Pritčy 5:22 - Библия - Пэ Балтитко Романи чиб (Романэс) 2019

²² Фуй ману́ш кокоро́ хасёла пэ́скирэ чорипна́стыр, а лэ́скиро грэ́хо сы́рбы шэлэнца пхандэла лэс кокорэс.

Biblija - Pe Baltitko Romani čib (Romanes) 2019

²² Fuj manúš kokoró xasjola péskire čoripnástyr, a léskiro grého sýrby šelenca phandela les kokores.

Pritčy 5:22 Referans Kwoze

Pritčy 11:5

Чачипэ́н сыкавэ́ла дром бидошакирэ манушэ́скэ, нэ фуй мануша́ пэрэ́на пэ́скирэ фуипнастыр.

Pritčy 1:18

И кадалэ́ мануша́ исын паштэ́, и сы́рбы ужакирэ́на пэ лэ́нгиро рат, ёнэ ґарадёна чораханэ́с и родэ́на мэрибэ́н пэ́скэ.

Psalmy 9:15

Соб (кай) мэ тэ тэрдёвав анги́л манушэ́ндэ Сионо́стыр, и тэ роспхэнав пал со трэй тэ шарэ́н Тут. Мэ ява́ва тэ радынавпэ, со Ту зракхця́н ман.

Юдэ́нгэ 13:4

Мэк тэ явэ́л романдуно́ (супру́жэско) джиибэ́н дрэ паты́в пир саро́, и чачипэ́н машки́р лэ́ндэ тэ на явэ́л магирдо́; Дэвэ́л явэ́ла тэ сэндякирэ́л биладжакунэ́ манушэ́н и манушэ́н, савэ́ дживэ́на джувле́нца сыр рома́ би совлакиро.

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Ekliesiastos 7:26

И мэ латхём (ластём), со джувлы́ исын киркэдыр мэрибна́стыр, савьятэ ило́ исын сы́рбы фэлы́, ци кхуды́ (сеть), савьятэ васта́ исын сы́рбы зандирья́ (цэ́пи) пэ ґэра́. Нэ ману́ш кон кэрэ́ла, сыр исын лачхо́ Дэвлэ́скэ, зракхэ́лапэ ла́тыр, нэ грэхи́тко ману́ш явэ́ла лыно́ дрэ ла́кирэ фэля́.

Pritčy 11:3

Дэвлытконэ́-манушэ́нгиро лачхипэ́н явэ́ла тэ приракхэл лэн, нэ напатяибнаскирэ-манушэ́нгиро чорипэ́н хасякирэ́ла лэн.

Čysly 32:23

Ко́ли тумэ́ на кэрэ́на адя́кэ, тэды тумэ́ кэрэ́на грэ́хо анги́л Растэ-Дэвлэ́стэ, и джинэ́н, со ка́ра пал тумаро́ грэ́хо, саво́ латхэ́ла тумэн;

Сэндарьенгири Лылвари́ 20:41

Израильтя́ни рисинэ́, а Вениамино страхадыя, пал-дова́ со дыкхця́, со латхя́ лэс би́да.

Psalmy 40:12

О Раё Дэ́вла, на отдэ́, пририкир Тыри́ мило лачхэ́-илы́ткима, мэк Тыро́ лачхипэ́н и Тыро́ патяибэ́н усады (сак) тэ ракхэ́н ман.

Roiben 1:14

Рай Дэвэ́л пхандя зоралэ́с Пэ́скирэ вастэ́са ґа́мо мирэ́ чорипна́стыр; ёй исын кхуды́ и зарэсця пэ мири́ мэн. Ёв кэрдя́ адя́кэ, со мири́ зор замыя́. Ёв здыя ман дрэ васта́, савэ́ндыр мэ на могина́ва тэ ґаздавпэ.

Сэндарьенгири Лылвари́ 9:57

И сарэ́ Сихемоскирэ-манушэ́нгирэ чорэ́ рэ́нды (де́лы) порискирдя Дэвэ́л пэ лэ́нгиро шэро́. И латхя́ лэн Иофамо́скиро прокошыбэ́н, Иероваалоскирэ чхавэ́скиро.

3 Kralip 18:18

И отпхэндя́ Или́я: “Мэ на кэра́ва пхарипэ́н Израилёскэ; нэ дава́ ту, и тырэ́-дадэ́скиро кхэр кэрэ́на дава́ далэ́са, со тумэ́ мэкнэ́ припхэныбэна́ Ра́скирэ-Дэвлэ́скирэ и джа́на пал Ваало.

Ester 9:25

Нэ сыр Эстэ́ра догия́ кэ кра́ли, и сыр кра́ли припхэндя́ нэвонэ́ лылэса, соб (кай) калэ́ задумки Аманоскирэ, савэ́ ёв придуминдя пэ Юдэ́ндэ, обрисинэ пэ лэ́скиро шэро́, и соб (кай) лэс и чхавэ́н лэскирэн тэ ублавэн пэ вэшына (кашт).

Ióvo 18:8

Пал-дова́ со лэ́скирэ ґэра́ кокорэ́ лыджа́на лэс дрэ кхуды́ (мире́жа), и ёв штавэла кэ фэля́.

Psalmy 9:17

Рай Дэвэ́л сыкадя́ Пэс, Кон Ёв исын, ке́ли Ёв лыджия́ сэндытка рэ́нды чачипна́са; фуй мануша́ хасёна далэ́стыр, со ёнэ кэрдэ́ пэ́скирэ вастэ́нца. Штыл (тихо) мелодия. Сэ́ла.

Pritčy 11:6

Чачипэ́н зракхэ́ла дэвлытконэ́ манушэ́н, нэ напатяибнаскирэ пэрэ́на дрэ фэлы́ пэ́скирэ фрэнтыматыр, пал сави́ ёнэ традэнапэ.

Pritčy 12:14

Ману́ш явэ́ла чало лачхипнастыр сыр пхабатыр, со выджа́ла лэ́скирэ уштэндыр, и явэ́ла дыно́ манушэ́скэ пир бутя́ лэ́скирэ-вастэнгирэ.

Pritčy 14:32

Фуй мануша́ пэрэ́на пэ́скирэ фуипнастыр, нэ чачуно́ исын зоралэ́с тэрдо́ аж дро са́мо лэ́скиро мэрибэ́н.

Pritčy 18:7

Дылынэскири чиб исын хасибэ́н ваш лэ́скэ, и лэ́скирэ ушта́ исын сы́рбы фэлы́ ваш лэ́скиро ди.

Pritčy 24:12

Ко́ли тумэ́ пхэнэ́на: “Чачо́, амэ на джиндям дава́”, тэды Кодова́, Саво́ ублавэла (важынэла) илэ, ци на ґалёла дава́? Кодова́, Саво́ ракхэ́ла тыро́ ило́, ци на джинэ́ла Ёв дава́? И Ёв отдэ́ла кажнонэ́ манушэ́скэ ада́кицы, кицы́ ёв исын мол пал лэ́скирэ рэ́нды.

Pritčy 26:27

Кон ґанавэла ґанби́н (яма), одова́ кокоро́ пэрэ́ла дрэ ла́тэ, и кон катынэла упрэ́ бар, пэ одолэ́стэ бар рисёла палэ.

Авдиёс 1:15

Пал-дова́ со сыг явэ́ла Дывэ́с Ра́скирэ-Дэвлэ́скиро пэ сарэ́ Наюды́тка на́цыи: сыр ту кэрдя́н, адя́кэ и ту́кэ явэ́ла кэрдо́; тырэ́ рэ́нды рисёна пэ тыро́ шэро́.