Pritčy 6:12 - Библия - Пэ Балтитко Романи чиб (Романэс) 2019

¹² Фрэнто (хартытко) манушоро исын фуй ману́ш, саво́ псирэ́ла розмэкнэ мо́са,

Biblija - Pe Baltitko Romani čib (Romanes) 2019

¹² Frento (xartytko) manušoro isyn fuj manúš, savó psiréla rozmekne mósa,

Pritčy 6:12 Referans Kwoze

Матфеё 12:34

Тумэ́ сан сапитко ро́до! Сыр тумэ́ могинэ́на тэ ракирэ́н лачхипэ́н, ко́ли тумэ́ сан налачхэ́? Пал-дова́ со, со исын дро ило́ пхэрдо́, дова́ ушта́ ракирэ́на.

Pritčy 16:27

Бидэвлыткари [фрэнтари-р.с.] ґанавэла биба́хт, и лэ́скирэ ушта́ исын сы́рбы яг, сави́ хачкирэ́ла.

Pritčy 4:24

Ри́скир пэ́стыр хоханы чиб, и ушта́, со исын фрэнта.

1 Ximaske 5:13

И ёнэ адя́кэ-паць на кэрэ́на нисо́, а псирэ́на пир кхэра́, злыджана плётки, рэсэна на дрэ пэ́скирэ рэ́нды тэ ракирэ́н дова́, со налачхэ́с тэ ракирэ́н.

Apostolengiri Butý 20:30

адя́кэ-паць и машки́р тумэ́ндэ явэ́на мануша́, савэ́ явэ́на тэ ракирэ́н хохано́ сыкляибэн, соб (кай) тэ злыджан пал пэ́стэ сыкляибнытконэ́н.

Pritčy 17:4

Бибахтало́ ману́ш прилэ́ла кэ годы́, со ракирэ́на начачунэ ушта́, нэ хохано́ ману́ш шунэ́ла бэдо чиб, сави́ лыджа́ла пэ хасибэ́н.

Pritčy 8:13

Соб (кай) тэ дэс паты́в кэ дар Ра́скэ-Дэвлэ́скэ, трэй древа́н тэ на камэс фуипэ́н, пхутькирибэ́н, и одолэ́н, кон пэс барьякирэ́ла, чорэ́ рэ́нды (де́лы) и, кон пэфроми ракирэ́ла чорипэ́н – мэ древа́н на кама́м.

Psalmy 59:7

Бэльвэленца ёнэ рисёна палэ, ёнэ выинэна сы́рбы джукэла и обджана трусця́л фо́ро,

Jakov 3:6

Чиб-дава́ исын сы́рбы доя́-паць яг, савья́тыр могинэ́ла тэ явэ́л бут фуипэ́н; чиб исын машкира́л амарэ́ масэнгирэ паша́, со калякирэла саро́ и могинэ́ла тэ схачкирэл саро́ амаро́ джиибэ́н яга́са, сави́ джа́ла люностыр (адостыр).

Pritčy 11:6

Чачипэ́н зракхэ́ла дэвлытконэ́ манушэ́н, нэ напатяибнаскирэ пэрэ́на дрэ фэлы́ пэ́скирэ фрэнтыматыр, пал сави́ ёнэ традэнапэ.

Pritčy 6:14

Лэ́скири годы́ исын розмэкны, ёв усады (сак) придуминэла чорипэ́н, ёв кэрэ́ла адя́кэ, соб (кай) мануша́ тэ чингардэнпэ.

Pritčy 2:12

Соб (кай) тэ выракхэл тут чорэ́ дромэ́стыр, манушэ́стыр, саво́ ракирэ́ла фуипэ́н пэфроми (нарошнэс),

Psalmy 36:3

Пал-дова́ со ёв шарэла пэс хоханэ́ лавэ́нца, ёв сы́рбы родэ́ла пэ́скиро чорипэ́н, хай, дава́ выкхарэла холы́ дрэ лэ́стэ.

Psalmy 10:7

[28] Ке́ли ёнэ ракирэ́на, ёнэ кошэна, хохавэна и трашакирэна манушэ́н, лэ́нгири чиб ракирэ́ла чорипэ́н и дошакирэла манушэ́н.

Psalmy 10:3

[24] Фуй мануша́ пхутёна пэ́скирэ налачхэ́ камибнаса дро ило́. И мануша́, савэ́ исын ґалка (корысна) кэ чу́жо миштыпэ́н, кошэна и тыкнякирэна Рас-Дэвлэ́с.

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

Ереме́ё 24:2

Екх кхудо (корзина) сыс древа́н лачхэ́ инжыроса сыр пэ́рва спе́ла му́ри, и яви́р кхудо сыс древа́н адасавэ́ налачхэ́ инжыроса, со лэ́скирэ му́ри сыс нашты́ тэ хас.

1 Kralip 17:28

И шундя́ Елиаво, пхурэды́р Давидо́скиро пшал, со ракирдя́ ёв манушэ́нца, и холя́сыя Елиаво пэ Давидо́стэ, и пхэндя́: “Со́скэ ту адари́к явдя́н, и пэ конэ́стэ ячкирдян бутэн долэн бакрэ́н пэ чхучи́ пхув? Мэ джино́м тыро́ пхутькирибэ́н и тыро́ дылыно́ ило́, ту явдя́н тэ подыкхэс пэ марибэ́н.”

Pritčy 10:32

Чачунэ́-манушэ́нгирэ ушта́ джинэ́на, со тэ пхэнэ́н, нэ муй фуе́-манушэ́нгиро фэ́ни (то́ка) хохавэла.

Psalmy 101:3

Мэ на домэкава, соб (кай) мирэ́ якха́ тэ дыкхэ́н пэ фуипэ́н, со кэрэ́на мануша́; ма́нгэ исын на́ пир ило́ одолэ́ рэ́нды, со кэрэ́на мануша́, ке́ли рисёна криг Дэвлэ́стыр, и ёнэ на приячэна кэ мэ.

Pritčy 3:32

Пал-дова́ со ману́ш, кон джал криг чачунэ́ дромэ́стыр, явэ́ла джунгало́ (брыдинэла) Ра́скэ-Дэвлэ́скэ, а лэ́скиро гарадо́ кхэтаныпэн исын чачунэ́ манушэ́нца.

Pritčy 16:30

Кон марэла якхаса (пришчуринэ́лапэ), одова́ придуминэла чорипэ́н; кон дандырэла пэ́скирэ ушта́, одова́ кэрэ́ла чорипэ́н.