Гиленгири (Соломоно́скири) Гилы́ 1:6 - Библия - Пэ Балтитко Романи чиб (Романэс) 2019

⁶ На дыкхэ́н адя́кэ пэ ма́ндэ, со мэ сом калёри, пал-дова́ со кхаморо пэкця ман. Мирэ́-да́кирэ чхавэ́ холясынэ пэ ма́ндэ; ёнэ чхудэ́ ман тэ ракхав винаграды́тко у́нта [(дракхин)] (садо), нэ мэ на ракхцём мири́ винаграды́тко у́нта.

Biblija - Pe Baltitko Romani čib (Romanes) 2019

⁶ Na dykhén adiáke pe mánde, so me som kaljori, pal-dová so khamoro pekcia man. Miré-dákire čhavé xoliasyne pe mánde; jone čhudé man te rakhav vinagradýtko únta [(drakhin)] (sado), ne me na rakhcjom mirí vinagradýtko únta.

Гиленгири (Соломоно́скири) Гилы́ 1:6 Referans Kwoze

Psalmy 69:8

Пал Ту́тэ ман обракирэнас, ладжаипэ́н чхакирдя миро муй.

Ióvo 30:30

Мири́ цы́па калёла и пэрэ́ла ма́ндыр, мирэ́ кокалы́ пэкэнапэ хачкирибнастыр.

Galatenge 4:29

Сыр сыс и тэды, ке́ли чхаворо́, саво́ бия́ндыя пир лочакиро камибэн, традыя́ яври́ одолэ́с, саво́ бия́ндыя Дэвлэ́скирэ Духо́стыр.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Marko 4:6

а ко́ли яця́ хачкирибэ́н кхамэстыр, ростки (шчуки) мурдалынэ (звяниндлэ) и зашутинэ, пал-дова́ со ко́рни (рукха́) лэ́ндэ на хор сыс.

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Матфеё 10:22

И сарэ́ мануша́ явэ́на тэ на сыкавэ́н паты́в тумэ́нгэ пал лав Миро, нэ кон явэ́ла тэ тэрдёл твардэс кэ ко́нцо (кэ яго́ро), кодова́ зракхэ́лапэ.

Mihiejo 7:6

Пал-дова́ со о чхаво́ ладжакирэла дадэ́с (на дэ́ла паты́в дадэ́скэ), э чхай ґаздэ́лапэ пэ ла́кирэ датэ, э бори пэ сасятэ, манушэ́скирэ вэ́рги исын мануша́ лэ́скирэ кхэрэ́стыр.

Roiben 4:8

Какана́ ёнэ выдыцёна калэдыр бовэскирэ мэлятыр, ёнэ джа́на пир га́сы, лэн на пинджкирэна. Лэ́нгири цы́па ухтылэлапэ зоралэ́с кэ лэ́нгирэ кокалы́, ёй вышутия и яця́ сыр кашт.

Ереме́ё 12:6

Пал-дова́ со ровно (адя́кэ-паць) и тырэ́ пша́ла, и тырэ́-дадэ́скиро кхэр, адя́кэ-паць и ёнэ обгинэпэ ту́са сыр бикиибнаскирья (бикиныбнарья), мэк ёнэ и дэ́на го́дла яври́ пал ту́тэ. На патя лэ́нгэ, мэк и ракирэ́на ёнэ лачхинька лава́ ту́кэ.

Ереме́ё 8:21

‘Миро ило́ хасия́ (замыя́) пал-дова́, со мирэ́ мануша́ хасинэ́, мэ, Ереме́ё, зоралэ́с тугинава: бари дар (ди́во трашаса) ухтылдэ́ Ман.