Pritčy 30:9 - Библия - Пэ Балтитко Романи чиб (Романэс) 2019

⁹ соб (кай) мэ тэ на явав древа́н чало, и тэ на отпхэнавпэ Ту́тыр, и тэ на пхэна́в: “Кон исын Рай Дэвэ́л?” Ци, соб (кай) мэ тэ на явав чороро́ и тэ на чорав, соб (кай) мэ тэ на пропатякирав мирэ́-Дэвлэ́скиро лав.

Biblija - Pe Baltitko Romani čib (Romanes) 2019

⁹ sob (kaj) me te na javav drieván čalo, i te na otphenavpe Tútyr, i te na phenáv: “Kon isyn Raj Devél?” Ci, sob (kaj) me te na javav čororó i te na čorav, sob (kaj) me te na propatiakirav miré-Devléskiro lav.

Pritčy 30:9 Referans Kwoze

Osija 13:6

Ке́ли лэ́ндэ исыс чаритка фэ́лды, ёнэ сыс чалэ, ёнэ сыс пхэрдэ́с чалэ и лэ́нгиро ило́ ячэлас барикано, пал-дова́ со ёнэ бистырдэ пал Ма́ндэ.

Яви́р Зако́но 31:20

пал-дова́ со Мэ залыджава лэн пэ пхув, сыр Мэ совлахадём лэ́нгирэ дадэ́нгэ, кай тхадэ́ла тхуд и авги́н, и ёнэ явэ́на тэ хан и тэ чалён, и явэ́на тхулэ, и ёнэ джа́на кэ яви́р дэвлорэ́, и явэ́на тэ дынаринэ́н лэ́нгэ, а Ман мэкэ́на и пхагирэна Миро завето.

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Vygiiben 20:7

На ра́кир тырэ́-Ра́скирэ Дэвлэ́скиро лав ивья́ (напра́снэс), пал-дова́ со Дэвэ́л на ячкирэ́ла одолэ́с, соб (кай) тэ на чхувэ́л ка́ра, кон ракирэ́ла Лэ́скиро лав ивья́.

Матфеё 26:74

Тэды ёв лыя́ тэ прокошэл и тэ совлахал: “Мэ на джино́м (на джина́в) Кадалэ́ Манушэ́с” И ада́й жэ пробагандя башно.

Матфеё 26:72

И нэвэ́стыр ёв дыяпэ палэ совлахаса: “Мэ на джино́м Кадалэ́ Манушэ́с.”

Isúso 24:27

И пхэндя́ Ису́со сарэ́ манушэ́нгэ: “Ѓа́да, дава́ бар явэ́ла тумэ́нгэ якхитконэса, пал-дова́ со ёв шундя́ сарэ́ Ра́скирэ-Дэвлэ́скирэ лава́, савэ́ Ёв ракирдя́ амэ́нца; мэк ёв тэ явэ́л якхитконэса проти тумэ́ндэ, соб (кай) тумэ́ тэ на хохавэн анги́л тумарэ́ Дэвлэ́стэ”.

Pritčy 29:24

Кон исын кхэтанэ́ чорэса, одова́ ману́ш сы́рбы зоралэ́с исын на пир ило́ кокоро́ пэ́скэ: ёв шунэ́ла сыр прокошэна лэс, нэ ёв на сыкавэ́ла лэс.

Левито 5:1

Ко́ли вари-кон кэрэ́ла грэ́хо долэса, со шундя́ прокошыбнаскири зан и сыс якхи́тко, ци дыкхця́ ци джиндя́, нэ на пхэндя́ дава́, тэды ёв лыджа́ла пэ пэ́стэ грэ́хо.

Vygiiben 5:2

Нэ фарао́но пхэндя́: “Кон исын адасаво́ Рай Дэвэ́л, соб (кай) мэ тэ кандав Лэ́скири зан и тэ отмэкав Израилё? Мэ на джино́м Рас-Дэвлэ́с, и Израилё на отмэка́ва.”

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Дание́лё 4:17

[20] Кашт (дрэ́во), саво́ ту дыкхця́н, саво́ сыс баро́ и састо́ вучипна́са, и сыс кэ болыбэ́н и дыкхно сыс пэ сари́ пхув,

Psalmy 125:3

Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н.

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

Ереме́ё 5:12

Ёнэ отпхэндэпэ Ра́стыр-Дэвлэ́стыр и пхэндлэ́: “Рай Дэвэ́л нисо́ на кэрэ́ла амэ́нгэ. Биба́хт (би́да) на явэ́ла пэ амэ́ндэ. Амэ на дыкхаса ни курта́ла, ни бокх.

Езэкилё 23:35

Палдава́ адя́кэ ракирэ́ла Рай Дэвэ́л, Дэвэ́л: ‘Пал-дова́ со ту бистырдян Ман, рискирдян тыро́ думо́ пэ Ма́ндэ, мэк тэ явэ́л ту́тэ биба́хт пал тыро́ тырдыпэ́н кэ грэ́хо, пал тырэ́ биладжунэ рэ́нды.’”