Pritčy 7:26 - Библия - Пэ Балтитко Романи чиб (Романэс) 2019

²⁶ бут мануша́ дукхандынэ пал ла́тэ, и сарэ́, савэ́ исын мулякирдэ́, сыс зоралэ́ мануша́.

Biblija - Pe Baltitko Romani čib (Romanes) 2019

²⁶ but manušá dukhandyne pal láte, i saré, savé isyn muliakirdé, sys zoralé manušá.

Pritčy 7:26 Referans Kwoze

Ниеми́я 13:26

Ци на пал лэ́ндэ, – ракирдём мэ, – кэрдя́ грэ́хи Соломо́но, кра́ли Израилёскиро? На сарэ́ндэ манушэ́ндэ сыс дасаво кра́ли, сыр Соломо́но. Лэ́скэ сыкадя́ лэ́скиро Дэвэ́л и Дэвэ́л чхудя́ лэс крали́са пэ сарэ́ндэ Юдэ́ндэ: и явирэ пхувья́тыр джувля́ залыджинэ лэс дро блэ́ндо.

1 Petr 2:11

Дро́га мирэ́! Мэ древа́н манга́ва тумэн, сыр манушэ́н, савэ́ наґара явнэ́ пэ дая́ пхув и савэ́ лодэна пир дава́ свэ́то: дурьён тумарэ́ лочакирэ камибнастыр, саво́ исын проти тумаро́ ди;

1 Коринфянэнгэ 10:8

И на ява́са тэ кэра́с биладжаипэ́н, сыр вари-савэ́ лэ́ндыр кэрдэ́, и биш тэ трин тысёнцы лэн хасинэ́ пал екх дывэ́с.

Pritčy 6:33

Ёв дорэсэ́ла даба (марибэ́н) и бипатыв (ладжакирибэн), и лэ́скиро обракирибэн ячэ́лапэ пэ лэ́стэ.

2 Kralip 3:27

Ке́ли Авени́ро рисия́ дрэ Хевро́но, тэды Иоа́во отлыджия лэс андрэ́ по́рта (вра́ты), сы́рбы ваш дова́, соб (кай) тэ ракирэ́л лэ́са екх пэ екх, и ёв одо́й чхиндя́ лэс дро пэр. И мыя́ Авени́ро пал Асаилоскиро рат, Иоавоскирэ пшалэскиро.

Сэндарьенгири Лылвари́ 16:21

Филистимля́ни лынэ́ лэс и выпхусадэ лэ́скэ якха́, яндлэ́ лэс дрэ Газа и закуиндлэ лэс дуе харкунэ́ зандирьенца (ланцугэнца), и ёв мелиндя дрэ узникэнгиро кхэр.

2 Коринфянэнгэ 12:21

соб (кай) миро Дэвэ́л тэ на́ чхувэ́л тэлэ́ ман пал тумэ́ндэ, ке́ли мэ ява́ва нэвэ́стыр, и, соб (кай) ма́нгэ тэ на рова́в пал бутэ́ндэ тумэ́ндэ, савэ́ кэрдэ́ грэ́хо и на отрисинэ нажужыпнастыр, биладжаипнастыр, ладжавэ рэндэ́ндыр, савэ́нца ёнэ залэнаспэ.

Pritčy 9:18

Нэ кадалэ́ мануша́ на джинэ́на, со мынэ́ мануша́, кон гия́ кэ ёй, со ла́кирэ гости исын хор паштэ́ дро лю́но (адо).

Pritčy 7:27

Ла́киро кхэр лыджа́ла кэ лю́но (адо), лэ́стыр джа́на тэлэ́ кэ мэрибнаскирэ штэ́ты.

Pritčy 2:18

Пал-дова́ со ла́киро кхэр лыджа́ла кэ мэрибэ́н, а ла́кирэ дроморэ джа́н кэ мулэ́;

Pritčy 23:28

Ёй адя́кэ-паць подракхэла дорэсыбэ́н (манушэ́н) сыр розмарибнытко, и барьякирэ́ла буты́р напатяибнаскирэн машки́р манушэ́ндэ.