Гиленгири (Соломоно́скири) Гилы́ 1:8 - Библия - Пэ Балтитко Романи чиб (Романэс) 2019

⁸ Ко́ли ту на джинэсас, най гожэдыр машки́р джувлендэ, джа́ пир бакрэ́нгирэ шпэры (сляды), и чарав пэ́скирэ бузнорэн (козлорэн) пашы́л чхупнарьенгирэ ша́тры,

Biblija - Pe Baltitko Romani čib (Romanes) 2019

⁸ Kóli tu na džinesas, naj gožedyr maškír džuvliende, džá pir bakréngire špery (sliady), i čarav péskire buznoren (kozloren) pašýl čhupnar'jengire šátry,

Гиленгири (Соломоно́скири) Гилы́ 1:8 Referans Kwoze

Гиленгири (Соломоно́скири) Гилы́ 6:1

Карик да гия́ тыро́ пирамно́, ту, кон сан най шукарэдыр машки́р джувлендэ? Дрэ сави́ риг рисия́ тыро́ пирамно́, соб (кай) амэ тэ родас Лэс ту́са?

Гиленгири (Соломоно́скири) Гилы́ 5:9

Со́са фэды́р исын тыро́ пирамно́ (камло) явирэ пирамнэ манушэ́ндыр, Ту, кон сан най шукарэдыр машки́р джувлендэ? Со́са ж фэды́р исын тыро́ пирамно́ явирэ пирамнэ манушэ́ндыр, со ту адя́кэ засовлахаса амэн?

1 Petr 3:6

адя́кэ-паць и Сара кандэлас Авраамос и кхардя́ лэс пэ́скирэ хула́са, а тумэ́ ж сан ла́кирэ чхая́, ко́ли тумэ́ кэрэ́на лачхипэ́н, тэды тумэ́ на дарэ́н нисавэ трашаибнастыр.

Jakov 5:10

Пшала́лэ мирэ́, сыклён пророкэндыр, сыр ёнэ страдындлэ и сыр ґара́ ёнэ ужакирдэ, савэ́ ракирдэ́ Дэвлэ́скирэ лавэ́стыр.

Jakov 2:21

Ци на пир рэ́нды Дэвэ́л приджиндя чачунэса дадэ́с амарэс Авраамос, ке́ли ёв яндя́ сыр свэ́нто дыибэ́н пэ́скирэ чхавэ́с Исаакос пэ алта́рё?

Юдэ́нгэ 13:7

Рипирэн пэ́скирэ сыклякирибнарьен (наставникэн), савэ́ лыджинэ́ тумэн и сыклякирдэ́ тумэн Дэвлэ́скирэ лавэ́скэ, дыкхэ́н пэ лэ́нгиро джиибэ́н кэ ко́нцо (кэ яго́ро); явэ́н дасавэ́-паць дро патяибэ́н, сыр ёнэ исын.

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Эфесянэнгэ 5:27

соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

1 Коринфянэнгэ 11:1

Кэрэ́н адя́кэ-паць, сыр и мэ, пал-дова́ со мэ кэра́ва адя́кэ-паць, сыр Христо́со.

Joannostir 21:15

Ке́ли ёнэ ханэ́, Ису́со ракирэ́лас Симоноскэ Пэтрискэ: “Симоне, Ианоскиро Чхаво́! Ци сом Мэ дро́го ту́кэ бутэды́р лэ́ндыр?” Пэ́три ракирэ́ла Лэ́скэ: “Адя́кэ, Раё Дэ́вла! Ту джинэ́са, со Ту сан дро́го Ма́нгэ.” Ису́со ракирэ́ла лэ́скэ: “Чара́в Мирэ́ свэнтонэ́ бакрорэ́н.”

Ереме́ё 6:16

Рай Дэвэ́л ракирэ́ла адя́кэ: “Тэрдён пэ дрома́, и дыкхэ́н, и пхучэ́н пал пхуранэ́ дрома́, кай исын лачхо́ дром и джа́н пир дава́ дром, и тумэ́ латхэ́на де́скэ тэ откхинён. Нэ ёнэ отпхэндлэ́: “Амэ на джа́са пир дава́ дром.”

Гиленгири (Соломоно́скири) Гилы́ 4:10

Сыр шука́р тыри́ ла́ска исын, мири́ пхэн, мири́ тэрны́! И пэ кицы́ фэды́р лачхэ́-сунгакиро кхандыпэн сарэ́ ароматытконэ макхибнэндыр.

Гиленгири (Соломоно́скири) Гилы́ 4:7

Сави́ шукарни ту сан, мири́ пирамни́е, и нисави́ дош нанэ дрэ ту́тэ.

Гиленгири (Соломоно́скири) Гилы́ 4:1

О, сави́ шукарни ту сан, мири́ пирамни́е, о сави́ шукарни ту сан; сыр голумбицатэ тырэ́ якха́ дыкхэ́на тэл крэнцо чхур (коса); тырэ́ бала́ исын сы́рбы бузнэнгири стада, сави́ джа́ла тэлэ́ бэрга́тыр Галаадоскирьятыр.

Гиленгири (Соломоно́скири) Гилы́ 2:10

Миро пирамно́ лыя́ тэ ракирэ́л и пхэндя́ ма́нгэ: “Ушты́, мири́ пирамни́е, мири́ шукарни, и яв яври́.

Гиленгири (Соломоно́скири) Гилы́ 1:15

О, сави́ гожо-шука́р ту сан, мири́ пирамни́е, – тырэ́ якхорья исын сыр голумбицатэ.

Pritčy 8:34

Бахтало́ исын одова́ ману́ш, саво́ кандэ́ла ман; саво́ дыкхэ́ла цямкэс со дывэ́с пашы́л мири́ по́рта; саво́ ужакирэ́ла пашы́л вудара́.

Psalmy 45:13

Тироскири чхай явэ́ла дарэнца, най барвалэдыр мануша́ явэ́на тэ домарэнпэ кэ тырэ́–илэ́скиро татыпэн.

Psalmy 45:11

Шун ман, чха́ё, и дыкх, шун ракхунэс, со мэ пхэна́ва: и бистыр пэ́скирэ манушэ́н и кхэр тырэ́ дадэ́скиро.

Psalmy 16:3

Свэ́нта дэвлы́тка мануша́ пэ пхув, савэ́ исын патяибнытка, – лэ́нгэ исын мири́ бари паты́в,

Jakov 2:25

Адя́кэ-паць и Раха́в, сави́ сыс биладжакуны джувлы́, ци на пал ла́кирэ рэ́нды Дэвэ́л приджиндя чачуняса ла, ке́ли ёй прилыя́ Израилёскирэ поддыкхибнаскирэн и бичхадя́ лэн явирэ дромэ́са.