Pritčy 27:23 - Библия - Пэ Балтитко Романи чиб (Романэс) 2019

²³ Дыкх кучэс пал пэ́скиро бакрэнгиро гурто, и придыкх миштэ́с пал пэ́скири кхэри́тко стада:

Biblija - Pe Baltitko Romani čib (Romanes) 2019

²³ Dykh kučes pal péskiro bakrengiro gurto, i pridykh mištés pal péskiri kherítko stada:

Pritčy 27:23 Referans Kwoze

1 Petr 5:2

ракхэ́н Дэвлэ́скирэ манушэ́н, савэ́ исын машки́р тумэ́ндэ, кэрэ́н дава́ на пир трэ́бима, а сыр трэй Дэвлэ́скэ и на пал дова́, со тумэ́ сорбы сан бокхалэ́ кэ ловэ́, а пал-дова́ со тумэ́ камэ́на дава́ илэ́стыр;

2 Паралипоменоно 26:10

И кэрдя́ ёв туры пэ чхучи́ пхув (пушча) и ґанадя бут вэндариня (водоё΄мы), пал-дова́ со лэ́стэ сыс бут кхэри́тка мурдала́, и пэ тэлатунэ́ пхувья́, и пэ лошчыны, и пхувья́кирэ бутярнэн и садовникэн (барьякирэ́н) пэ бэ́рги и пэ Кармило; пал-дова́ со ёв камдя́, соб (кай) тэ обкэрэн пхув.

Džiibén 33:13

Яково пхэндя́ лэ́скэ: “Миро рай джинэ́ла, со чхаворэ́ исын назоралэ (зломка), а кхэри́тка мурдала́ (ското) дэ́на цюця (тхуд) лэ́нгирэ тыкнэнгэ; ко́ли тэ традэс лэс екх дывэ́с, тэды мулёла саро́ ското;

Pritčy 24:32

Ке́ли мэ дыкхцём, мэ ґалыём, со дава́ сыс куч, мэ подуминдём и дорэсцём сыклякирибэ́н:

Joannostir 10:3

Ракхибнари отчхакирэла вудара́ лэ́скэ, и бакрэ́ шунэ́на лэ́скири зан, ёв кхарэ́ла пиро́ лав пэ́скирэ бакрэ́н и лыджа́ла лэн яври́.

Езэкилё 34:31

“И со тумэ́ сан Мирэ́ бакрэ́, бакрэ́ Мирэ́ скэдыибна́стыр, тумэ́ сан мануша́, а Мэ сом тумаро́ Дэвэ́л”, – ракирэ́ла Рай Дэвэ́л, Дэвэ́л.

Яви́р Зако́но 32:46

то пхэндя́ лэ́нгэ: “Чхувэ́н пэ ило́ тумаро́ сарэ́ лава́, савэ́ мэ дыём тэ джинэ́н тумэ́нгэ ададывэ́с, и пиридэ́н лэн пэ́скирэ чхавэ́нгэ, соб (кай) ёнэ тэ причхувэ́н зор тэ кэрэ́н кэ ко́нцо (кэ яго́ро) сарэ́ далэ́ лава́ Законо́стыр;

1 Kralip 17:28

И шундя́ Елиаво, пхурэды́р Давидо́скиро пшал, со ракирдя́ ёв манушэ́нца, и холя́сыя Елиаво пэ Давидо́стэ, и пхэндя́: “Со́скэ ту адари́к явдя́н, и пэ конэ́стэ ячкирдян бутэн долэн бакрэ́н пэ чхучи́ пхув? Мэ джино́м тыро́ пхутькирибэ́н и тыро́ дылыно́ ило́, ту явдя́н тэ подыкхэс пэ марибэ́н.”

Vygiiben 7:23

И рисия́ фарао́но, и гия́ дро пэ́скиро кхэр; и ило́ лэ́скиро на парудыя и далэ́стыр.

Pritčy 24:27

Англэды́р кэр пэ́скири буты́ яврестыр, и почхув гив пэ фэ́лда; тэ́ньчи ґа́здэ пэ́скиро кхэр.

Ереме́ё 31:10

Шунэ́н лав Ра́скирэ-Дэвлэ́скиро, о мануша́лэ нацые́ндыр, и пхэнэ́н дава́ зоралэ́с сарэ́нгэ пэ островы, со исын дур, и пхэнэ́н: “Ёв, Кон росчхудя́ тэ дживэ́л Израилё, скэдэ́ла лэс, и Ёв явэ́ла тэ ракхэ́л Пэ́скирэ манушэ́н, сыр чхупна́ри (пастырё) Пэ́скиро ґурто.

Езэкилё 34:12

Сыр чхупна́ри пропатякирэла пэ́скирэ бакрэ́н дро дова́ дывэ́с, ко́ли ёнэ роспрастандынэпэ, адя́кэ Мэ пиридыкхава сарэ́ Мирэ́ бакрэ́н, Мэ зракха́ва лэн сарэ́ штэтэ́ндыр, карик ёнэ сыс рострадынэ дро кало́ дывэ́с облокэ́нца.