Pritčy 30:4 - Библия - Пэ Балтитко Романи чиб (Романэс) 2019

⁴ Кон ґаздыя́пэ пэ болыбэ́н и гия́ тэлэ́? Кон скэдыя́ балва́л дрэ Пэ́скирэ бурныка (жмени)? Кон учхакирдя́ паня́ идяса? Кон зачхудя пхувья́кирэ яго́ры (краи́)? Саво́ исын Лэ́скиро лав; и саво́ исын Лэ́скирэ-Чхавэ́скиро лав, ко́ли ту джинэ́са?

Biblija - Pe Baltitko Romani čib (Romanes) 2019

⁴ Kon ĥazdyjápe pe bolybén i gijá telé? Kon skedyjá balvál dre Péskire burnyka (žmieni)? Kon učhakirdiá paniá idiasa? Kon začhudia phuvjákire jagóry (kraí)? Savó isyn Léskiro lav; i savó isyn Léskire-Čhavéskiro lav, kóli tu džinésa?

Pritčy 30:4 Referans Kwoze

Joannostir 3:13

Нико́н на сыс пэ болыбэ́н апри́ч Одолэ́стэ, кон гия́ тэлэ́ болыбна́стыр, дава́ исын Чхаво́ Манушэ́скиро, Саво́ дживэ́ла дро Болыбна́скиро Раё.

Ióvo 26:8

Ёв пхандэла кхэтанэ́ пани́ дрэ ґэнста о́блоки, пхарадёна пане́ндыр,

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Яви́р Зако́но 30:12

ёв (припхэныбэ́н) на пэ болыбэ́н, соб (кай) тэ явэ́л сашты́ (можна) тэ ракирэ́с: ‘Кон джа́ла упрэ́ ваш амэ́нгэ пэ болыбэ́н, и янэ́ла лэс амэ́нгэ, и дэ́ла амэ́нгэ тэ шунас лэс, и амэ сполнинаса лэс?’

Sykadyipén 19:12

Лэ́скирэ якх сыс сыр яга́нгири чибори́ и бут диадэмы сыс пэ Лэ́скиро шэро́. Лэ́стэ исын зачхиндло́ титуло (лав), со нико́н на джиндя́ апри́ч Лэ́стэ,

Римлянэнгэ 10:6

А чачипэ́н, саво́ исын патяибнастыр, ракирэ́ла адя́кэ: “На ра́кир дро пэ́скиро ило́: ‘Кон джа́ла упрэ́ пэ болыбэ́н?’” (Соб (кай) одотхы́р тэ янэл тэлэ́ Христосо́с упралыпнастыр)

Яви́р Зако́но 28:58

Ко́ли ту на явэ́са тэ причхувэс зор тэ сполнинэс сарэ́ лава́ далэ́-Законо́скирэ, савэ́ сыс чхиндлэ́ дрэ дая́ лылвари́, и ту на явэ́са тэ дарэс далэ́ славнонэ и даранэ лавэ́стыр Ра́скирэ-Дэвлэ́скирэ, Дэвлэ́скирэ тырэскирэ,

Isajos 53:8

Лэс лынэ́ сэндостыр и бэшыбнастыр, нэ пал ро́до Лэ́скиро, кон пхэнэ́ла? Ёв сыс отчурдыно джидэ́ манушэ́нгирэ пхувья́тыр; мыя́ пал грэ́хо, саво́ кэрдя́ Миро народо.

Psalmy 68:18

Дэвлэ́стэ исын биш бара́ (тысёнцы) марибны́тка вурдэна́, аж лэн исын бара́ машки́р бара́: Рай Дэвэ́л исын машки́р лэ́ндэ, сыр Ёв исын пэ Пэ́скиро Свэ́нто Штэ́то пэ Синаё.

Psalmy 2:7

“Мэ пхэна́ва Зако́но манушэ́нгэ тэ джинэ́н: Рай Дэвэ́л пхэндя́ ма́нгэ: ‘Ту сан Миро Чхаво́. Мэ ададывэ́с яцём Дадэ́са Ту́кэ.

Vygiiben 6:3

Мэ сыкадыём Авраамо́скэ, Исаако́скэ и Яково́скэ дасавэ́ лавэ́са: “Дэвэ́л Сарэзорья́киро”, а лавэ́са Мирэса: “Рай Дэвэ́л” на сыкадыём лэ́нгэ;

Сэндарьенгири Лылвари́ 13:18

Дэвлэ́скиро Янго́ло пхэндя́ лэ́скэ: “Со ту пхучэса пал миро лав? Ёв исын дивно.

Luka 10:22

Миро Дад пиридыя Ма́нгэ сарэ́ далэ́ кэрибэна; и кон исын Чхаво́, ние́кх на джинэ́ла, екх Дад, и кон исын Дад, ние́кх на джинэ́ла, екх Чхаво́, и одолэ́, конэ́скэ Чхаво́ камэ́ла тэ роспхэнэл.”

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

Ереме́ё 23:6

Дрэ долэ́ дывэса́ Юдэ́я явэ́ла зракхны, и Израилё явэ́ла тэ дживэ́л би дара́киро. Ёв явэ́ла тэ кхарэлпэ: ‘Рай Дэвэ́л исын амаро́ Чачипэ́н.’

Psalmy 24:2

Пал-дова́ со Ёв чхудя́ пхувья́киро фунда́менто, пэ хор мо́ри (дэрьява́) и чхудя́ дава́-паць пэ паня́.

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Džiibén 32:29

И Яково пхуця́ лэ́стыр, ракири́: “Пхэн Тыро́ лав, мэ манга́ва.” Нэ Ёв пхэндя́: “Ваш со ту пхучэса пал Миро лав?” И бахтякирдя́ лэс одо́й.

Vygiiben 15:10

Ту пхурдыян Тырэ́ духо́са, и зачхакирдя лэн мо́рё (дэрья́в): ёнэ тасадынэ, сыр молови (свинцо), дрэ барэ́ паня́.

Psalmy 135:7

Ёв кэрэ́ла адя́кэ, со о́блоки ґаздэ́напэ пхувья́кирэ ягорэндыр; Ёв кэрэ́ла адя́кэ со джа́на блискави́цы брышындэса, Ёв янэ́ла балваля Пэ́скирэ складэндыр.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Ióvo 11:7

Ци могинэ́са ту тэ розґалёс саро́ хорипэ́н, Саво́ Дэвэ́л исын?

Ióvo 11:8

Ци могинэ́са ту тэ ґалёс Сарэзорьякирэ Дэвлэ́с кэ пхэрдыпэн?