Pritčy 4:19 - Библия - Пэ Балтитко Романи чиб (Романэс) 2019

¹⁹ Нэ дром фуе́-манушэ́нгиро исын сы́рбы цямлыпэ́н; ёнэ на джинэ́на, пир со ёнэ обштавэнапэ.

Biblija - Pe Baltitko Romani čib (Romanes) 2019

¹⁹ Ne drom fujé-manušéngiro isyn sýrby ciamlypén; jone na džinéna, pir so jone obštavenape.

Pritčy 4:19 Referans Kwoze

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Ереме́ё 23:12

“Палдава́ лэ́нгиро дром явэ́ла ваш лэ́нгэ сыр слизко штэ́то дро калыпэ́н (цёмныма), лэн шпулэна (пихинэна) одо́й и ёнэ пэрэ́на одори́к. Мэ яна́ва биба́хт (бари би́да) – пэ лэ́ндэ дро бэрш, ке́ли Мэ ява́ва тэ сэндякирав лэн”, – ракирэ́ла Рай Дэвэ́л.

1 Kralip 2:9

Пэ́скирэ свэнтонэнгирэ ґэра́ (стопы) Ёв ракхэ́ла, савэ́ на пир зако́но дживэ́на, дро калыпэ́н хасёна; пал-дова́ со на зорья́са ману́ш исын зорало́.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Joannostir 11:10

нэ ко́ли ёв псирэ́ла раты́, тэды обштавэлапэ, пал-дова́ со нанэ дуд лэ́са.”

Матфеё 15:14

Мэк лэн; ёнэ исын корорэ́ лыджаибна́скирэ. Ко́ли короро́ ману́ш лыджа́ла корорэс, дуйджинэ́ пэрэ́на дрэ ґанби́н (яма).”

Матфеё 7:23

Тэ́ньци Мэ пхэна́ва лэ́нгэ: ‘Мэ никели на джиндём тумэн; джа́н криг Ма́ндыр тумэ́, савэ́ кэрэ́на чорипэ́н.’

Pritčy 2:13

одолэ́ндыр, савэ́ мэкэ́на чачунэ́ дрома́, соб (кай) тэ псирэ́н калэ́ дромэ́нца дро грэ́хо;

Ióvo 18:18

Лэс традэ́на криг дудэ́стыр (свэто́стыр) дро калыпэ́н, лэс вытрадэна пхувья́тыр, кай мануша́ дживэ́на.

Ióvo 12:25

Ёнэ псирэ́на, чилави вастэ́нца дро калыпэ́н, кай дуд нанэ, и Ёв кэрэ́ла адя́кэ, со ёнэ кунинэнапэ (шатынэнапэ) сыр матэ.

Ióvo 5:14

ёнэ дыкхэнапэ калыпнаса дывэсэ́, и ёнэ псирэ́на, чилави вастэ́нца сыр корорэ́ дывэсэ́, сы́рбы ёнэ исын раты́.

1 Ian 2:11

а конэ́скэ исын надрого пэ́скиро пшал, одова́ исын дро калыпэ́н, и псирэ́ла дро калыпэ́н, и ёв на джинэ́ла, карик ёв джа́ла, пал-дова́ со калыпэ́н корьякирдя якха́ лэ́скэ.

Psalmy 82:5

Ёнэ на джинэ́на, на ґалёна, ёнэ дживэ́на дро калыпэ́н (цямлыпэ́н): сарэ́ свэнтоскирэ-фундаменты затринскирдэпэ.

Pritčy 22:5

Пхусадытка хру́сты (терны) и фэля́ исын пэ дром, кай исын мижэх ману́ш; а кон приракхэла пэ́скиро ди, кодова́ явэ́ла тэ дурьёл лэ́ндыр.