Pritčy 7:10 - Библия - Пэ Балтитко Романи чиб (Романэс) 2019

¹⁰ И, акэ, ада́я джувлы́ пирилыя лэс; ёй сыс уриды сыр биладжакуны джувлы́ фрэнтонэ илэ́са.

Biblija - Pe Baltitko Romani čib (Romanes) 2019

¹⁰ I, ake, adáia džuvlý pirilyja les; joj sys uridy syr biladžakuny džuvlý frentone ilésa.

Pritčy 7:10 Referans Kwoze

1 Ximaske 2:9

И адя́кэ-паць мэк джувля́ тэ урьенпэ патывалэс, и лэ́ндэ тэ явэ́н ладж, тэ на пхутён екх анги́л екхатэ дрогонэ́ идяса, сувнака́са, ци кучонэ́ барэ́нца, ци балэнгирэ гожымаса,

Ереме́ё 4:30

И ту, росчордо Ерусалимо, со ту явэ́са тэ кэрэ́с? Мэк ту и тэ урье́спэ дро куч лоло́ плашчо, мэк ту и тэ шукарьякирэс пэс гожонэ вянкэнца сувнака́стыр, мэк ту и тэ подмакхэс пэ́скирэ якха́ макхлуняса (краскаса), нэ ивья́ (напра́снэс) ту саро́ гожакирэса пэс, Тырэ́ дро́га мала́ дыкхэ́на вучипна́стыр пэ ту́тэ, ёнэ родэ́на тэ мулякирэ́н тут.

4 Kralip 9:30

И явдя́ Ииу́ё дро Изрее́лё. Э Езаве́ль, дорэсця́ зан, вымакця пэ́скиро муй, и прикэдыя пэ́скиро шэро́, и дыкхця́ дрэ фэнштра.

Isajos 23:16

“Лэ башады, псир пир фо́ро, бистырды биладжакуны джувлы́! Башав куч, бага бут гиля́, соб (кай) тэ пририпирэн пал ту́тэ.”

4 Kralip 9:22

И ке́ли дыкхця́ Иора́мо Ииуёс, тэды пхэндя́: “Ци раманёса сан ту, Ииу́ё?” И пхэндя́ ёв: “Саво́ рама́нё пашы́л Езавелякиро биладжаипэ́н, тырэ́-да́киро, и пашы́л бут ла́кирэ човаханякирибэна?”

Džiibén 3:1

Сап сыс мэндрэдыр сарэ́ фэлдытконэ мурдалэ́ндыр, савэ́н Рай Дэвэ́л (Яхва́), Дэвэ́л создыя́. И пхэндя́ сап джувля́кэ: “Ци чачипэ́н пхэндя́ Дэвэ́л: ‘На хан ни савэ́ каштэ́стыр дрэ у́нта (садо)?’”

Pritčy 23:28

Ёй адя́кэ-паць подракхэла дорэсыбэ́н (манушэ́н) сыр розмарибнытко, и барьякирэ́ла буты́р напатяибнаскирэн машки́р манушэ́ндэ.