Pritčy 29:3 - Библия - Пэ Балтитко Романи чиб (Романэс) 2019

³ Конэ́скэ трэй годыпэ́н, кодолэскиро дад, радынэ́лапэ, нэ кон исын дро́го мал налачхэ́ джувленгэ, кодова́ нашавэла пэ́скиро миштыпэ́н.

Biblija - Pe Baltitko Romani čib (Romanes) 2019

³ Konéske trej godypén, kodoleskiro dad, radynélape, ne kon isyn drógo mal nalačhé džuvlienge, kodová našavela péskiro mištypén.

Pritčy 29:3 Referans Kwoze

Pritčy 27:11

Мро чха́ва! Яв годо́ и радын миро ило́, соб (кай) ма́нгэ сашты́ тэ явэ́л тэ отпхэнав кодолэ́скэ, саво́ обракирэла ман.

Luka 15:30

а кадава́ тыро́ чхаво́ какана́ явдя́, ке́ли розмэкця саро́ пэ́скиро миштыпэ́н налачхэ́ джувле́нца; нэ ту ж зачхиндя́ тхулэ целянтос ваш лэ́скэ’.

Pritčy 15:20

Годо́ чхаво́ радынэла пэ́скирэ дадэ́с, нэ дылынинько ману́ш дыкхэ́ла вучипна́стыр пэ пэ́скирэ датэ.

Pritčy 10:1

Соломоно́скирэ притчы. Годо́ чхаво́ радынэла пэ́скирэ дадэ́с, нэ дылыниньконэ чхавэстыр калёла ило́ лэ́скирэ датэ.

Luka 15:13

Сыг пало́ саро́ дава́, тырнэдыр чхаво́ скэдыя́ саро́ и гия́ пэ дуратуны пхув и одо́й ёв розмэкця пэ́скирэ ловэ́ дро розмэкно джиибэ́н.

Pritčy 28:7

Кон рикирэ́лапэ кэ Зако́но, кодова́ исын годьваро́ чхаво́, нэ кон исын чхучэ́-шэрэскиро ману́ш, одова́ ладжакирэла пэ́скирэ дадэ́с.

Pritčy 6:26

Пал-дова́ со биладжакуны джувлы́ пэ́скирэ биладжаипнаса чорьякирэла манушэ́с кэ лабо маро́, а джувлы́, сави́ кэрэ́ла биладжаипэ́н, сы́рбы чорьёла пэ лэ́скиро дро́го джиибэ́н.

Pritčy 21:17

Кон камэ́ла локхо джиибэ́н, кодова́ явэ́ла чороро́ ману́ш; конэ́скэ исын пир ило́ мол и оливи́тко дзэт (елеё), кодова́ на явэ́ла барвало́.

Pritčy 28:19

Кон кэрэ́ла буты́ пэ пэ́скири пхув, одова́ явэ́ла чало марэ́са; нэ кон джа́ла пал локхэ-годякирэ манушэ́ндэ, кодова́ явэ́ла древа́н чороро́.

Pritčy 23:15

Мро чха́ва! Ко́ли тыро́ ило́ исын годо́, тэды миро ило́ явэ́ла тэ радынэ́лпэ.

Pritčy 21:20

Кай дживэ́ла годо́ ману́ш, одо́й исын кучипэ́н и оливи́тко дзэт, нэ дылыно́ розмэкэла лэн.