Pritčy 27:18 - Библия - Пэ Балтитко Романи чиб (Романэс) 2019

¹⁸ Кон ракхэ́ла инжыритко кашт (смоковница), кодова́ явэ́ла тэ хал лэ́скири пхабай; адя́кэ-паць, кон приракхэла пэ́скирэ хула́с, одова́ явэ́ла дрэ паты́в.

Biblija - Pe Baltitko Romani čib (Romanes) 2019

¹⁸ Kon rakhéla inžyritko kašt (smokovnica), kodová javéla te xal léskiri phabaj; adiáke-pac', kon prirakhela péskire xulás, odová javéla dre patýv.

Pritčy 27:18 Referans Kwoze

2 Ximaske 2:6

Гавитконэ манушэ́скэ, саво́ кэрэ́ла буты́ пэ фэ́лда, трэй англэды́р сарэ́ндыр тэ хал барьякирдо́ (пло́до), со ёв кокоро́ выбарьякирдя.

1 Коринфянэнгэ 9:7

Саво́ халадо (рулдо) лыджа́ла марибэ́н пал пэ́скирэ ловэ́? Кон исын, саво́ чхудя́ винагра́днико, соб (кай) тэ на хал му́ри? Кон исын, саво́ чаравэла гурто, соб (кай) тэ на пьел тхуд лэ́ндыр?

Гиленгири (Соломоно́скири) Гилы́ 8:12

Нэ мири́ винаграды́тко у́нта исын пашы́л ма́ндэ. Ту́кэ, о Соломо́нэ, мэк тэ явэ́л бар (тысёнцо), а дуй шэла́ одолэ́нгэ, савэ́ ракхэна барьякирдэ́ (пло́ды).

1 Коринфянэнгэ 3:8

Нэ кон чхудя́ дрэ пхув, и кон панякирдя-дава́ усае́кх, а кажно дорэсэ́ла (долэла) отдыибэ́н пир пэ́скири буты́.

Luka 12:37

Бахталэ́ исын одолэ́ дына́рья, конэ́с хула́й латхэ́ла, со ёнэ на сутэ́; чачэс, Мэ пхэна́ва тумэ́нгэ, со хула́й приготовинэлапэ и бэшлякирэла лэн пал сками́нд тэ откхинён; и джа́ла кэ ёнэ и ячэ́ла тэ подэл лэ́нгэ.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Luka 19:17

И ману́ш пхэндя́ лэ́скэ: ‘Мишто́, ту сан лачхо́ писха́ри; пал-дова́ со ту са́нас патяибны́тко набарэ́ ловэнца, мэ кэра́ва тут барыдырэ́са пэ дэш фо́рья’.

Матфеё 24:46

Бахтало́ исын кодова́ писха́ри, конэ́скиро хула́й, сыр явэ́ла, латхэ́ла, со ёв кэрэ́ла адя́кэ, сыр исын упхэндло́ лэ́скэ.

Pritčy 22:29

Ци ту дыкхэ́са манушэ́с, саво́ добусовэс кэрэ́ла пэ́скири буты́? Ёв явэ́ла тэ тэрдёл анги́л кралье́ндэ; ёв на явэ́ла тэ тэрдёл анги́л простонэ (напатывалэ) манушэ́ндэ.

1 Petr 2:21

Пал-дова́ со тумэ́ са́нас кхардэ́ ваш дава́, пал-дова́ со и Христо́со адя́кэ-паць страдындя пал тумэ́ндэ, Ёв ячкирдя́ сыкаибэ́н (приме́ро) амэ́нгэ, сыр трэй тэ кэра́с, соб (кай) амэ тэ джас пир Лэ́скири шпэ́ра (слядо):

1 Petr 2:18

Дынарья́лэ, кандэ́н и дарэ́н пэ́скирэ хуландыр, на со екхэ лачхэн и ковлэ́-илытконэн, нэ адя́кэ-паць и кодолэ́н, савэ́ биилыткэс (шылалэс) отлыджанапэ кэ тумэ́.

Колосянэнгэ 3:22

Писхарьялэ, кандэ́н дро саро́ пэ́скирэ пхувья́кирэ хулан дрэ лоч, дынаринэ́н (служынэн) лэ́нгэ, на ваш дова́, соб (кай) тэ шарэ́н мануша́, нэ кэрэ́н дава́ сарэ́ илэ́стыр.

1 Коринфянэнгэ 9:13

Ци тумэ́ на джинэ́на, со одолэ́, кон кэрэ́ла свэ́нто буты́, чалякирэнапэ далэ́стыр, со исын яндло сыр свэ́нто дыибэ́н дрэ Кхангири́; одолэ́, савэ́ дынаринэна пашы́л алта́рё, лэ́на пэ́скири паш долэ́стыр, со янэлапэ пэ алта́рё.

Apostolengiri Butý 10:7

Ке́ли Янго́ло, саво́ ракирдя́ Корнилиёса, отгия́, тэды ёв кхардя́ кэ пэ дуе пэ́скирэ дынарье́ндыр (слугэ́ндыр) и екхэ халадэс, саво́ сыс дэвлы́тко и ўса́ды (сак) кхэтанэ́ лэ́са;

Marko 10:43

нэ мэк дава́ тэ на явэ́л машки́р тумэ́ндэ. Одова́, кон камэ́ла тэ явэ́л най барэды́р машки́р тумэ́ндэ, мэк тэ явэ́л дына́ри тумэ́нгэ,

Матфеё 24:25

Акэ, Мэ тумэ́нгэ ангилпхэндём.

Pritčy 17:2

Годо́ дына́ри (слуга) рикирэ́ла зор пэ чхавэ́стэ, саво́ кэрэ́ла ладж, и ёв роскэрэла (роздэла) мэкно́ миштыпэ́н машки́р пшалэ́ндэ.

Psalmy 123:2

Ѓа́да, сыр писхарискирэ якха́ дыкхэ́на пэ лэ́скирэ-ра́скиро васт, сыр писхарицакирэ якха́ дыкхэ́на пэ ла́кирэ-ранякиро васт, адя́кэ-паць амарэ́ якха́ ужакирэ́на Рас-Дэвлэ́с, амарэ́ Дэвлэ́с, пака Ёв потангинэла амэн.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Vygiiben 24:13

И уштыя́ Мо́йза Исусо́са (Ёхошуаса), пэ́скирэ помогибнаскирэса, и гия́ Мо́йза пэ Дэвлэ́скири бэ́рга,

4 Kralip 5:27

Мэк Нееманоскири прока́за тэ пириячэл кэ ту и кэ тыро́ ро́до пэ ве́ко.” И выгия́ ёв лэ́стыр парно́ проказатыр, сыр ив.

4 Kralip 5:25

Ке́ли ёв явдя́ и явдя́ кэ пэ́скиро хула́й, то Елисе́ё пхэндя́ лэ́скэ: “Каты́р сан ту, Гиезе́ё?” И пхэндя́ ёв: “Никарик на псирдём, тыро́ писха́ри.”

4 Kralip 3:11

И пхэндя́ Иосафа́то: “Ци нанэ ада́й Ра́скирэ-Дэвлэ́скирэ пророко́с, соб (кай) амэ́нгэ тэ пхучаспэ Ра́стыр-Дэвлэ́стыр пирда́л лэ́стэ?” И отпхэндя́ екх дынарье́ндыр (слугэ́ндыр) Израилёскирэ кралискирэндыр, и пхэндя́: “Ада́й исын Елисе́ё, чхаво́ Сафатоскиро, саво́ подэлас пани́ пэ васта́ Илияскэ.”

Luka 12:42

И пхэндя́ Рай Дэвэ́л: “Кон тэды исын патяибны́тко и годьваро́ писха́ри, конэ́скэ лэ́скиро хула́й дыя́ зор пэ лэ́скирэ бутярнэндэ, соб (кай) тэ дэл лэ́нгэ лэ́нгири паш марэстыр дро часо, саво́ трэй?

4 Kralip 18:31

На шунэ́н Езэкияс. Пал-дова́ со адя́кэ ракирэ́ла Асирия́киро кра́ли: ‘Кэрэ́н доракирибэ́н (союзо) ма́нца и выджа́н кэ мэ, и мэк кажно (сва́ко) тэ хал му́ри пэ́скирэ-винаградытконэ хрустостыр и инжыро пэ́скиро, и мэк кажно (сва́ко) тэ пьел пани́ пэ́скирэ ґанынгатыр.

Pritčy 27:17

Састы́р востринэла састы́р, адя́кэ-паць ману́ш востринэла лачхипэ́н пэ́скирэ малэстэ.

Pritčy 27:19

Сыр дро пани́ муй сыкавэ́ла, саво́ ёв исын; адя́кэ-паць и манушэ́скиро ило́ сыкавэ́ла, саво́ ману́ш исын.

Isajos 36:16

На шунэ́н Езекияс, пал-дова́ со адя́кэ ракирэ́ла Асирия́киро кра́ли: “Явэ́на бахталэ́ тумэ́ ма́нца дро рама́нё (миро), выджа́н кэ мэ и, мэк кажно ману́ш тумэ́ндыр тэ хал пэ́скирэ винаградоскирэ каштэ́стыр и смоковнытконэ каштэ́стыр, мэк кажно тэ пьел пани́ пэ́скирэ ґанынгатыр.

Ester 6:11

И лыя́ Ама́но и́дя и грэс, и уридя Мардохеёс, и вылыджия́ лэс пэ форитко маркплацо (форуны́/пло́шча), и пхэндя́ анги́л лэ́стэ: “Адя́кэ кэрэ́на одолэ́ манушэ́скэ, савэ́с кра́ли камэ́ла тэ патывакирэл слава́са!”