Pritčy 29:6 - Библия - Пэ Балтитко Романи чиб (Романэс) 2019

⁶ Бибахтало́ ману́ш пэрэ́ла дрэ фэлы́ пэ́скирэ чорэ́ рэндэ́ндыр; нэ чачуно́ ману́ш явэ́ла тэ радынэ́лпэ.

Biblija - Pe Baltitko Romani čib (Romanes) 2019

⁶ Bibahtaló manúš peréla dre felý péskire čoré rendéndyr; ne čačunó manúš javéla te radynélpe.

Pritčy 29:6 Referans Kwoze

2 Ximaske 2:26

соб (кай) ёнэ тэ выджа́н налачхэскирэ фэлятыр, саво́ ухтылдя лэн, и зачхувэла лэн тэ кэрэ́н пир лэ́скири во́ля.

Ekliesiastos 9:12

Пал-дова́ со ману́ш адя́кэ-паць на джинэ́ла пэ́скиро часо: ёв попэрэлапэ сыр мачхэ́ дрэ бибахталы кхуды́ (сеть), сыр чирикля́ дрэ фэлы́, адя́кэ-паць и манушэ́нгирэ чхавэ́ исын дрэ фэля́ дро бибахтало́ часо, ке́ли екха́тыр бари би́да пэрэ́ла пэ лэ́ндэ.

Vygiiben 15:1

“Багава Мэ Ра́скэ-Дэвлэ́скэ, пал-дова́ со Ёв вучэ́с ґаздыя́пэ; грэс и лэ́скирэ манушэ́с, саво́ сыс бэшто́ уклистэ́, чхурдыя́ дрэ мо́рё (дэрья́в).

Psalmy 118:15

Шунэ́н заня́ радыма́са пал зракхибэ́н дрэ ша́тры, кай исын Дэвлэ́скирэ мануша́.

Psalmy 97:11

Дуд джа́ла тэлэ́ пэ чачипнаскирэндэ, и ра́дыма пэ одолэ́ндэ, конэ́стэ исын чачуно́ ило́.

Psalmy 11:6

Ёв кэрэ́ла, со болыбна́стыр пэрэ́на брышында́, хачкирдэ́ вангара и зэвэлытка (серна) бара́ и хачкирды балва́л, со пэкэла, акэ, со явэ́ла лэ́нгэ Дэвлэ́стыр.

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

Jakov 1:2

Пшала́лэ мирэ́, гинэн пал бари ра́дыма, ке́ли тумэн пропатякирэна пир яви́р (разнэс),

Pritčy 12:13

Фуй ману́ш пэрэ́ла дрэ фэлы́ чорипнаса пэ́скирэ уштэндыр, нэ чачуно́ ману́ш джа́ла криг пхарипнастыр.

Pritčy 5:22

Фуй ману́ш кокоро́ хасёла пэ́скирэ чорипна́стыр, а лэ́скиро грэ́хо сы́рбы шэлэнца пхандэла лэс кокорэс.

Psalmy 132:16

и Мэ урьявава ла́кирэ раша́н зракхибнаса и ла́кирэ свэ́нта явэ́на тэ дэн го́дла радыма́са.

1 Ian 1:4

И дава́ амэ чхинаса тумэ́нгэ, соб (кай) тумари́ ра́дыма тэ явэ́л пхэрды́.

Сэндарьенгири Лылвари́ 20:41

Израильтя́ни рисинэ́, а Вениамино страхадыя, пал-дова́ со дыкхця́, со латхя́ лэс би́да.

Pritčy 22:5

Пхусадытка хру́сты (терны) и фэля́ исын пэ дром, кай исын мижэх ману́ш; а кон приракхэла пэ́скиро ди, кодова́ явэ́ла тэ дурьёл лэ́ндыр.

Pritčy 10:28

Чачунэ́-манушэ́нгиро ужакирибэ́н исын ра́дыма, нэ фуе́-манушэ́нгири наде́я хасёла.