Pritčy 29:1 - Библия - Пэ Балтитко Романи чиб (Романэс) 2019

¹ Ману́ш, саво́ пхарьякирэла (жэсточынэла) пэ́скири мэн, на дыкхи́ пэ дова́, со лэ́скэ бут мо́лы сыкавэ́на лэ́скири банг, екха́тыр (сра́зу) хасёла, и на явэ́ла састякирибэн лэ́скэ.

Biblija - Pe Baltitko Romani čib (Romanes) 2019

¹ Manúš, savó pharjakirela (žestočynela) péskiri men, na dykhí pe dová, so léske but móly sykavéna léskiri bang, jekhátyr (srázu) xasjola, i na javéla sastiakiriben léske.

Pritčy 29:1 Referans Kwoze

Pritčy 6:15

Палдава́ екха́тыр лэ́скэ явэ́ла бари би́да: екха́тыр ёв явэ́ла дукхадо би драбакирибнаскиро.

1 Kralip 2:25

ко́ли ману́ш кэрэ́ла грэ́хо манушэ́скэ, тэды помангэнапэ пал лэ́стэ Ра́скэ-Дэвлэ́скэ; ко́ли ману́ш кэрэ́ла грэ́хо проти Растэ-Дэвлэ́стэ, тэды кон явэ́ла тэ мангэ́лпэ пал лэ́стэ?” Нэ ёнэ на шундлэ́ пэ́скирэ-дадэ́скири зан (глос), пал-дова́ со Рай Дэвэ́л скэдыяпэ тэ отдэ́л лэн мэрибна́скэ.

Pritčy 28:18

Кон дживэ́ла би дошакиро, кодова́ явэ́ла зракхно, нэ кон псирэ́ла чорэ́ дромэ́нца пэфроми, кодова́ пэрэ́ла пэ екх лэ́ндыр.

Joannostir 13:18

Мэ на пал сарэ́ндэ тумэ́нгэ ракира́ва. Мэ джино́м (джина́в) одолэ́н, савэ́н Мэ выкэдыём; нэ мэк тэ сполнинэ́лпэ Свэ́нто Чхиныбэ́н: Одова́, кон ха́ла маро́ кхэтанэ́ Ма́нца, ґаздыя́ ґэро́й пэ Ма́ндэ.

Joannostir 13:26

Ису́со отпхэндя́: “Одова́, конэ́скэ Мэ болавава котэ́р маро́ и подава”, и Ёв подыя котэ́р маро́ Юда́скэ, Симоноскирэ-Искариотоскирэ чхавэ́скэ.

Apostolengiri Butý 1:25

соб (кай) тэ залэл штэ́то, сыр Апостоло тэ дынаринэ́л заме́ст Юдастэ, саво́ гия́ одори́к, карик лэ́скэ трэиндя́ тэ джал пэ́скэ.”

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

Apostolengiri Butý 1:18

Ёв киндя пэ́скэ пхув пал ловэ́, савэ́ ёв дорэсця́ пал Исусо́скиро здыибэн, пэ дая́ пхув кокоро́ и хасия́, и лэ́скиро тру́по латхнэ́ роскушнэ пэрэ́са и выпынэ́ виндырье́нца.

Ниеми́я 9:29

Ту пририпирэсас лэ́нгэ тэ дживэ́н пир Зако́но, нэ ёнэ на лыджинэ́ пэ́скиро джиибэ́н адя́кэ, и на шундлэ́ Тырэ́ припхэныбэна́ и гинэ́ на долэ́ дромэ́са, сыр Тыро́ стату́то (уставо) ракирдя́, савэ́нца тэ явэ́л джидо́ ману́ш, ко́ли кэрдя́ бы пир стату́то (уставо), и думо пэ́скиро кэрдэ́ твардо и мэн пэ́скири рикирдэ вучэ́с и на кандэнас Тут.

2 Паралипоменоно 36:13

И отгия́ ёв крали́стыр Навуходоносоростыр, саво́ лыя́ лэ́стыр совэ́л Дэвлэ́скирэ лавэ́са, – и кэрдя́ зоралы́ пэ́скири мэн, холякирдя пэ́скиро ило́ кэ дова́, со на рисия́ илэ́са кэ Рай Дэвэ́л, Дэвэ́л Израилёскиро.

2 Паралипоменоно 33:10

И ракирдя́ Рай Дэвэ́л кэ Мана́сия и кэ лэ́скирэ мануша́; нэ ёнэ на шундлэ́.

3 Kralip 22:28

И пхэндя́ Михеё: “Ко́ли ту рисёса дро рама́нё, то дава́ на Рай Дэвэ́л ракирдя́ дрэ ма́ндэ.” И ишчо (инкэ́) пхэндя́ ёв: “Шунэ́н ман, сарэ́ мануша́лэ!”

3 Kralip 18:18

И отпхэндя́ Или́я: “Мэ на кэра́ва пхарипэ́н Израилёскэ; нэ дава́ ту, и тырэ́-дадэ́скиро кхэр кэрэ́на дава́ далэ́са, со тумэ́ мэкнэ́ припхэныбэна́ Ра́скирэ-Дэвлэ́скирэ и джа́на пал Ваало.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

1 Kralip 2:34

И ґа́да, ту́кэ ґерты́к (знаме́ниё), сави́ джа́ла дуе тырэ́ чхавэ́нца, Офниса и Финеесоса: ёнэ дуйджинэ́ мэрэ́на дро екх дывэ́с.

Ереме́ё 17:23

Нэ ёнэ на кандынэ́, и ёнэ на причхудэ пэ́скиро кан, а ёнэ штывакирдэ пэ́скирэ мэня, соб (кай) ёнэ на могиндлэ́ тэ шунэ́н ци тэ прилэ́н сыклякирибэ́н.

Isajos 48:4

Мэ джиндём, со ту на камэ́са тэ кандэс, дрэ тыри́ мэн исын саструнэ́ жылы, тыро́ чэкат исын харкуно (медно).

2 Паралипоменоно 25:16

Ке́ли ёв ракирдя́ лэ́скэ, о кра́ли отпхэндя́: “Нау́што крали́скирэ юнкароса (советникоса) чхудэ́ тут? Пирияч, соб (кай) тэ на мулякирэ́н тут.” И пирияця́ проро́ко, пхэни́: “Джинав, со скэдыяпэ Дэвэ́л тэ хасякирэ́л тут, пал-дова́ со ту кэрдя́н дава́ и на шунэса миро радиныбэн.”

3 Kralip 20:42

И пхэндя́ лэ́скэ: “Адя́кэ ракирэ́ла Рай Дэвэ́л: ‘Пал-дова́ со ту домэкцян, соб (кай) ги́ян пэ́скэ ману́ш тырэ́ вастэ́ндыр, савэ́с Мэ отдыём пэ хасибэ́н, то тыро́ джиибэ́н джа́ла пал лэ́скиро джиибэ́н, а тырэ́ мануша́ джа́на пал лэ́скирэ манушэ́ндэ.’”

Ióvo 9:4

Дэвэ́л исын годо́ илэ́са и зоралыпнаса: кон тэрдёлас дрэ стонка маму́й Лэ́стэ, ци кодова́ ячэ́лапэ дро рама́нё (покоё)?

Pritčy 28:28

Ке́ли фуй мануша́ ґаздэ́напэ, тэды мануша́ кокорэ́ гарадёна, а ке́ли ёнэ хасёна, тэды чачунэ́ мануша́ ячэ́на буты́р.

Ереме́ё 36:31

И Мэ ява́ва тэ сэндякирав лэс, и лэ́скиро кхэри́тко ро́до и лэ́скирэ дынарье́н пал лэ́нгиро чорипэ́н, и Мэ яна́ва биба́хт (би́да) пэ лэ́ндэ, и пэ джиибнаскирэндэ дро Ерусалимо, пэ муршэндэ дрэ Юдэ́я, со Мэ пхэндём пэ лэ́ндэ, нэ ёнэ на причхудэ кан.’”

Avakumo 2:7

Ци на ґаздэ́напэ екха́тыр (сра́зу) одолэ́, савэ́ ужакирэ́на тэ дандырэн тут? Ци на джангадёна (на ґаздэ́напэ) одолэ́, савэ́ явэ́на тэ притасавэн тут адя́кэ, со ту ячэса ваш лэ́нгэ сы́рбы лэ́нгиро дорэсыбэ́н?

Vygiiben 9:7

Фарао́но бичхадя́ тэ уджинэл, и ґа́да, Израильтянэнгирэ кхэритконэ́ мурдалэ́ндыр на мулыя ние́кх. Нэ ило́ фараоно́скиро яця́ сыр бар, и ёв на отмэкця́ манушэ́н.

Pritčy 28:14

Бахтало́ исын ману́ш, кон усады (сак) патыва́са дарэ́ла Дэвлэ́стыр, нэ кон пхарьякирэла пэ́скиро ило́, кодова́ пэрэ́ла дрэ бари би́да.

Isajos 28:22

На кэрэ́н пэраса / шутки (на прэзэнтынэнпэ), соб (кай) тэ на прилэ́н ишчо (инкэ́) буты́р, пал-дова́ со мэ шундём Ра́стыр-Дэвлэ́стыр, Ра́стыр-Дэвлэ́стыр болыбна́скирэ-янголэнгирэстыр, со хасибэ́н пэ сари́ пхув явэ́ла, адя́кэ припхэндло.

Ереме́ё 14:19

Раё Дэ́вла! Ци сарэ́са Ту отпхэндямпэ Юдэя́тыр? Ци Тырэ́ дескэ яця́ джунгало́ Сионо́стыр? Со́скэ Ту адя́кэ пэкадян амэн, со нанэ састякирибэн амэ́нгэ? Амэ родаса рама́нё, нэ нанэ лачхипэ́н, часо тэ састякираспэ, и, акэ, екх трашаибэ́н (дар).