Гиленгири (Соломоно́скири) Гилы́ 1:7 - Библия - Пэ Балтитко Романи чиб (Романэс) 2019

⁷ Пхэн ту ма́нгэ, конэ́с мэ кама́м, кай ту чаравэса пэ́скирэ бакрэнгири ста́ды, кай ёнэ явэ́на тэ откхинён дро паш дывэ́с? Со́скэ ма́нгэ трэй тэ чаравав палэ тырэ́ дрогонэ́-малэнгирэ (другэнгирэ) ста́ды.

Biblija - Pe Baltitko Romani čib (Romanes) 2019

⁷ Phen tu mánge, konés me kamám, kaj tu čaravesa péskire bakrengiri stády, kaj jone javéna te otkhinjon dro paš dyvés? Sóske mánge trej te čaravav pale tyré drogoné-malengire (drugengire) stády.

Гиленгири (Соломоно́скири) Гилы́ 1:7 Referans Kwoze

Isajos 13:20

Нико́н одо́й на явэ́ла тэ дживэ́л, на явэ́на тэ дживэ́н мануша́ одо́й николи; на чхувэ́ла Аравитянино пэ́скири ша́тра, чхупна́рья бакрэнца на явэ́на одо́й тэ откхинён.

Psalmy 28:1

Давидо́скиро Пса́лмо. Мэ да́ва го́дла кэ Ту, о Раё Дэ́вла, мири́ Бэ́рга, на яв штыл пэ миро кхарибэн. Ко́ли Ту на отпхэнэса ма́нгэ, мэ ява́ва сыр кодолэ́, савэ́ джа́на тэлэ́ дрэ маґила (кула).

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

1 Ian 2:19

Ёнэ выгинэ́ амэ́ндыр, нэ ёнэ на сыс амарэ́; пал-дова́ со, ко́ли ёнэ тэ явэ́н амарэ́, тэды ёнэ ячэнас амэ́нца, нэ ёнэ выгинэ́ амэ́ндыр ваш дова́, соб (кай) тэ явэ́л сыкадо, со ние́кх лэ́ндыр нанэ амаро́.

1 Petr 2:7

и адя́кэ Ёв исын дро́го ваш тумэ́нгэ, кон патя́ла, а ваш одолэ́нгэ, кон на патя́ла, Ёв исын бар, саво́ бутярнэ́ на прилынэ́, нэ саво́ яця́ шэралэ́ барэса, пал саво́ мануша́ обштавэнапэ и пэрэ́на;

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

Joannostir 21:17

И три́то мо́ло ракирэ́ла лэ́скэ Ису́со: “Симоне, Ианоскиро чхаво́! Ци сом Мэ дро́го Ту́кэ?” Пэ́три яця́ смэнтно, со дро три́то мо́ло Ису́со пхэндя́ лэ́скэ: “Ци сом Мэ дро́го ту́кэ?”, и ёв пхэндя́ Исусо́скэ: “Раё Дэ́вла! Ту саро́ джинэ́са; Ту джинэ́са, со Ту сан дро́го ма́нгэ.” Ису́со ракирэ́ла лэ́скэ: “Чара́в Мирэ́ бакрэ́н.

Joannostir 10:11

Мэ сом лачхо́ чхупна́ри: лачхо́ чхупна́ри отдэ́ла пэ́скиро джиибэ́н пал бакрэндэ:

Матфеё 10:37

Конэ́скэ исын дро́го лэ́скиро дад ци буты́р, сыр Мэ, кодова́ исын на́лачхо Ма́нгэ, и кодова́, савэ́скэ исын дро́го чхаво́ ци чхай буты́р, сыр Мэ, кодова́ исын на́лачхо Ма́нгэ,

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Ереме́ё 33:12

Акэ, со ракирэ́ла Рай Дэвэ́л, болыбна́скирэ-янголэ́нгиро: “Пэ дава́ штэ́то, саво́ исын чхучо́, и пэ саво́ нанэ ни мануша́, ни кхэри́тка мурдала́, – дрэ сарэ́ далэ́ – штэтоскирэ фо́рья, явэ́ла нэвэ́стыр (нэвэ́с) джиибнытко штэ́то чхупнарьенгэ (пастыре́нгэ), пир савэ́ ёнэ явэ́на тэ ракхэ́н пэ́скирэ ґурты.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Isajos 26:9

Мирэ́ деса тырдавас мэ кэ Ту тэ явав раты́, мирэ́ духо́са лава́ мэ тэ родав Тут дрэ пэ́стэ тася́рлэс (ра́нэс) пэ зло́ко (ранкоса); пал-дова́ со, ко́ли сэ́ндо Тыро́ кэрэ́лапэ пэ пхув, тэ́ньчи одолэ́, кон дживэ́ла дро свэ́то, сыклёна чачипнаскэ.

Isajos 5:1

Багава Мэ Мирэ́-Дрогонэскэ гилы́ Мири́, сави́ исын дрогоноскири пал Лэ́скиро винагра́днико. Сыс винагра́днико Мирэ́-Дрогонэскиро пэ бэргитко вучипэ́н.

Гиленгири (Соломоно́скири) Гилы́ 8:13

Ту, кон дживэ́ла дрэ у́нта! Тырэ́ мала́ кандэ́на тыри́ зан (глос), мэк и ман тэ шунав тыри́ зан.

Гиленгири (Соломоно́скири) Гилы́ 6:3

Мэ сом екх мирэ́ пирамнэ́скири, и миро пирамно́ исын екх миро: ёв чаравэла пэ́скири стада машки́р лилии.

Гиленгири (Соломоно́скири) Гилы́ 5:16

Лэ́скиро муй исын най гудлэдыр; чачо́, ёв исын шука́р пир саро́. Акэ, саво́ исын миро пирамно́, ґа́да, исын миро мал, – тумэ́, Ерусалимо́скирэ чхая́лэ!

Гиленгири (Соломоно́скири) Гилы́ 5:10

Миро пирамно́ исын парно́ и лолэ́-чхамэнгиро (шчокэнгиро), ёв исын рай ману́ш машки́р дэшэ́ тысёнцы манушэ́ндэ,

Гиленгири (Соломоно́скири) Гилы́ 5:8

Мэ засовлахава тумэн, Ерусалимо́скирэ чхая́лэ! Ко́ли тумэ́ латхэ́на мирэ́ пирамнэс, со тумэ́ пхэнэ́на лэ́скэ? Со Мэ мэра́ва пирамнипна́стыр!”

Гиленгири (Соломоно́скири) Гилы́ 2:16

Миро пирамно́ исын миро, и мэ сом лэ́скири. Ёв чаравэла (лэ́скирэ-бакрэнгири стада) машки́р лилии,

Гиленгири (Соломоно́скири) Гилы́ 2:3

Сыр пхабэлын, сави́ исын машки́р вэшытка кашта́ (дрэвы), адя́кэ-паць исын миро пирамно́ машки́р тэрнэндэ. Ма́нгэ исын пир ило́ тэ бэшав дрэ ла́кири зэр (тень), и ла́кирэ барьякирдэ́ (пло́ды) исын гудлэ́ ваш миро муй.

Psalmy 116:1

Мэ рикирава сыр Дро́гима Рас-Дэвлэ́с дро ило́, пал-дова́ со Ёв шунэ́ла мири́ зан и миро мангипэ́н Лэ́скэ:

Psalmy 80:1

Хоро́скирэ Дирижоро́скэ. Допхэныбэ́н пэ Лилиякири Мелодия. Асафоскиро Пса́лмо.

Psalmy 18:1

Хоро́скирэ Дирижоро́скэ. Давидо́скиро Пса́лмо, кон исын Ра́скирэ-Дэвлэ́скиро Писха́ри, саво́ выпхэндя багаибнытка лава́ Ра́скэ-Дэвлэ́скэ дро дывэ́с, ке́ли Рай Дэвэ́л зракхця́ Лэс лэ́скирэ-вэргэ́нгирэ вэргэ́нгирэ вастэ́ндыр и Сауло́скирэ вастэ́стыр.

Džiibén 37:16

Ёв пхэндя́: “Мэ родава мирэ́ пшалэ́н; пхэн ма́нгэ, кай ёнэ чаравэна пэ́скирэ ґурты?

Гиленгири (Соломоно́скири) Гилы́ 6:2

Миро пирамно́ гия́ тэлэ́ дрэ пэ́скири у́нта, кэ бэтки [цветники-р.с.] приправэнца, тэ чалякирэлпэ дрэ унты (сады) и тэ кэдэл лилии.

Ruta 2:21

Моавитянка Рута пхэндя́: “Ёв адя́кэ и пхэндя́ ма́нгэ: ‘Яв мирэ́ дынарицэнца, пака кончынэна ёнэ миро укэдыибэн.’”