Гиленгири (Соломоно́скири) Гилы́ 2:12 - Библия - Пэ Балтитко Романи чиб (Романэс) 2019

¹² лулудя́ сыкадёна пэ пхув, и чирикля́ лынэ́ тэ бага́н, ла́киро багипэн шунэ́ла амари́ пхув.

Biblija - Pe Baltitko Romani čib (Romanes) 2019

¹² luludiá sykadjona pe phuv, i čirikliá lyné te bagán, lákiro bagipen šunéla amarí phuv.

Гиленгири (Соломоно́скири) Гилы́ 2:12 Referans Kwoze

Isajos 55:12

А тумэ́ выджа́на радыма́са, и лачхипна́са тумэн пролыджана; бэ́рги и бэ́ргицы явэ́на тэ бага́н гилы́ анги́л тумэ́ндэ, и сарэ́ кашта́ пэ фэ́лда явэ́на сы́рбы радыма́са мануша́, савэ́ марэна дрэ васта́.

Колосянэнгэ 3:16

Мэк тэ дживэ́л дрэ тумэ́ндэ сарэ́ барвалыпнаса Христосо́скиро лав, ке́ли тумэ́ сыклякирэ́на и дэ́на годы́ екх екхэ́скэ псалмэнца, лачхэ́ лавэ́нца, дэвлытконэ́ гиленца, бага́н Дэвлэ́скэ парикирибнаса дрэ тумарэ́ илэ.

Ереме́ё 8:7

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.

Psalmy 89:15

Чачипэ́н и чачуно́ сэ́ндо рикирэ́на Тыро́ троно, лачхэ́-илы́ткима и патяибэ́н джа́на анги́л Ту́тэ.

Гиленгири (Соломоно́скири) Гилы́ 6:11

Мэ гиём тэлэ́ дрэ пэґэнгэ́нгири у́нта (садо), тэ дыкха́в чарья́ пир до́ло, тэ дыкха́в, ци розмэкцяпэ винаградо (дракх), ци гранатытка пхабэлыня лулудинэ.

Гиленгири (Соломоно́скири) Гилы́ 6:2

Миро пирамно́ гия́ тэлэ́ дрэ пэ́скири у́нта, кэ бэтки [цветники-р.с.] приправэнца, тэ чалякирэлпэ дрэ унты (сады) и тэ кэдэл лилии.

Džiibén 15:9

Рай Дэвэ́л пхэндя́ лэ́скэ: “Лэ ма́нгэ тринэ́-бэршыткона рэца́ (телица), тринэ́-бэршыткона бузня́ (коза), тринэ́-бэршытконэ бакрэ́с, голумбица и тэрнэ́ голумбос.”

Psalmy 74:19

Сыка́в паты́в Тырэ́ Законоскэ, пал-дова́ со пэ цямлэ штэ́ты пэ пхув исын пхэрдо́ кхэра́ нахратонэ манушэ́нца.

Гиленгири (Соломоно́скири) Гилы́ 2:11

Дыкх жа! Ивант (зима) прогия́ (накхтия), брышы́нд пирияця́ и нанэ буты́р: