralítko čhuibén: bidaripnaskire šovdešá muršá isyn pašýl léste, jone isyn naj zoraledýr dro Izrailjo.

Гиленгири (Соломоно́скири) Гилы́ 3:7 Referans Kwoze

Юдэ́нгэ 1:14

Ци ёнэ исын на сарэ́ ду́хи, кадалэ́ Янго́лы, савэ́ дынаринэна (служынэна) одолэ́нгэ, кон дорэсэ́ла пэ́скири паш дро зракхибэ́н.

Гиленгири (Соломоно́скири) Гилы́ 3:9

Кра́ли Соломо́но кэрдя́ пэ́скэ троно, со счхувэлапэ.

Гиленгири (Соломоно́скири) Гилы́ 1:16

О, саво́ гожо-шука́р ту сан, миро пира́но, саво́ гудло́ и амаро́ чхуибэ́н исын адя́кэ-паць сыр вычхудо зэлэныбэн.

4 Kralip 6:17

И мангдя́пэ Елисе́ё, и ракирдя́: “Раё Дэ́вла! Отчхакир лэ́скэ якха́, соб (кай) ёв тэ дыкхэ́л.” И отчхакирдя́ Рай Дэвэ́л якха́ дынари́скэ, и ёв дыкхця́, и ґа́да, сари́ бэ́рга исын пхэрды́ грэнца и марибнытконэ́ вурдынэнца дрэ яг трусця́л Елисеёстэ.

3 Kralip 14:27

И кэрдя́ кра́ли Ровоа́мо заме́ст лэ́ндэ харкунэ́ (ме́дна) шчы́ты, и отдыя́ лэн пэ васта́ барыдырэ́нгэ пэ ракхибнарьендэ, савэ́ ракхнэ загиибэ́н дро крали́скиро кхэр.

3 Kralip 9:22

Израилёскирэ чхавэ́н Соломо́но на кэрдя́ бутярнэнца; нэ ёнэ сыс лэ́скирэ халадэ́, лэ́скирэ слу́ги (дына́рья), лэ́скирэ упратунэ, лэ́скирэ халадэ́нгирэ барыдыра́ и шэралэ́ пэ лэ́скирэ марибны́тка вурдэна́ и лэ́скирэ мануша́, савэ́ сыс уклистэ́ пэ грэ́ндэ.

1 Kralip 28:2

И пхэндя́ Дави́до Анхусоскэ: “Какана́ ту уджинэса, со кэрэ́ла тыро́ писха́ри.” И пхэндя́ Анхусо Давидо́скэ: “Палдава́ мэ кэра́ва тут мирэ́ шэрэскирэ ракхибнариса пэ саро́ часо.”

1 Kralip 14:52

И сыс зорало́ марибэ́н проти Филистимлянэндэ дро саро́ Саулоскиро часо. И ке́ли Са́уло дыкхця́ вари-савэ́ зоралэ́с манушэ́с, то лэлас ёв лэс кэ пэ.

1 Kralip 8:16

и тумарэ́ дынарье́н, и тумарэ́ дынарицэн, и тумарэ́ фэдыршонэ тэрнэ́ манушэ́н, и тумарэ́ ослэн лэ́ла, и лэ́ла дрэ буты́ пэ пэ́скирэ рэ́нды;

Гиленгири (Соломоно́скири) Гилы́ 3:6

“Кон адава́ исын, саво́ уштэ́ла чхучэ́ прахэндыр, сы́рбы баро́ тхув ґаздэ́лапэ, саво́ исын тхувлякирдо миро́са и гудлэ́ смоласа, и кажнонэ́ лачхэ́-сунгакирэ драбэнца тылгарьендыр (купцэндыр).

Гиленгири (Соломоно́скири) Гилы́ 3:8

Лэ́ндэ сарэ́ндэ исын курта́ла, ёнэ исын спецы тэ марэ́нпэ; кажнонэ́ манушэ́стэ исын курта́ла пашы́л лэ́скири ґэро́й, соб (кай) тэ на дарэ́н раты́.

Ниеми́я 4:13

Тэ́ньци пэ тэлутунэ штэ́ты пашы́л фо́ро, палэ ва́нта, пэ шукэ́ штэ́ты чхувавас мэ о народо пир дадэ́скири-сэмэ́нца (пле́ми) курталэнца лэнгирэнца, э чхурдыибнытконэ бустенца, и лукэнца лэнгирэнца.