Pritčy 6:29 - Библия - Пэ Балтитко Романи чиб (Романэс) 2019

²⁹ Дова́-паць исын кодолэ́ манушэ́са, саво́ псирэ́ла кэ пэ́скирэ-пашатунэскири ромны́: ко́ли вари-кон чилавэ́ла (чэпинэла) ла, кодова́ на ячэ́лапэ бибангипнаскиро (на явэ́ла на банго́).

Biblija - Pe Baltitko Romani čib (Romanes) 2019

²⁹ Dová-pac' isyn kodolé manušésa, savó psiréla ke péskire-pašatuneskiri romný: kóli vari-kon čilavéla (čepinela) la, kodová na jačélape bibangipnaskiro (na javéla na bangó).

Pritčy 6:29 Referans Kwoze

1 Коринфянэнгэ 7:1

Пал дова́, со тумэ́ чхиндлэ́ ма́нгэ: манушэ́скэ фэды́р тэ на чилавэл (тэ на джинэ́л) джувля́;

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Езэкилё 22:11

Яви́р кэрэ́ла биладжаипэ́н чужонэ́ ромня́са, яви́р магирэла пэскирья́ борья, яви́р кэрэ́ла биладжакиро грэ́хо пхэняса, пэ́скирэ – дадэ́скирэ чхаса.

Pritčy 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

2 Kralip 16:21

И пхэндя́ Ахитофелё Авесаломоскэ: “Заджа́ кэ тырэ́-дадэ́скирэ наложницы, савэ́н ёв ячкирдя́ тэ ракхэ́н пэ́скиро кхэр; и шунэ́на сарэ́ Израильтя́ни, со ту кэрдянпэ налачхэса ваш тырэ́ дадэ́скэ, и зоралёна сарэнгирэ манушэ́нгирэ васта́, савэ́ исын ту́са.”

Левито 20:10

Ко́ли вари-кон явэ́ла тэ кэрэ́л биладжаипэ́н палоромитконэ ромня́са, ко́ли вари-кон явэ́ла тэ кэрэ́л биладжаипэ́н пэ́скирэ пашатунэскирэ ромня́са, мэк тэ явэ́н отдынэ́ мэрибна́скэ, биладжакуно и биладжакуны.

Vygiiben 20:17

На тырдэпэ кэ тырэ́ пашатунэскиро кхэр; на причху́в ило́ кэ тырэ́-пашатунэскири ромны́, ни лэ́скирэ писхари́с, ни лэ́скирэ писхарица, ни лэ́скирэ гурувэ́с, ни лэ́скирэ осло́с, ничи́, со исын тырэ́ пашатунэстэ.”

Левито 18:20

И ромня́са тырэ́ пашатунэскирэса на пасёв, соб (кай) тэ вычхувэс семё (сал) и тэ магирэспэ ла́са.

Pritčy 6:28

Ци могинэ́ла ману́ш тэ джал пир хачкирдэ́ вангара и, соб (кай) лэ́скирэ ґэра́ тэ на обхачон?

Езэкилё 18:6

ко́ли ёв на ха́ла пэ бэ́рги свэ́нто дыибэ́н (жэ́ртва), пэ Израилёскирэ-кхэрэ́скирэ кэрдэ́ дэвлорэ́ на обрисёла пэ́скирэ якхэ́нца. На магирэлапэ явирэ ромня́са, на чилавэ́ла пэ́скирэ ромня́, ко́ли ёй исын нажужи.

Езэкилё 33:26

Тумэ́ думинэ́на, со курта́ла подрикирэ́ла тумэн, тумэ́ кэрэ́на джунгалэ́ рэ́нды, екх тумэ́ндыр магирэла – явирэскирэ ромня́, и камэ́на, соб (кай) пхув тэ явэ́л тумари́?

Džiibén 20:2

И Авраа́мо пхэндя́ пал пэ́скирэ ромня́тэ Сарратэ: “Ёй исын мири́ пхэн.” И о Авимеле́хо, Герароскиро кра́ли, бичхадя́, и лыя́ Са́рра.

2 Kralip 11:27

Ке́ли прогия́ часо тэ обровэл лэс, то Дави́до бичхадя́ и лыя́ ла дрэ пэ́скиро кхэр, и ёй яця́ лэ́скирэ ромня́са, и бияндя́ лэ́скэ чхавэ́с. И сыс дава́ на́лачхо рэ́ндо, саво́ кэрдя́ Дави́до, дрэ якха́ Ра́скирэ-Дэвлэ́скирэ.