Pritčy 29:16 - Библия - Пэ Балтитко Романи чиб (Романэс) 2019

¹⁶ Ке́ли фуй мануша́ явэ́на уса́ буты́р и буты́р, тэды фуипэ́н барьёла, нэ чачунэ́ мануша́ явэ́на тэ дыкхэ́н, сыр ёнэ пэрэ́на.

Biblija - Pe Baltitko Romani čib (Romanes) 2019

¹⁶ Kiéli fuj manušá javéna usá butýr i butýr, tedy fuipén barjola, ne čačuné manušá javéna te dykhén, syr jone peréna.

Pritčy 29:16 Referans Kwoze

Psalmy 92:11

Нэ Ту ґаздэса мири́ зор сы́рбы шынга́ (ро́ги) рискирибна́скирэ гурувэстэ: и мэ сом помакхно ялунэ (свяжонэ) оливитконэ дзэтэса (елеёса).

Psalmy 91:8

Ту фэ́ни явэ́са тэ дыкхэ́с пэ́скирэ якхэ́нца и дыкхэ́са отплэскирибэн фуе́ манушэ́нгэ.

Psalmy 58:10

Анги́л дова́, сыр кэ пирья доджа́ла кодри́лё ци тэ явэ́л ёв зэлэно, ци шуко тэ хачол, Дэвэ́л укэдэла лэн криг рискирдонэ балваляса (вихроса).

Psalmy 37:36

нэ явдя́ часо лэ́скиро и, ґа́да, нанэ буты́р лэс. Мэ родавас лэс и на латхём.

Psalmy 37:34

Рикир наде́я пэ Растэ-Дэвлэ́стэ и приракх Лэ́скирэ упхэныбэна́ и Ёв барьякирэ́ла кэ вучипэ́н тут, соб (кай) ту тэ прилэс пхув сыр мэкно́ миштыпэ́н: ту дыкхэ́са, ке́ли фуй мануша́ явэ́на чхурдынэ́ тэ хасён,

Pritčy 29:2

Ке́ли чачунэ́ мануша́ рикирэ́на зор дро кралипэ́н, то мануша́ зоралэ́с радынэ́напэ; нэ ке́ли фуй ману́ш кралинэла, то тэды мануша́ ровэна.

Sykadyipén 18:20

Ра́дынпэ форо́скирэ пхагипнастыр, Болыбна́скиро Раё, свэ́нта, Апо́столы и проро́ки! Долэскэ, со Дэвэ́л сэндякирдя ла пал тумэ́ндэ.

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Psalmy 112:8

Лэ́скиро ило́ исын твардо, ёв на дарэ́ла, пака ёв дыкхэ́ла вэргэ́н, со ёнэ исын тэл ґэра́.

Psalmy 92:9

И Ту, Раё Дэ́вла, сан вучэды́р сарэ́стыр пэ сарэ́ ве́ки.

Pritčy 21:12

Чачуно́ ману́ш придыкхэлапэ кэ кхэр, кай исын фуй ману́ш; нэ Дэвэ́л равэла тэлэ́ фуе́ манушэ́н пал лэ́нгиро фуипэ́н.