Psalmy 101:3 - Библия - Пэ Балтитко Романи чиб (Романэс) 2019

³ Мэ на домэкава, соб (кай) мирэ́ якха́ тэ дыкхэ́н пэ фуипэ́н, со кэрэ́на мануша́; ма́нгэ исын на́ пир ило́ одолэ́ рэ́нды, со кэрэ́на мануша́, ке́ли рисёна криг Дэвлэ́стыр, и ёнэ на приячэна кэ мэ.

Biblija - Pe Baltitko Romani čib (Romanes) 2019

³ Me na domekava, sob (kaj) miré jakhá te dykhén pe fuipén, so keréna manušá; mánge isyn ná pir iló odolé réndy, so keréna manušá, kiéli risjona krig Devléstyr, i jone na prijačena ke me.

Psalmy 101:3 Referans Kwoze

Psalmy 119:37

Ри́скир мирэ́ якха́ тэ на дыкха́в ма́нгэ пэ хартытка (фальшыва) рэ́нды, дэ ма́нгэ джиибэ́н тэ джав Тырэ́ дромэ́са.

Ióvo 31:1

Мэ кэрдём завето мирэ́ якхэ́нца. Со́скэ тэды мэ ява́ва тэ дыкха́в пэ тэрнэ́ патывалэ́ джувля́тэ?

Pritčy 6:25

На традэпэ пал ла́киро шукарипэ́н, на домэк, соб (кай) ёй тэ затырдэл тут ла́кирэ цымблэнца (ресницэнца).

Матфеё 5:28

Нэ Мэ ракира́ва тумэ́нгэ, со кажно, кон дыкхэ́ла пэ джувля́тэ налачхэ́ камибнаса, одова́ ужэ кэрэ́ла биладжаипэ́н дро пэ́скиро ило́.

Psalmy 40:4

Ёв чхудя́ нэви́ гилы́ дро миро муй, соб (кай) тэ шарэ́н амарэ́ Дэвлэ́с. Бут мануша́ дыкхэ́на дава́ и явэ́на тэ дарэ́н и явэ́на тэ гарадён пал Растэ-Дэвлэ́стэ.

Vygiiben 20:17

На тырдэпэ кэ тырэ́ пашатунэскиро кхэр; на причху́в ило́ кэ тырэ́-пашатунэскири ромны́, ни лэ́скирэ писхари́с, ни лэ́скирэ писхарица, ни лэ́скирэ гурувэ́с, ни лэ́скирэ осло́с, ничи́, со исын тырэ́ пашатунэстэ.”

Яви́р Зако́но 15:9

ракхпэ, соб (кай) тэ на заджа́л дрэ тыро́ ило́ налачхи дума: “Явэ́ла (подджа́ла сыг) эфта́то бэрш, бэрш тэ змэкав вужлыпэ́н”, и, соб (кай) долэ́стыр тыри́ якх тэ на кэрэ́лпэ холями кэ чороро́ тыро́ пшал, и ту тэ на отпхэнэс лэ́скэ; пал-дова́ со ёв явэ́ла тэ дэл го́дла ту́тэ кэ Рай Дэвэ́л, и явэ́ла пэ ту́тэ грэ́хо;

2 Petr 2:21

Пал-дова́ со лэ́нгэ явэ́лас фэды́р тэ на джинэ́н чачуно́ дром, сыр ёнэ уджиндлэ́ и рисинэ́ палэ свэнтонэ́ припхэныбнастыр, саво́ сыс дыно́ лэ́нгэ.

Galatenge 4:9

а какана́ тумэ́ приджиндлэ Дэвлэ́с, а фэды́р тэ пхэнас, со Дэвэ́л приджиндя тумэн; сыр дава́ тумэ́ нэвэ́стыр рисинэ́ кэ бизорья́кирэ и бэда ду́хи, савэ́нгэ свэ́то поклонинэлапэ, сы́рбы тумэ́ камэ́на тэ ячэн нэвэ́стыр писхарье́нца анги́л кадалэ́ ду́хи.

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Ekliesiastos 6:9

Исын фэды́р тэ лэл лачхипэ́н долэ́стыр, со якха́ дыкхэ́на, сыр ўса тэ тырдэспэ деса кэ вари-со яви́р. Дава́ исын адя́кэ-паць харныпэ́н и сы́рбы тэ традэспэ пал балва́л.

Isúso 23:6

Пир саро́ адя́кэ-паць старинэнпэ тэ ракхэ́н и кэрэ́н саро́, со чхиндло́ дрэ Мойза́скирэ-Законоскири лылвари́, на отгии лэ́стыр ни пэ чачо́ (право), ни пэ зэ́рво (ле́во).

Юдэ́нгэ 10:39

Нэ амэ на сам одолэ́ манушэ́ндыр, савэ́ дэнапэ палэ пэ́скирэ патяибнастыр и джа́на кэ хасибэ́н; нэ амэ патя́са, со Дэвэ́л зракхэ́ла амэн.

Psalmy 119:113

Мэ бидыкхав дуемуенгирэ манушэ́н, нэ ма́нгэ исын дро́го Тыро́ Зако́но.

Psalmy 78:41

И ёнэ нэвэ́стыр и нэвэ́стыр рисёнас палэ, пропатякирэнас Дэвлэ́с и дукхавэнас Свэнтонэ́ Дэвлэ́с Израилёстыр.

Psalmy 14:3

Сарэ́ гинэ́ криг чачэ́ дромэ́стыр, ёнэ сарэ́ ячнэ́ чорэ́ мануша́: нанэ ние́кх, кон кэрэ́ла пир чачипэ́н, нанэ ни екхорэс!

Vygiiben 32:8

ёнэ сыг отгинэ́ дромэ́стыр, саво́ Мэ упхэндём лэ́нгэ: ёнэ кэрдэ́ пэ́скэ вычхудэ́ гуруво́рэс, и клониндлэпэ лэ́скэ (кэрдэ́ шэрэ́са), и яндлэ́ лэ́скэ свэ́нта дыибэна́, и пхэндлэ́: ‘Ѓа́да, исын тыро́ дэвлоро, Израилё, саво́ вылыджия́ тут Египто́скирэ пхувья́тыр!’”

Mihiejo 2:2

Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Isajos 33:15

Одова́, кон псирэ́ла дро чачипэ́н и ракирэ́ла чачуно́ лав, кон на камэ́ла тэ отлэл пэ́скирэ пшалэстыр, кон обрикирэла пэ́скирэ васта́, соб (кай) тэ на лэл мыто (да́ро) манушэ́ндыр пал налачхэ́ рэ́нды, кон закэрэла пэ́скирэ кана́, соб (кай) тэ на шунэ́л, сыр рат чхувэ́лапэ, и закэрэла пэ́скирэ якха́, соб (кай) тэ на дыкхэ́л, сыр кэрэ́лапэ фуипэ́н.

Isajos 30:11

Зджан дромэ́стыр, уджан дромэ́стыр, залэн амарэ́ якхэ́ндыр Свэнтонэ́-Израилёскирэ Дэвлэ́с.”

Psalmy 39:1

Хоро́скирэ Дирижоро́скэ. Идифимоскэ (Едуцыноскэ). Давидо́скиро Пса́лмо.

Psalmy 125:5

И кодолэ́, савэ́ рисёна дрэ риг пэ бангэ́ дрома́, лэн Рай Дэвэ́л лыджа́ла криг кхэтанэ́ одолэнца, савэ́ кэрэ́на чорипэ́н. Тэ явэ́л рама́нё пэ Израилё!

Psalmy 97:10

Тумэ́, кон рикирэ́ла Рас-Дэвлэ́с сыр Дро́гима дро ило́, бидыкхэн чорипэ́н: “Ёв приракхэла дия́ Пэ́скирэ Свэнтонэнгиро, Ёв зракхэ́ла лэн вастэ́стыр чорэ́ манушэ́ндыр.”

Psalmy 78:57

И ёнэ дынэпэ палэ и сыс напатяибнытка сыр лэ́нгирэ дада́: ёнэ вырисёнас сыр банго́ лу́ко.

Psalmy 36:3

Пал-дова́ со ёв шарэла пэс хоханэ́ лавэ́нца, ёв сы́рбы родэ́ла пэ́скиро чорипэ́н, хай, дава́ выкхарэла холы́ дрэ лэ́стэ.

1 Kralip 15:11

“Мэ тангинава, со Мэ чхудём Саулос крали́са, пал-дова́ со ёв отрисия Ма́ндыр и лав Миро на сполниндя.” И задуминдяпэ Самуи́ло, и прикхарэлас Рас-Дэвлэ́с сари́ рат.

Яви́р Зако́но 13:17

нисо́, со исын прокошно́, мэк тэ на причхувэлпэ кэ тыро́ васт, соб (кай) тэ тыкнякирэл Рай Дэвэ́л Пэ́скири холы́, и тэ дэл ту́кэ тангипэ́н, и тэ промангэл тут, и тэ создэл ту́тыр буты́р манушэ́н, сыр Ёв совлахадя́ тырэ́ дадэ́нгэ,

1 Ian 2:19

Ёнэ выгинэ́ амэ́ндыр, нэ ёнэ на сыс амарэ́; пал-дова́ со, ко́ли ёнэ тэ явэ́н амарэ́, тэды ёнэ ячэнас амэ́нца, нэ ёнэ выгинэ́ амэ́ндыр ваш дова́, соб (кай) тэ явэ́л сыкадо, со ние́кх лэ́ндыр нанэ амаро́.

Psalmy 41:9

“Чорипэ́н Велиаростыр пыя́ пэ лэ́стэ и ёв пасия́ и буты́р ёв на уштэ́ла”, – ёнэ ракирэ́на.

Psalmy 139:22

Мэ бидыкхава лэн сарэ́ илэ́стыр, ёнэ ячнэ́ мирэ́ вэргэнца.

Pritčy 6:12

Фрэнто (хартытко) манушоро исын фуй ману́ш, саво́ псирэ́ла розмэкнэ мо́са,

Pritčy 6:13

Ёв марэла (миргинэла) пэ́скирэ якхэ́нца, ёв сы́рбы ракирэ́ла пэ́скирэ ґэрэ́нца, ёв сыкавэ́ла пэ́скирэ ангуштэнца (пальцэнца).

Pritčy 8:13

Соб (кай) тэ дэс паты́в кэ дар Ра́скэ-Дэвлэ́скэ, трэй древа́н тэ на камэс фуипэ́н, пхутькирибэ́н, и одолэ́н, кон пэс барьякирэ́ла, чорэ́ рэ́нды (де́лы) и, кон пэфроми ракирэ́ла чорипэ́н – мэ древа́н на кама́м.

Заха́рия 8:17

Нико́н тумэ́ндыр, мэк тэ на рикирэ́л дро ило́ пэ́скиро холы́ пэ сэмэнцэндэ пэскирэндэ, на кэрэ́н хоханы совэ́л; пал-дова́ со саро́ дава́ Мэ бидыкхава,’ – ракирэ́ла Рай Дэвэ́л.