Pritčy 3:32 - Библия - Пэ Балтитко Романи чиб (Романэс) 2019

³² Пал-дова́ со ману́ш, кон джал криг чачунэ́ дромэ́стыр, явэ́ла джунгало́ (брыдинэла) Ра́скэ-Дэвлэ́скэ, а лэ́скиро гарадо́ кхэтаныпэн исын чачунэ́ манушэ́нца.

Biblija - Pe Baltitko Romani čib (Romanes) 2019

³² Pal-dová so manúš, kon džal krig čačuné droméstyr, javéla džungaló (brydinela) Ráske-Devléske, a léskiro garadó khetanypen isyn čačuné manušénca.

Pritčy 3:32 Referans Kwoze

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

Joannostir 15:15

Мэ какана́ на кхара́ва тумэн дынарье́нца, пал-дова́ со дына́ри на джинэ́ла, со кэрэ́ла лэ́скиро хула́й; нэ Мэ кхара́ва тумэн Пэ́скирэ другэнца (малэнца), пал-дова́ со Мэ пхэндём тумэ́нгэ саро́, со шундём Мирэ́ Дадэ́стыр.

Pritčy 11:20

Рай Дэвэ́л рикирлапэ криг одолэ́ндыр, савэ́ кэрэ́на чорипэ́н пэфроми (нарошнэс), нэ бидошэнгирэ дрэ сарэ́ дрома́ зоралэ́с радынэна Лэс.

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Pritčy 17:15

Кон чачакирэла (оправдынэла) [промэкэла банг-ю.о.] фуе́ манушэ́нгэ, кон бангякирэла чачунэ́ манушэ́с-далэ́ дуе рэндэ́ндыр (делэндыр) дурьела Рай Дэвэ́л.

Pritčy 8:13

Соб (кай) тэ дэс паты́в кэ дар Ра́скэ-Дэвлэ́скэ, трэй древа́н тэ на камэс фуипэ́н, пхутькирибэ́н, и одолэ́н, кон пэс барьякирэ́ла, чорэ́ рэ́нды (де́лы) и, кон пэфроми ракирэ́ла чорипэ́н – мэ древа́н на кама́м.

Матфеё 11:25

Дро до-паць часо, ке́ли Ису́со отпхэнэ́лас лэ́нгэ, пхэндя́ Ёв дурэды́р: “Мэ славинава Тут, Да́до, Рай Дэвэ́л Болыбна́скиро и пхувья́киро, со Ту ґарадян дава́ годьварэндыр и барэ́-годякирэндыр, и откэрдян дава́ бияторэнгэ;

Psalmy 18:26

Лачхэ́-илэскирэнца Ту сан лачхэ́-илэ́скиро, бидошэнгирэнца Ту сан бидошэ́нгиро;

Ióvo 29:4

сыр дава́ сыс дрэ мирэ́ бахталэ́ бэрша́, ке́ли Дэвэ́л набицялэс дыкхця́ пал мири́ ша́тра,

Sykadyipén 2:17

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́скэ, кон пиризорьякэла, Мэ да́ва вари-кицы́ манка, сави́ исын гарады. Мэ адя́кэ-паць дава́ лэ́скэ парно́ бар, пэ саво́ явэ́ла чхиндло́ нэво́ лав, саво́ нико́н на джинэ́ла, апри́ч кодолэстэ, кон дорэсэ́ла дава́ бар.”

Luka 16:15

Ёв пхэндя́ лэ́нгэ: “Тумэ́ сыкавэ́на пэс, со тумэ́ сан чачунэ́ манушэ́нца анги́л манушэ́ндэ, нэ Дэвэ́л джинэ́ла тумаро́ ило́; со мануша́ гинэ́на пал бари паты́в, исын джунгалыпэ́н (брыткима) анги́л Дэвлэ́стэ.

Pritčy 14:10

Екх ило́ джинэ́ла пэ́скиро киркипэн, нэ чу́жо на пхэнэ́ла явирэскэ пал пэ́скири ра́дыма.

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Isajos 41:24

Чачэс, нанэ нисаво́ лачхипэ́н тумэ́ндыр, и тумари́ буты́ ничы́ на мол; джунгало́ (брыдко) исын кодова́, кон выкэдэ́ла тумэн.