Pritčy 29:12 - Библия - Пэ Балтитко Романи чиб (Романэс) 2019

¹² Ко́ли тхэмэскиро барыдыро́ рискирэ́ла ило́ (шунэ́ла) кэ хохаибэ́н, тэды сарэ́ дына́рья ячэ́на хоханэ́ лэ́стэ.

Biblija - Pe Baltitko Romani čib (Romanes) 2019

¹² Kóli themeskiro barydyró riskiréla iló (šunéla) ke xohaibén, tedy saré dynárja jačéna xohané léste.

Pritčy 29:12 Referans Kwoze

Pritčy 20:8

Кра́ли, кон исын бэшто́ пэ сэндарискиро штэ́то, росчхурдэла сари́ холы́ (биба́хт) пэ́скирэ якхэ́нца.

Pritčy 25:23

Паш-ратякири (шылалэ-ригакири) балва́л лыджа́ла кэ брышы́нд, и бэдытко (чораханы) чиб лыджа́ла кэ холямо́ муй.

3 Kralip 12:14

И ракирдя́ ёв пир годыпэ́н (ра́да) тэрнэ́ манушэ́нгири, и пхэндя́: “Миро дад чхудя́ пэ тумэ́ндэ пхари́ буты́, а мэ кэра́ва пхарыдыр тумари́ буты́; миро дад сыс пэ тумэ́ндэ карбачэнца (бичэнца), а мэ ява́ва тэ чхував ка́ра пэ тумэ́ндэ худя хась (ка́ра) скорпионэнца.”

4 Kralip 21:9

Нэ ёнэ на кандынэ́; и затырдыя лэн Мана́сия кэ дова́, со ёнэ кэрдэ́ фуеды́р долэ́ манушытконэ́ нацые́ндыр, савэ́н вымардя Рай Дэвэ́л Израилёскирэ чхавэ́ндыр.

Ереме́ё 37:2

И ни ёв, ни Сэдэки́я, и ние́кх лэ́скирэ дынарье́ндыр (слугэ́ндыр), ни манушэ́ндыр долэ́ пхувья́тыр на причхудэ кан кэ лава́ Ра́скирэ-Дэвлэ́скирэ, со Ёв ракирдя́ пир ма́ндэ, Еремеёстэ.

Džiibén 39:19

Ке́ли лэ́скиро хула́й шундя́ пэ́скирэ-ромнякирэ лава́, савэ́ ёй пхэндя́ лэ́скэ: “Адя́кэ кэрдя́ тыро́ писха́ри ма́нгэ”, ёв захачи́я холя́са;

1 Kralip 18:22

И припхэндя́ Са́уло пэ́скирэ дынарье́нгэ: “Пхэнэ́н Давидо́скэ чораханэ́с: ‘Ѓа́да, кра́ли шука́р отлыджалапэ кэ ту, и сарэ́ лэ́скирэ дынарье́нгэ ту сан пир ило́; и адя́кэ яв зятёса (джамутрэса) крали́скэ.’”