Pritčy 28:25 - Библия - Пэ Балтитко Романи чиб (Романэс) 2019

²⁵ Пхутькирдэ́-илэ́скиро ману́ш выкхарэла кошыбэ́н, нэ кон зоралэ́с патя́ла дрэ Растэ-Дэвлэ́стэ, кодолэ́скэ явэ́ла миштыпэ́н.

Biblija - Pe Baltitko Romani čib (Romanes) 2019

²⁵ Phut'kirdé-iléskiro manúš vykharela košybén, ne kon zoralés patiála dre Raste-Devléste, kodoléske javéla mištypén.

Pritčy 28:25 Referans Kwoze

1 Ximaske 6:6

Нэ исын бари льго́та, ко́ли манушэ́стэ исын дар анги́л Дэвлэ́стэ и ёв исын древа́н радо сарэ́стыр, со исын лэ́стэ.

Pritčy 11:25

Кон роздэла бут, одова́ явэ́ла барвало́, кон панякирэла явирэ́н, одова́ адя́кэ-паць явэ́ла панякирдо.

Pritčy 13:10

Пхутькирибнастыр джа́ла чинга́рд, нэ, кон кандэ́ла, сыр лэ́скэ дэ́на годыпэ́н, одова́ исын годо́.

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Pritčy 10:12

Зорало́ накамибэн ґаздэ́ла кошыбэ́н, паты́в кэ яви́р мануша́ зачхакирэла сарэ́ грэ́хи.

Pritčy 29:25

Кон дарэ́ла манушэ́ндыр, кодова́ сы́рбы чхувэ́ла фэлы́ пэ́скэ, нэ кон зоралэ́с патя́ла дрэ Растэ-Дэвлэ́стэ, одова́ явэ́ла бидаракиро.

Pritčy 29:22

Холямо́ ману́ш выкхарэла (залыджала) кошыбэ́н, и холынакиро ману́ш кэрэ́ла бут чорэ́ рэ́нды (грэ́хо).

Pritčy 22:10

Традэ криг адасавэс, саво́ исын бипатывакиро кэ яви́р мануша́, и чинга́рд дурьёла; и кошыбэ́н, и обракирибэн пириячэна.

Pritčy 21:24

Пхутькирдо ману́ш, и ману́ш, саво́ задэлапэ, кхарэ́лапэ бипатывакиро, ёв кэрэ́ла саро́ холямэ́ пхутькирибнаса.

Pritčy 15:30

Якхэнгиро дуд радынэла ило́, и лачхи́ зан (звесь) тхулякирэла кокалы́.

Pritčy 15:18

Холынакиро ману́ш выкхарэла кошыбэ́н, нэ кон рикирэ́ла пэс холя́тыр, одова́ ковлякирэла чинга́рд.

Psalmy 84:12

Пал-дова́ со Рай Дэвэ́л, Дэвэ́л, исын кхам и шчы́то: Рай Дэвэ́л дэ́ла бахталыпэ́н и сла́ва. Ёв на явэ́ла тэ зарикирэл лачхипэ́н одолэ́нгэ, савэ́ дживэ́на чачипнаскирэс.

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Pritčy 10:3

Рай Дэвэ́л на домэкэла, соб (кай) чачуно́ ману́ш тэ бокхалёл, нэ Ёв на прилэ́ла дова́, со древа́н трэй надэвлытконэ манушэ́нгэ.

Pritčy 15:27

Кон исын ґа́лко (жадно) кэ ко́фо, кодова́ кэрэ́ла пхарипэ́н пэ́скирэ кхэрэ́скэ, нэ кон бидыкхэла (конэ́скэ на пир ило́) мыты (взятки), явэ́ла тэ дживэ́л.