Pritčy 6:23 - Библия - Пэ Балтитко Романи чиб (Романэс) 2019

²³ Пал-дова́ со дадэ́нгиро припхэныбэ́н исын момолы́тко (свети́льнико), и лэ́нгиро сыклякирибэ́н исын дуд. Ко́ли ёнэ сыклякирэ́на дукханэс тут, дава́ екх исын ваш дова́, со трэй дро джиибэ́н:

Biblija - Pe Baltitko Romani čib (Romanes) 2019

²³ Pal-dová so dadéngiro priphenybén isyn momolýtko (svietíl'niko), i léngiro sykliakiribén isyn dud. Kóli jone sykliakiréna dukhanes tut, davá jekh isyn vaš dová, so trej dro džiibén:

Pritčy 6:23 Referans Kwoze

Psalmy 119:105

Тыро́ лав исын момолы́тко (свети́льнико) мирэ́ ґэрьякэ, и дуд пэ миро дром.

2 Petr 1:19

И апри́ч дова́, саро́ амэ́ндэ исын най чачунэдыр пророкэнгиро лав, и тумэ́ миштэ́с кэрэ́на, со тумэ́ ракхибны́ткэс шунэ́на дава́ лав, саво́ исын сы́рбы дава́ дуд (свэ́то), со хачола дро цямло штэ́то, пака на явэ́ла палатуно́ зло́ко (ра́нко) и ґаздэ́лапэ злокоскири чэргэн дрэ тумарэ́ илэ,

Psalmy 19:8

Ра́скирэ-Дэвлэ́скиро Зако́но исын бидошэ́нгиро, со дэ́ла зор дескэ. Ра́скирэ-Дэвлэ́скиро допхэныбэ́н исын чачуно́, со дэ́ла годы́ одолэ́скэ, конэ́скэ дава́ трэй.

Pritčy 15:31

Кон шунэ́ла, ке́ли лэ́скэ сыкавэ́на банг дро джиибэ́н (лэс сыклякирэ́на джиибнаскэ), ячэ́лапэ машки́р годэ́ манушэ́ндэ.

Pritčy 4:13

Рикирпэ зоралэ́с кэ чачуно́ сыклякирибэ́н, на бистыр пал лэ́стэ: ракх лэс, пал-дова́ со дава́ сыклякирибэ́н исын тыро́ джиибэ́н.

Pritčy 4:4

то миро дад адя́кэ-паць сыклякирдя́ ман и пхэндя́ ма́нгэ: “Мэк тыро́ ило́ тэ рипирэл мирэ́ лава́: ри́кирпэ кэ мирэ́ припхэныбэна́ и джив.

Ереме́ё 21:8

‘Акана́ ту, Ереме́ё, пхэн кадалэ́ манушэ́нгэ: ‘Адя́кэ – ракира́ва Мэ, Рай Дэвэ́л, – ‘А́кэ, Мэ чхува́ва анги́л тумэ́ндэ джиибна́скиро дром, и мэрибнаскиро дром.

Pritčy 29:15

Ко́ли чхаворэс сыклякирэ́на пхарэ́с и раняса (розгаса), тэды ёв ячэ́лапэ годэдыр. Нэ ко́ли чхаворо́ мэкно́ кокоро́ пэ́скэ, то ёв ладжакирэла пэ́скирэ да.

Pritčy 15:24

Годэ́-манушэ́скиро дром дро джиибэ́н джа́ла упрэ́, соб (кай) ёв тэ рисёл криг люностыр (адостыр), со исын тэлэ́.

Psalmy 141:5

Мэк чачипнаскирэ мануша́ тэ пэкавэн ман, дава́ явэ́ла куч. И мэк ёв тэ сыкавэ́л мири́ банг, дава́ явэ́ла сы́рбы оливи́тко дзэт (елеё), савэ́стыр миро рама́нё (миро) на рисёла криг; нэ сароекх мэ ява́ва тэ мангавапэ, соб (кай) ёнэ тэ на кэрэ́н чорипэ́н.

Sykadyipén 2:5

Тэды ри́пир дова́ лачхипэ́н, саво́ ту мэкцян; приґалёв банг, и кэр дова́, со ту кэрдя́н ангил дова́. Ко́ли ту на приґалёса банг, тэды Мэ ява́ва кэ ту и Мэ ла́ва тыро́ момолы́тко (свети́льнико) лэ́скирэ штэто́стыр, пака ту приґалёса банг.

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

Pritčy 3:18

Годыпэ́н исын сы́рбы джиибна́скири пхабэлын кодолэ́скэ, кон ха́ла лэ́скирэ пхаба́: бахтало́ исын кодова́ ману́ш, саво́ рикирэ́лапэ кэ дава́ кашт.

Pritčy 5:12

и ту пхэнэ́са: “Сыр дава́ сыс, со мэ бидыкцём сыклякирибэ́н (миро ило́ на камдя́), ке́ли сыклякирдэ́ ман чачипнаскэ!”

Левито 19:17

На рикир холы́ дрэ тыро́ ило́ пэ тырэ́ пшалэ́стэ; сыка́в банг тырэ́ пашатунэскэ, и на явэ́ла пал лэ́стэ грэ́хо.

Džiibén 39:8

Нэ ёв отпхэндяпэ, и пхэндя́ пэ́скирэ хула́скирэ ромнякэ: “Ѓа́да, миро хула́й на джинэ́ла пал ма́ндэ ничи́ дро кхэр, и саро́, со сыс лэ́стэ, отдыя́ дрэ мирэ́ васта́;

Psalmy 119:130

Дова́, со сыкавэ́на Тырэ́ лава́, дэ́ла дуд и сыклякирэ́ла манушэ́н, савэ́ ишчо (инкэ́) на́бут джинэ́на.

Pritčy 10:17

Одова́, саво́ рикирэ́лапэ кэ сыклякирибэ́н, исын пэ дром кэ джиибэ́н, нэ кодова́, кон на прилэ́ла кэ годы́, ке́ли лэ́скэ сыкавэ́на банг, джа́ла дрэ риг далэ́ дромэ́стыр.

Ekliesiastos 7:5

Дава́ исын фэды́р ваш манушэ́скэ тэ шунэ́н, ко́ли годэ́ мануша́ сыкавэ́на банг ту́кэ, сыр тэ шунэ́с дылыниньконэнгири гилы́.

Ekliesiastos 7:26

И мэ латхём (ластём), со джувлы́ исын киркэдыр мэрибна́стыр, савьятэ ило́ исын сы́рбы фэлы́, ци кхуды́ (сеть), савьятэ васта́ исын сы́рбы зандирья́ (цэ́пи) пэ ґэра́. Нэ ману́ш кон кэрэ́ла, сыр исын лачхо́ Дэвлэ́скэ, зракхэ́лапэ ла́тыр, нэ грэхи́тко ману́ш явэ́ла лыно́ дрэ ла́кирэ фэля́.

Езэкилё 20:11

И Мэ дыём лэ́нгэ Мирэ́ упхэныбэна́, сыкадём лэ́нгэ Мирэ́ зако́ны, савэ́нца дживэлас бы ману́ш, ко́ли ёв тэ кэрэ́л, сыр Мэ пхэндём.