Pritčy 27:20 - Библия - Пэ Балтитко Романи чиб (Романэс) 2019

²⁰ Лю́но (адо) и Аввадоно (мулыкано штэ́то) ние́кхвар нанэ пхэрдэ́, адя́кэ-паць и манушэ́скирэ якха́ ние́кхвар нанэ чалэ.

Biblija - Pe Baltitko Romani čib (Romanes) 2019

²⁰ Liúno (ado) i Avvadono (mulykano štéto) nijékhvar nane pherdé, adiáke-pac' i manušéskire jakhá nijékhvar nane čale.

Pritčy 27:20 Referans Kwoze

Ekliesiastos 1:8

Саро́, со исын дро свэ́то (лот), исын пхарэ́ бутя́тыр: ние́кх ману́ш нашты́ тэ выпхэнэл саро́. Якх исын на чалы дыкхибнастыр, и кан исын на пхэрдо́ шуныбнастыр.

1 Ian 2:16

пал-дова́ со саро́, со исын дро свэ́то: лочакиро тырдыпэ́н кэ грэ́хо, грэхоскиро камибэн дрэ якха́, пхутькирибэ́н пэ́скирэ джиибнаса, дава́ саро́ нанэ Дадэ́стыр, а джа́ла свэто́стыр.

Ekliesiastos 6:7

Ману́ш кэрэ́ла пхари́ буты́ ваш пэ́скиро муй, нэ лэ́скиро ди ние́кхвар исын на чало.

Avakumo 2:5

Пхутькирдо ману́ш кэрэ́ла чорипэ́н сыр моля́тыр (виностыр), сави́ здэла лэс, и лэ́скэ уса́ нанэ штылыпэн (спокоё). Пал-дова́ со лэ́скиро тырдыпэ́н барьёла дрэ лэ́стэ сыр штэ́то дро лю́но (адо), и ёв исын на чало сыр мэрибэ́н, ёв, Халдеё, кэдэла кэ пэ сарэ́ манушы́тка ро́ды, и ёв затырдэла (заухтылэла) кэ пэ сарэ́ манушы́тка ро́дыцы.

Ekliesiastos 4:8

Исын екхджино́ ману́ш и лэ́стэ ние́кх нанэ тэ явэ́л пашы́л лэ́стэ; лэ́стэ нанэ ни пшал, ни чхаво́: нэ нанэ ко́нцо (яго́ро) лэ́скирэ пхарэ́ бутякэ и лэ́скирэ якха́ нанэ чалэ барвалыпнастыр и пхучэла ёв: “Ваш конэ́скэ мэ кэра́ва буты́ пхарэ́с и отпхэнава пэ́скэ лачхипнастыр.” Дава́ исын адя́кэ-паць харныпэ́н и буты́, со пхарьякирэла ило́.

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Pritčy 23:5

ке́ли ту рискирэса пэ́скирэ якха́ пэ дава́ – и акана́ нанэ лэс? Пал-дова́ со барвалыпэ́н кэрэ́ла пхака́ пэ́скэ и сыр о́рло (ки́до) вурняла криг кэ болыбэ́н.

Pritčy 15:11

Ко́ли исын джиндло́ Ра́скэ-Дэвлэ́скэ, со кэрэ́лапэ дро лю́но (адо) и Абадоно, то тэды пэ кицы́ бутэды́р Ёв джинэ́ла манушэ́нгирэ илэ.

Ióvo 26:6

Лю́но исын псирадо анги́л Дэвлэ́стэ, и Абадоно нанэ учхакирдо Лэ́скирэ якхэ́ндыр.

Pritčy 27:19

Сыр дро пани́ муй сыкавэ́ла, саво́ ёв исын; адя́кэ-паць и манушэ́скиро ило́ сыкавэ́ла, саво́ ману́ш исын.

Agiejo 1:9

“Тумэ́ ужакирэ́на бут, нэ чачипна́са далэ́стыр явэ́ла на́бут, и ке́ли тумэ́ янэ́на дава́ кхэрэ́, Мэ роспхурдава криг. Со́скэ? – ракирэ́ла янголэ́нгирэ-болыбна́скиро, Рай Дэвэ́л: ‘Ваш дова́, со Миро кхэр исын дрэ руи́ны, нэ кажно (сва́ко) тумэ́ндыр прастала кэ пэ́скиро кхэр.

Isajos 5:14

Пал саро́ дава́ буґлыя лю́но (адо), и откэрдя пэ́скиро муй; зджа́ла одори́к лэ́нгиро пхутькирибэ́н, лэ́нгиро барвалыпэ́н, лэ́нгиро шумо и саро́, со радынэла лэн.