Pritčy 28:12 - Библия - Пэ Балтитко Романи чиб (Романэс) 2019

¹² Ке́ли чачунэ́ мануша́ зоралэ́с радынэ́напэ, тэды сы́рбы баро́ свэ́нко исын. Ке́ли фуй мануша́ ґаздэ́напэ, то мануша́ гарадёна.

Biblija - Pe Baltitko Romani čib (Romanes) 2019

¹² Kiéli čačuné manušá zoralés radynénape, tedy sýrby baró svénko isyn. Kiéli fuj manušá ĥazdénape, to manušá garadjona.

Pritčy 28:12 Referans Kwoze

Pritčy 29:2

Ке́ли чачунэ́ мануша́ рикирэ́на зор дро кралипэ́н, то мануша́ зоралэ́с радынэ́напэ; нэ ке́ли фуй ману́ш кралинэла, то тэды мануша́ ровэна.

Pritčy 11:10

Сыр саро́ джа́ла лачхэ́с чачипнаскирэнца, фо́ро древа́н радынэ́лапэ; и сыр фуй мануша́ хасёна, фо́ро дэ́ла го́дла радыма́тыр.

Pritčy 28:28

Ке́ли фуй мануша́ ґаздэ́напэ, тэды мануша́ кокорэ́ гарадёна, а ке́ли ёнэ хасёна, тэды чачунэ́ мануша́ ячэ́на буты́р.

Ереме́ё 36:26

И припхэндя́ кра́ли Иерамеилоскэ крали́скирэ чхавэ́скэ, Сэраияскэ, Азриэлёскирэ чхавэ́скэ, и Сэлэмияскэ, Авдилоскирэ чхавэ́скэ, тэ ухтылэ́н Варухос, лыла́-чхиныбнаскирэс и Еремеёс, пророко́с, нэ о Рай Дэвэ́л гарадя лэн.

Ереме́ё 5:1

Джа́н упрэ́ и тэлэ́ пир вули́цы (га́сы) дро Ерусалимо, и дыкхэ́н акана́, и доджинэнпэ, и родэ́н пэ англунэ штэ́ты дро фо́ро, ци тумэ́ дэ́на ра́да тэ латхэ́н екхэ манушэ́с, соб (кай) ёв тэ кэрэ́л саро́ пир чачипэ́н, ци, саво́ тэ родэ́л патяибэ́н, и, – ‘Мэ отмэкавас банг Ерусалимоскэ’, – ракирэ́ла Рай Дэвэ́л.

Ekliesiastos 10:16

Бида ту́кэ, пхув, ко́ли тыро́ кра́ли исын тэрнэ́-бэршэнгиро и, ке́ли тырэ́ тхага́рья (кня́зи) [крали́скирэ чхавэ́-ю.о.] ха́на тася́рлэс (ра́нэс).

2 Паралипоменоно 7:10

И пэ биш тэ три́то дывэ́с эфтатонэ-чхонэ́скиро о кра́ли отмэкця́ манушэ́н пир лэ́нгирэ ша́тры, радыма́са и веселыбнаса дро ило́ пал лачхипэ́н, саво́ кэрдя́ Рай Дэвэ́л Давидо́скэ, и Соломоно́скэ, и Израилёскэ, Пэ́скирэ манушэ́нгэ.

3 Kralip 19:3

Ке́ли Или́я дыкхця́ дава́, то ёв уштыя́ и гия́, соб (кай) тэ ракхэ́л пэ́скиро джиибэ́н, и ёв явдя́ дрэ Вирса́вия, сави́ исын дрэ Юдэ́я, и мэкця́ лэ́скирэ тэрнэ́ дынари́с одо́й.

3 Kralip 18:13

Ци на сыс пхэндло́ мирэ́ ра́скэ, со мэ кэравас, ке́ли Езавель мулякирэлас пророкэ́н Раскирэн-Дэвлэскирэн, сыр мэ гарадём шэл тэ пандждэша́ пророкэ́н Раскирэн-Дэвлэскирэн, пир пандждэша́ мануша́, дрэ ґебара́ (пешчэры), и мэ чалякиравас лэн марэ́са и пане́са?

1 Kralip 24:11

Ѓа́да, ададывэ́с дыкхэ́на тырэ́ якха́, со Рай Дэвэ́л отдыя́ тут какана́ дро мирэ́ васта́ дро ґеба́р; и ма́нгэ ракирдэ́, соб мэ тэ замарав тут, нэ мэ потангиндём (пожалиндём) тут, и пхэндём: ‘На ґазда́ва миро васт пэ мирэ́ хуластэ, пал-дова́ со ёв исын Ра́скирэ-Дэвлэ́скиро помакхибнаскиро.’

Ереме́ё 36:19

Тэ́ньци тхага́рья пхэндлэ́ Варухоскэ: “Джа́ и гарадёв, ту и Ереме́ё; и мэк ние́кх (нико́н) тэ на джинэ́л, кай тумэ́ сан”