Pritčy 27:21 - Библия - Пэ Балтитко Романи чиб (Романэс) 2019

²¹ Дрэ кака́ви (котло) билавэна руп, а дро бов сувнака́й, нэ, саво́ ману́ш исын, сыкавэ́ла мавлы́н (малва), сави́ пхэнэ́на яви́р мануша́.

Biblija - Pe Baltitko Romani čib (Romanes) 2019

²¹ Dre kakávi (kotlo) bilavena rup, a dro bov suvnakái, ne, savó manúš isyn, sykavéla mavlýn (malva), saví phenéna javír manušá.

Pritčy 27:21 Referans Kwoze

Pritčy 17:3

Дрэ кака́ви (котло) билавэна (плавинэна) руп, а дрэ бов сувнака́й, нэ Рай Дэвэ́л пропатякирэла илэ.

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Psalmy 66:10

Пал-дова́ со Ту, Дэ́вла, пропатякирдян амэн, Ту выпробиндян амэн сыр руп выжужакирэна (вычыстинэна).

1 Petr 1:7

соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.

1 Petr 4:12

Мирэ́ дро́га! На дурьен ягитконэ́ пропатякирибнастыр тэ пропатякирэл тумаро́ патяибэ́н, дро дава́ нанэ нисаво́ ди́во;

Psalmy 12:6

Пал-дова́ со мануша́ страдынэна и лэн тасавэна, пал-дова́ со мануша́ дрэ трэ́бима дэ́на ґондя́. “Мэ тэрдёвава анги́л” – пхэнэ́ла Рай Дэвэ́л, Мэ приракхава лэн, сыр ёнэ древа́н камэ́на тэ ухтылэ́н,

2 Kralip 14:25

На сыс дрэ саро́ Израилё адасавэ́ гожонэ муршэ́с, сыр Авесало́мо, и ада́кицы шардэс пал дава́, сыр ёв; слядэндыр ґэрэнгирэндыр кэ лэ́скирэ-шэрэскиро вучипэ́н на сыс лэ́стэ дош.

1 Kralip 18:30

И ке́ли Филистимлянинэнтиро шэралэ́ выгинэ́ пэ марибэ́н, о Дави́до, кокорэ́ лэ́нгирэ выгиибнастыр, кэрдя́ годьварэдыр сарэ́ Сауло́скирэ дынарье́ндыр (слугэ́ндыр), и древа́н яця́ славу́тно лэ́скиро лав.

Luka 6:26

Бида тумэ́нгэ, ке́ли сарэ́ мануша́ явэ́на тэ ракирэ́н лачхипэ́н пал тумэ́ндэ. Пал-дова́ со адя́кэ кэрдэ́ хоханэ́ пророкэнца дада́ лэ́нгирэ.

Ióvo 28:1

“Тумэ́ джинэ́на со исын шахта ваш руп, и исын штэ́то, кай билякирэна сувнака́й.