Pritčy 6:14 - Библия - Пэ Балтитко Романи чиб (Романэс) 2019

¹⁴ Лэ́скири годы́ исын розмэкны, ёв усады (сак) придуминэла чорипэ́н, ёв кэрэ́ла адя́кэ, соб (кай) мануша́ тэ чингардэнпэ.

Biblija - Pe Baltitko Romani čib (Romanes) 2019

¹⁴ Léskiri godý isyn rozmekny, jov usady (sak) priduminela čoripén, jov keréla adiáke, sob (kaj) manušá te čingardenpe.

Pritčy 6:14 Referans Kwoze

Mihiejo 2:1

Бида пэ одолэ́ндэ, савэ́ придуминэна чорипэ́н и савэ́ выдуминэна биба́хт пэ пэ́скирэ чхуибэна! Пэ зло́ко, ке́ли дывэсёла, ёнэ кэрэ́на дова́, пал-дова́ со саро́ дава́ исын дро лэ́нгиро васт.

Римлянэнгэ 16:17

Нэ мэ манга́ва тумэн, пшала́лэ, тэ ракхэ́нпэ одолэ́ манушэ́ндыр, савэ́ кэрэ́на дрэ кхангирья роскэрибэна и пхарипэна, и камэ́на тэ лыджа́н криг тумэн далэ́ сыкляибнастыр, савэ́скэ тумэ́ высыклынэ.

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

Езэкилё 11:2

И пхэндя́ Ёв ма́нгэ: “Манушэ́скиро чхава! Акэ, исын мануша́, савэ́ придуминэна чорипэ́н, савэ́ дэ́на бэда годыпэна (советы) дро дава́ фо́ро.

Isajos 57:20

А грэхи́тко ману́ш исын сыр мо́рё (дэрья́в), саво́ ґаздыя́пэ и нисыр на пириячэ́ла, и пани́ лэ́скиро вычхурдэла ило́ и бла́та.

Isajos 32:7

Фрэнто (холямо́) ману́ш кэрэ́ла хасибны́тка рэ́нды: ёв думинэ́ла, пал фуипэ́н, соб (кай) тэ хасякирэ́л чорорэс хоханэ́ лавэ́нца и тэды, ко́ли чороро́ кэрэ́ла пир чачипэ́н.

Pritčy 22:8

Кон почхувэла (сеинэла) начачипэ́н сыр гив пэ фэ́лда, кодова́ кэрэ́ла биба́хт (би́да) пэ́скэ, и лэ́скири зор дрэ холы́ кончынэлапэ.

Pritčy 21:8

Злыдня ману́ш скэдэлапэ тэ кэрэ́л чорипэ́н пэфроми (смыслоса), нэ бидошэнгирэ-манушэ́нгирэ бутя́ исын чачунэ́.

Pritčy 3:29

На придумин чорипэ́н пэ тырэ́ пашатунэстэ, пал-дова́ со ёв дживэ́ла би дара́киро пашы́л ту́тэ.

Pritčy 2:14

савэ́ исын ра́да тэ кэрэ́н чорипэ́н и древа́н тэ радынэ́нпэ фуипнаскэ (захалэ биладжаипнаскэ),

Psalmy 36:4

Лэ́скирэ-москирэ лава́ исын налачхэ́ и хоханэ́; ёв пирияця́ тэ явэ́л годо́ и тэ кэрэ́л лачхипэ́н.

Psalmy 140:2

Зра́кх ман, о Раё Дэ́вла, чорэ́ манушэ́ндыр, ракх ман фуе́ манушэ́ндыр:

Pritčy 16:27

Бидэвлыткари [фрэнтари-р.с.] ґанавэла биба́хт, и лэ́скирэ ушта́ исын сы́рбы яг, сави́ хачкирэ́ла.

Pritčy 17:20

Хоханэ́-илэ́скиро ману́ш на латхэ́ла лачхипэ́н; пэ манушэ́стэ, савэ́стэ исын мижэх чиб, пэрэ́ла биба́хт.

Pritčy 24:8

Кон придуминэла тэ кэрэ́л биба́хт, одова́ явэ́ла кхардо бибахтярискиро.

Psalmy 140:3

савэ́ придуминэна чорипэ́н дро лэ́нгиро ило́, ёнэ саро́ дывэ́с скэдэ́напэ ваш марибэ́н.

Pritčy 3:32

Пал-дова́ со ману́ш, кон джал криг чачунэ́ дромэ́стыр, явэ́ла джунгало́ (брыдинэла) Ра́скэ-Дэвлэ́скэ, а лэ́скиро гарадо́ кхэтаныпэн исын чачунэ́ манушэ́нца.

Pritčy 14:22

Ци на хохавэнапэ одолэ́, савэ́ придуминэна чорипэ́н? Нэ кодолэ́, савэ́ придуминэна лачхипэ́н, дыкхэ́на явирэ манушэ́ндыр дро́го лачхипэ́н и патяибэ́н.