Psalmy 1:2 - Библия - Пэ Балтитко Романи чиб (Романэс) 2019

² А лэ́скири ра́дыма исын дрэ Дэвлэ́скиро Зако́но и ёв розлэла лэ́скиро Зако́но дывэсэ́ и раты́.

Biblija - Pe Baltitko Romani čib (Romanes) 2019

² A léskiri rádyma isyn dre Devléskiro Zakóno i jov rozlela léskiro Zakóno dyvesé i ratý.

Psalmy 1:2 Referans Kwoze

Isúso 1:8

Мэк тэ на отджал дая́ Законоскири лылвари́ тырэ́ уштэндыр; нэ сыклёв дрэ ла́тэ дывэ́с и рат, соб (кай) дрэ чачипэ́н тэ кэрэ́с кэ ко́нцо (кэ яго́ро) саро́, со дрэ ла́тэ чхиндло́: тэды ту явэ́са тэ прилэс бахт дрэ тырэ́ дрома́ и явэ́са тэ тэ кэрэ́с годьварэс.

Psalmy 119:92

Тэ на бахталёвавас мэ Тырэ́ Законо́стыр, тэ́ньчи мэ хасёвавас дро миро калыпэ́н.

Psalmy 119:11

Мэ гарадём Тыро́ лав дро пэ́скиро ило́, соб (кай) ма́нгэ тэ на кэра́в грэ́хи проти Ту́тэ.

Римлянэнгэ 7:22

Палдава́ мэ радынавпэ Дэвлэ́скирэ Законо́стыр, саво́ дживэ́ла дрэ манушэ́стэ:

Ереме́ё 15:16

Тырэ́ лава́ латхнэ́ миро ило́, и мэ хаём лэн. Тыро́ лав яця́ сыр ра́дыма ма́нгэ и радымакирдя (обрадындя) зоралэ́с миро ило́, пал-дова́, со Тыро́ лав исын пэ Ма́ндэ, Раё Дэ́вла, болыбна́скирэ-янголэ́нгиро Дэвэ́л.

Psalmy 119:35

Кэр, соб (кай) мэ тэ псирав дромэ́са пир Тырэ́ припхэныбэна́, пал-дова́ со лэ́ндыр мэ бахталёвава.

Psalmy 112:1

Аллилуя. Бахтало́ исын ману́ш, Саво́ дарэ́ла Ра́стыр-Дэвлэ́стыр, Саво́ бахталёла зоралэ́с Лэ́скирэ припхэныбнэндыр.

Psalmy 104:34

Мэк тэ явэ́н шука́р и лачхэ́ Лэ́скэ мирэ́ ду́мы, мэ ява́ва тэ радынавпэ Лэ́стыр.

Psalmy 40:8

Тэ́ньци мэ пхэндём: “Акэ, мэ джа́ва, дрэ лылварьякиро (книгакиро) сви́тко, кай исын чхиндло́ пал ма́ндэ:

Psalmy 119:1

Бахталэ́ исын одолэ́, савэнгиро джиибэ́н исын би дошэнгиро, савэ́ дживэ́на пир Ра́скирэ-Дэвлэ́скиро Зако́но.

1 Ian 5:3

И амари́ паты́в и ило́ кэ Дэвэ́л исын кадасавэ́; соб (кай) амэ тэ ракхас Лэ́скиро припхэныбэ́н. И Лэ́скирэ припхэныбэна́ исын напхарэ.

Ióvo 23:12

Мэ на чхурдыём пэ риг припхэныбэна́ Лэ́скирэ уштэндыр, мэ ракхцём дрэ годы́ сыр сувнака́й Лэ́скирэ – уштэнгирэ лава́ фэды́р мирэ́ хабнастыр, со трэй ма́нгэ.

1 Ximaske 4:15

Дыкх пал дава́, отдэ́ пэс пхэрдэ́с далэскэ, соб (кай) тэ явэ́л бицялы тыри́ буты́ ваш сарэ́нгэ.

Psalmy 119:72

Тыро́ Зако́но исын бут фэды́р ма́нгэ, сыр бара́ котэра́ сувнака́стыр ци рупэ́стыр.

Luka 2:37

Далэ́ пивлякэ (удовакэ) сыс охтодэша́ штар бэрш; ёй на джа́лас Кхангирья́тыр и дынариндя́ Дэвлэ́скэ постоса и мангипнаса Дэвлэ́скэ.

2 Ximaske 1:3

Мэ парикирава Дэвлэ́скэ, Савэ́скэ мэ дынаринава (служынава) адя́кэ, сыр дава́ кэрдэ́ и мирэ́-дадэнги́рэ дада́ сарэ́ жужэ́ патыва́са, палдава́ мэ рипирава пал ту́тэ дро миро мангипэ́н Дэвлэ́скэ раты́ и дывэсэ́,

1 Фесалоникийцэнгэ 2:9

Пал-дова́ со тумэ́ рипирэна амари́ буты́ и кхиныпэн: амэ кэрдя́м буты́ раты́ и дывэсэ́, соб (кай) тэ на явас дро пхарипэ́н тумэ́нгэ, амэ роспхэнасас Дэвлэ́скири бахталы́ зан тумэ́нгэ.

Luka 18:7

И со ж, нау́што Дэвэ́л на затырдёла пал одолэ́ндэ, конэ́с Ёв выкэдыя́, савэ́ явэ́на тэ мангэ́нпэ роибнаса Лэ́скэ дывэ́с и рат, и Ёв явэ́ла тэ тырдэл отпхэныбнаса?

Psalmy 88:1

Гилы́ и Пса́лмо Кареёскирэ Чхавэ́нгиро. Хоро́скирэ Дирижоро́скэ. Мелодия Тугаса. Эманакирэ-Эзрахитоскиро Сыклякирибэ́н.

Džiibén 24:63

Ке́ли яця́ бэльвэ́ль, Исаа́ко выгия́ пэ фэ́лда тэ обдуминэл; и ґаздыя́ пэ́скирэ якха́, и дыкхця́: ґа́да, джа́нас верблюды.

Е́здра 7:10

Пал-дова́ со о Е́здра рискирдя́ пэ́скиро ило́ тэ сыклёл Зако́но Дэвлэ́скиро, и тэ рикирэлпэ кэ Зако́но, тэ сыклякирэ́л дро Израилё.