Pritčy 6:6 - Библия - Пэ Балтитко Романи чиб (Романэс) 2019

⁶ Джа́ кэ кири (мурашка), ту кирнэ-масэ́нгиро, придыкхпэ, сыр и со ёй кэрэ́ла, яв годо́:

Biblija - Pe Baltitko Romani čib (Romanes) 2019

⁶ Džá ke kiri (muraška), tu kirne-maséngiro, pridykhpe, syr i so joj keréla, jav godó:

Pritčy 6:6 Referans Kwoze

Pritčy 20:4

Кирнэ-масэ́нгиро ману́ш на пхаравэла (на пашынэла) пхув иванта(тэс)киро (зимакиро), ёв явэ́ла тэ мангэ́л, ке́ли явэ́ла счхиныбэн и нанэ нисо́ лэ́стэ.

Pritčy 18:9

Кон исын набутитко пэ пэ́скири буты́, кодова́ исын пшал кодолэ́скэ, саво́ исын хасякирибнаскиро.

Pritčy 6:9

Кицы́ ту явэ́са тэ пасёс, кирнэ-масэ́нгиро! Ке́ли ту уштэса соибнастыр?

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Матфеё 25:26

И отпхэндя́ лэ́скэ хула́й: ‘Ту сан бибахтало́ и кирнэ-масэ́нгиро писха́ри; ту джиндян, со мэ счхинава, кай на чхудём дрэ пхув, и скэда́ва, кай на росчхудём?

Pritčy 30:25

кирья (мурашки), ёнэ исын назоралэ; нэ ёнэ лынаскиро кэдэна хабэ́н пэ́скэ;

Римлянэнгэ 12:11

на явэ́н кирнэ́-масэ́нгирэ, хачон духо́са, ке́ли тумэ́ дынаринэна Дэвлэ́скэ.

Pritčy 21:25

Дова́, со зоралэ́с трэй кирнэ-масэнгирэ манушэ́скэ, мулякирэ́ла лэс, пал-дова́ со лэ́скирэ васта́ отпхэнэнапэ тэ кэрэ́н пхари́ буты́;

Pritčy 19:15

Набутякирибэн (кирнэ-масэнгирипэн) лыджа́ла манушэ́с дро хор соибэн, и биталанытко ману́ш явэ́ла тэ страдынэл бокха́тыр.

Pritčy 22:13

Набутитко (кирнэ-масэ́нгиро) ману́ш пхэнэ́ла: “Шчэр (ле́во) исын яври́! Мэ ява́ва мулякирдо, пэ вули́цы (пэ га́сы).”

Pritčy 10:26

Со исын шут (уксусо) ваш данда́, ци тхув ваш якха́, адя́кэ-паць исын кирнэ-масэ́нгиро ману́ш ваш одолэ́нгэ, савэ́ бичхадэ́ кадасавэ́ манушэ́с.

Pritčy 19:24

Набутитко (кирнэ-масэ́нгиро) ману́ш чхувэ́ла тэлэ́ пэ́скиро васт дро чаро́, и ёв аж на ґаздэ́ла васт палэ дро пэ́скиро муй.

Матфеё 6:26

Подыкхэн пэ болыбнытконэ чириклендэ; ёнэ на сеинэна, на счхинэна, на чхувэ́на счхиндло дрэ шу́рна; и Дад тумаро́ Болыбна́скиро чаравэла лэн. Нау́што тумэ́ на сан пэ бут дрогэдыр лэ́ндыр?

Pritčy 15:19

Кирнэ-масэ́нгиро дром исын сыр тыно пхусадытконэ (тернытконэ) хрустэндыр, нэ дэвлытконэнгиро дром исын маму́й (пря́мо).

Pritčy 1:17

Нэ ивья́ (напра́снэс) ёнэ чхудэ́ фэлы́ анги́л якха́ сарэ́ чириклендэ.

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Pritčy 23:19

Мро чха́ва! Шун, и яв годо́, и приракх пэ́скиро ило́ пэ маму́й дром.

Pritčy 30:24

А́кэ, штар тыкнэ́ джидалэ, нэ ёнэ исын древа́н годэ́:

Ереме́ё 8:7

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.

Pritčy 10:4

Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.