Pritčy 3:24 - Библия - Пэ Балтитко Романи чиб (Романэс) 2019

²⁴ Сыр ту пасёса тэ совэс, ту на явэ́са тэ дарэс, сыр ту засовэса, тыро́ соибэн явэ́ла гудло́.

Biblija - Pe Baltitko Romani čib (Romanes) 2019

²⁴ Syr tu pasjosa te soves, tu na javésa te dares, syr tu zasovesa, tyró soiben javéla gudló.

Pritčy 3:24 Referans Kwoze

Psalmy 3:5

Мэ кхара́ва зоралэ́с Дэвлэ́с мирэ́ заня́са, и Ёв шунэ́ла ман Пэ́скирэ свэнтонэ́ бэрга́тыр. Сэ́ла.

Psalmy 4:8

Ту дыя́н ра́дыма мирэ́ илэскэ буты́р, сыр ёнэ радынэ́напэ аплодостыр пэ гив и винаградо.

Pritčy 6:22

Ке́ли ту джа́са вари-карик, лэ́нгирэ лава́ явэ́на тэ лыджа́н тут; и ёнэ явэ́на тэ ракхэ́н тут, ке́ли ту явэ́са суто́; ке́ли ту джангадёса (прошнинэсапэ), ёнэ явэ́на тэ ракирэ́н ту́кэ, со тэ кэрэ́с.

Ереме́ё 31:26

Далэ́са мэ, Ереме́ё, джангадыём (прошниндёмпэ) и дыкхцём пашы́л пэ́стэ: миро суно́ сыс гудло́ ма́нгэ.

Ióvo 11:19

И явэ́са ту тэ пасёс, и ние́кх на явэ́ла тэ даракирэл тут, и бут мануша́ явэ́на тэ пхэнэ́н помия (плётки), соб (кай) тэ покэрэнпэ ту́кэ.

Левито 26:6

Мэ бичхава́ва рама́нё (миро) пэ тумари́ пхув, тумэ́ пасёна тэ совэн, и нико́н тумэн на страхакирэла, Мэ традава криг мижэхонэ рискирибна́скирэ мурдалэ́н (зверен) тумарэ́ пхувья́тыр, и курта́ла на проджа́ла пир тумари́ пхув.

Psalmy 127:2

Дава́ тэ явэ́л ивья́ рэ́ндо ваш ту́кэ, со ту уштэса тася́рлэс (ра́нэс), со ту сан бэшто́ кэ коригипэ́н (кэ по́зныма), со ту хаса маро́ палэ пхарэ́ бутя́тыр. Рай Дэвэ́л дэ́ла хабэ́н кодолэ́скэ, савэ́с Ёв камэ́ла, дрэ сунэ́.

Езэкилё 34:15

Мэ ява́ва тэ чаравав Мирэ́ бакрэ́н, Мэ ява́ва тэ ракхав лэн,” – ракирэ́ла Рай Дэвэ́л, Дэвэ́л.

Apostolengiri Butý 12:6

Ратя́киро, анги́л дова́, ке́ли Иродо кэдыяпэ тэ вылыджал лэс пэ манушы́тко сэ́ндо, Пэ́три сыс суто́ машкира́л дуе халадэ́ндэ, пхандло дуенца зандирьенца, и халадэ́ сыс тэрдэ́ пашы́л вудара́ и ракхнэ штарибэ́н.

Psalmy 112:8

Лэ́скиро ило́ исын твардо, ёв на дарэ́ла, пака ёв дыкхэ́ла вэргэ́н, со ёнэ исын тэл ґэра́.

Pritčy 1:33

Нэ кон шунэ́ла мирэ́ лава́, кодова́ явэ́ла тэ дживэ́л би дара́киро, и ёв явэ́ла би трашаибнаскиро (штылэ́с), ёв на явэ́ла тэ дарэл фуипнастыр.”

Ekliesiastos 5:12

[13] Исын пхари́ биба́хт, со мэ дыкхцём тэл кхам: барвалыпэ́н, со ману́ш приракхэла пэ́скэ, дукхавэла лэс,

2 Паралипоменоно 20:30

И яця́ штыл дро кралипэ́н Иосафато́скиро; и дыя́ лэ́скэ Дэвэ́л лэ́скиро покоё (откхиныбэн) сарэ́ ригэ́ндыр.

Psalmy 3:6

Мэ пасиём и со́мас суто́: мэ уштыём, пал-дова́ со Рай Дэвэ́л подрикирэ́ла ман.

Psalmy 91:5

Ту на явэ́са тэ дарэс трашаибнастыр раты́, и марибнытконэ́ бустятыр (стрелатыр), со вурняла дывэсэ́;

Pritčy 19:23

Кон дарэ́ла Дэвлэ́стыр, кодова́ дживэ́ла. Конэ́стэ исын дар, одова́ ячэ́лапэ чало, и биба́хт на пэрэ́ла пэ лэ́стэ.

Isajos 54:14

Ту явэ́са зоралы́ чачипна́са, на трэй ту́кэ тэ дарэс, пал-дова́ со нико́н ту́кэ буты́р на дэ́ла пхарипэ́н, ту на явэ́са тэ дарэс, пал-дова́ со ёв кэ ту на подджа́ла.

Езэкилё 34:25

“И кэра́ва Мэ лэ́нца раманёно (ми́рно) завето, и вытрадава Мэ пхувья́тыр захалэ мурдалэ́н (зверен), соб (кай) ёнэ тэ дживэ́н бидаракирэс пэ фэ́лда (мал), тэ совэн дрэ вэша́.

Езэкилё 34:27

И фэлдытко дрэ́во (кашт) янэ́ла пэ́скиро барьякирдо́ (пло́до); пхув дэ́ла саро́, со барьёла пэ ла́тэ; ёнэ на явэ́на тэ дарэ́н пэ пэ́скири пхув, и ёнэ ґалёна, со Мэ сом Рай Дэвэ́л, Дэвэ́л, ке́ли Мэ роспхандава лэн ґамостыр, и Мэ зракха́ва лэн одолэнгирэ вастэ́стыр, савэ́ залынэ лэн дрэ наволя.