Pritčy 4:23 - Библия - Пэ Балтитко Романи чиб (Романэс) 2019

²³ Ракх пэ́скиро ило́ бутэды́р сарэ́стыр, со исын дро́го ту́кэ. Пал-дова́ со лэ́стыр тхадэ́ла ґаны́нг, сави́ дэ́ла джиибэ́н.

Biblija - Pe Baltitko Romani čib (Romanes) 2019

²³ Rakh péskiro iló butedýr saréstyr, so isyn drógo túke. Pal-dová so léstyr thadéla ĥanýng, saví déla džiibén.

Pritčy 4:23 Referans Kwoze

Luka 6:45

Лачхо́ ману́ш вылыджала лачхипэ́н лэ́скирэ–илэ́скирэ кучипнастыр, на́лачхо ману́ш вылыджала фуипэ́н лэ́скирэ-илэ́скирэ фуипнастыр; пал-дова́, со исын дро ило́, дова́ ушта́ ракирэ́на.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Ереме́ё 17:9

Ило́ исын хоханэдыр сарэ́стыр и древа́н бибахтало́, кон сашты́ тэ джинэ́л лэс?

Матфеё 15:19

Палдова́ со чорэ́ ду́мы, замарибэн, биладжаипэ́н, блэ́ндо, чорибэна, хохано́ допхэныбэ́н, калякирибэн.

Pritčy 23:19

Мро чха́ва! Шун, и яв годо́, и приракх пэ́скиро ило́ пэ маму́й дром.

Pritčy 28:26

Кон зоралэ́с патя́ла пэ́скирэ илэскэ, кодова́ исын дылыно́, нэ кон годэс дживэ́ла, кодова́ явэ́ла зракхно.

Marko 14:38

Ракхэ́нпэ (на совэн) и мангэ́нпэ Дэвлэ́скэ, соб (кай) тэ на поддэнпэ дро пропатакирибэн; ду́хо (фа́но) исын састо́, а маса́ исын бизорья́кирэ.”

Яви́р Зако́но 4:9

Фэ́ни (то́ка), ракхпэ, и гарав ракхунэс тыро́ ди, соб (кай) ту́кэ тэ на бистрэс долэ́ рэ́нды, савэ́ дыкхнэ́ тырэ́ якха́, соб (кай) ёнэ тэ на выджа́н тырэ́ илэ́стыр дрэ сарэ́ тырэ́ джиибна́скирэ дывэса́; и роспхэн пал лэ́ндэ тырэ́ чхавэ́нгэ и тырэ́-чхавэ́нгирэ чхавэ́нгэ,

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Pritčy 4:7

Годыпэ́н исын баро́ рэ́ндо, сыклёв тэ явэс годэдыр, и сыклёв тэ ґалёс саро́, со ту́тэ исын.

Pritčy 3:21

Ми́ро чхаво́! На мэк лэн, соб (кай) тэ джа́н криг тырэ́ якхэ́ндыр: ракх састо́ годыпэ́н и хор розлыибэн:

Pritčy 22:5

Пхусадытка хру́сты (терны) и фэля́ исын пэ дром, кай исын мижэх ману́ш; а кон приракхэла пэ́скиро ди, кодова́ явэ́ла тэ дурьёл лэ́ндыр.

Pritčy 11:16

Лачхэ́-илытко джувлы́ дорэсэ́ла паты́в, нэ пхарэ́-бутякирэ мануша́ дорэсэ́на барвалыпэ́н.

Ekliesiastos 5:13

[14] ци дава́ барвалыпэ́н могинэ́ла тэ хасёл бибахталэ́ ваканцыятыр (случаёстыр). А ке́ли чхаворо́ латхэлапэ, ёв нисо́ на дорэсэ́ла дро васт.

Матфеё 15:18

Нэ со джа́ла яври́ мо́стыр, дова́-паць джа́ла илэ́стыр, и кадава́ кэрэ́ла манушэ́с магирдэса.

4 Kralip 10:31

Нэ Ииу́ё на стариндяпэ тэ псирэ́л пир Ра́скирэ-Дэвлэ́скиро, Дэвлэ́скирэ-Израилёскиро зако́но, сарэ́ илэ́стыр. Ёв на отгия́ Еровоамоскирэ грэхэ́ндыр, саво́ залыджия́ Израилё дро грэ́хо.

Pritčy 16:17

Чачуно́ дром ваш дэвлытконэнгэ исын дрэ дова́, соб (кай) тэ дурьён чорипна́стыр. Кон рикирлапэ кэ пэ́скиро [ракхэ́ла-р.с.] дром, одова́ ракхэ́ла пэ́скиро ду́хо (фа́но).