Pritčy 30:14 - Библия - Пэ Балтитко Романи чиб (Романэс) 2019

¹⁴ Исын ро́до, дрэ саво́ манушэ́ндэ данда́ исын сыр курта́ла, и конэскирэ жанды исын сыр чхурья и скэдынэ́ тэ похан сарэ́са чорорэн пэ пхув и богэн машки́р манушэ́ндэ.

Biblija - Pe Baltitko Romani čib (Romanes) 2019

¹⁴ Isyn ródo, dre savó manušénde dandá isyn syr kurtála, i koneskire žandy isyn syr čhurja i skedyné te pohan sarésa čororen pe phuv i bogen maškír manušénde.

Pritčy 30:14 Referans Kwoze

Psalmy 57:4

Ёв отпхэнэ́ла ма́нгэ болыбна́стыр и зракхэ́ла ман; Ёв ладжакирэла одолэ́с, кон пхагирэ́ла ман. Сэ́ла. Дэвэ́л бичхавэ́ла Пэ́скири лачхэ́-илы́ткима и чачипэ́н.

Psalmy 3:7

Мэ на ява́ва тэ дарав тысёнцонэ манушэ́ндыр, савэ́ облынэ ман трусця́л.

Psalmy 14:4

Нау́што чорэ́ манушэ́ндэ нанэ годы́, со ёнэ ха́на мирэ́ манушэ́н сы́рбы ёнэ ха́на маро́. А ёнэ на кхарэ́на Рас-Дэвлэ́с.

Ióvo 29:17

Мэ пхагавас жанды начачипнаскирэндэ, и мэ тырдавас яври́ чордо дорэсыбэ́н лэ́нгирэ дандэндыр.

Sykadyipén 9:8

И лэ́нгирэ бала́ сыс сы́рбы бала́ джувликанэ́, и лэ́нгирэ данда́ сыс сы́рбы шчэрэндэ (левэндэ),

Amoso 8:4

Шунэ́н дава́, тумэ́, кон чорьёла тэ накхавэл манушэ́н дрэ трэ́бима, и тэ хасякирэ́л сарэ́ чорорэн пэ пхув,

Ekliesiastos 4:1

И мэ рисиём и дыкхцём, сыр притасавэ́на манушэ́н, и дава́ кэрэ́лапэ тэл кхам: и дыкх! Манушэ́нгирэ ясва, конэ́с притасавэ́на, нэ лэ́ндэ нанэ нико́н тэ подрикирэ́л лэ́нгиро ду́хо (фа́но), нэ пэ кадалэнгири риг, кон притасавэла сыс зор, нэ лэ́ндэ нанэ нико́н тэ подрикирэ́л лэ́нгиро ду́хо (фа́но).

Psalmy 58:6

саво́ на шунэ́ла човаханэскири (чараўникоскири) зан, кон адя́кэ рангирэс човаханякирэла.

Psalmy 12:5

Одолэ́нгэ, кон пхэндя́: “Амэ ла́са упралыпэ́н амарэ́ чиба́са, амарэ́ лава́ джа́на пал амэ́ндэ: Кон да исын рай амэ́нгэ.”

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Софония 3:3

Лэ́скирэ тхага́рья (кня́зи) машки́р лэ́ндэ исын сы́рбы шчэра́ (левы), со рыкинэна; лэ́нгирэ сэнда́рья исын сы́рбы бэльвэлитка рува́, савэ́ на ячкирэна ни екх кокалкицо ваш атасятуно дывэ́с.

Avakumo 3:14

Ту пхарадян лэ́скэ шэро́ лэ́нгирэ шэралэн чхурдыбнытконэ бустенца, ке́ли лэ́скирэ халадэ́ ґаздынэ́пэ сыр рискирибнаскири балва́л тэ росчхурдэн амэн, ёнэ радындлэпэ сы́рбы пэ свэ́нко, со накхавэна (глытынэна) чораханэ́с чорорэнгирэ маса́ Израилёстыр.

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Amoso 2:7

Ёнэ древа́н тырдэнапэ кэ пра́хо пхувья́киро, тэ явэ́л пэ шэро́ чорорэскиро, и ёнэ пиририскирэна дром, савэ́са псирэ́на напхутькирдэ мануша́, а дад и чхаво́ псирэ́на кэ екх джувлы́, соб (кай) тэ магирэ́н свэ́нто Миро лав.

Isajos 32:7

Фрэнто (холямо́) ману́ш кэрэ́ла хасибны́тка рэ́нды: ёв думинэ́ла, пал фуипэ́н, соб (кай) тэ хасякирэ́л чорорэс хоханэ́ лавэ́нца и тэды, ко́ли чороро́ кэрэ́ла пир чачипэ́н.

Pritčy 28:3

Чороро́ ману́ш, кон притасавэла явирэ чорорэ́ манушэ́с, исын сы́рбы зорало́ брышы́нд, со на ячкирэ́ла патря (листы) пэ кашта́ (дрэвы): [саво́ зморэла маро́ пэ фэ́лда-р.с.].

Pritčy 22:16

Кон тасавэла (дукхавэла) чорорэс тэ барьякирэл пэ́скиро барвалыпэ́н; и кодова́, кон дэ́ла барвалэскэ, кадасаво́ ману́ш явэ́ла чороро́.

Pritčy 12:18

Кон ракирэ́ла, и на думинэ́ла, одова́ промарэла явирэ́с сыр курта́ла (сабля), нэ годэ́-манушэ́нгири чиб састякирэла лэс.

Psalmy 52:2

ке́ли Донг Эдумиятыр явдя́ и роспхэндя́ Сауло́скэ, пхэни́: ‘Дави́до загия́ дро Ахимелехоскиро кхэр.’

Psalmy 124:6

Мэк тэ вышарэн, тэ парикирэ́н Ра́скэ-Дэвлэ́скэ, Саво́ на дыя́ амэн вэргэ́нгэ пэ данда́ тэ дорэсэн.

Pritčy 30:15

Ратпибнаскирэстэ (пиявкатэ) [дро началыпэн-р.с.] исын дуй чхая́, савэ́ дэ́на го́дла: ‘Дэ! Дэ!’ Исын трин чачипэна́, савэ́ ние́кхвар нанэ чалэ. Исын штар вешчы, со ние́кхвар на пхэнэ́на: ‘Ухты́лла (до́си).’

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Ióvo 41:14

[21] Бари зор ракхэлапэ дрэ лэ́скири мэн, и траш кхэлэла анги́л лэ́стэ.

Psalmy 57:5

Миро ди исын машки́р шчэрэндэ (левэндэ), мэ сом пашто́ машки́р одолэ́ндэ, савэ́ хачона яга́са, – манушы́тка чхавэ́, конэскирэ данда́ исын сы́рбы чхурдыбнытка бустя́ (коп΄и) и марибны́тка бустя́ (стре́лы), лэ́нгири чиб исын сы́рбы востро (чолалы́) курта́ла.

Isajos 3:15

Со тумэ́ облэна Миро народо, тасавэна чорорэн?” – ракирэ́ла Рай Дэвэ́л, Рай Дэвэ́л болыбаскиро-янголэ́нгиро.

Isajos 10:2

Соб (кай) тэ залэн чорорэндыр чачуно́ сэ́ндо, соб (кай) тэ обчорэн подрикирибэ́н назоралэ манушэ́ндыр Мирэ́ народо́стыр, соб (кай) тэ залэн ваш пэ́скэ джувле́н, савэ́ исын биромэскирэ (пивлен), соб (кай) тэ обчорэн бидадэскирэ чхаворэ́н (пиротэн).

Езэкилё 22:6

Акэ, Израилёскирэ тхага́рья: кажно (сва́ко) пэ́скирэ зорья́са сыс ту́тэ, соб (кай) тэ чхувэ́н рат.

Езэкилё 34:3

Тумэ́ ханас бакрэнгиро мас, урьенаспэ дрэ вы́лна бакрэ́ндыр, чхинэнас лачхэ́ бакрэ́н, а явирэ́н бакрэ́н на чаравэнас.