Pritčy 26:24 - Библия - Пэ Балтитко Романи чиб (Романэс) 2019

²⁴ Одова́, кон бидыкхэла (зоралэ́с на камэ́ла) явирэ манушэ́с сы́рбы гаравэла дава́ пэ́скирэ уштэ́нца, адасаво́ ману́ш счхувэла фрэнтыма (мэндрима) дро пэ́скиро ило́:

Biblija - Pe Baltitko Romani čib (Romanes) 2019

²⁴ Odová, kon bidykhela (zoralés na kaméla) javire manušés sýrby garavela davá péskire ušténca, adasavó manúš sčhuvela frentyma (mendrima) dro péskiro iló:

Pritčy 26:24 Referans Kwoze

Pritčy 12:20

Фрэнтыма исын дро ило́ одолэ́ндэ, савэ́ кэрэ́на чорипэ́н, нэ кон дэ́ла годыпэ́н пал рама́нё (миро), кодова́ радынэ́лапэ.

Pritčy 10:18

Кон гаравэла явирэндыр дова́, со ёв древа́н на камэ́ла, исын хохано́, и кон розмэкэла чиб (калэ́-кэрибнаскирэ) лава́, исын дылыно́.

Psalmy 41:6

Мирэ́ вэ́рги ракирэ́на чорипэ́н пэ ма́ндэ, пхэни́: “Ке́ли дава́ ёв мэрэ́ла, и лэ́скиро лав хасёла?”

Pritčy 14:8

Барэ́-годя́киро ману́ш джинэ́ла, со ёв кэрэ́ла акана́ и дурэды́р, нэ дылыно́ гаравэла пэ́скиро дылныпэ́н дро лэ́скири фрэнтыма, соб (кай) тэ хохавэ́л.

Pritčy 12:17

Кон ракирэ́ла дова́, со ёв джинэ́ла, одова́ пхэнэ́ла чачипэ́н, нэ начачуно дудвало /якхи́тко (свидетелё) хохавэла.

Pritčy 12:5

Чачунэ́ мануша́ думинэ́на пал чачипэ́н, нэ фуй мануша́ кхэтанэ́ дэ́на хохано́ годыпэ́н.

Pritčy 11:1

Начачунэ ублады́тка (весы) исын джунгалэ́ Ра́скэ-Дэвлэ́скэ, нэ чачуно́ пхарипэ́н ваш весо зоралэ́с радынэла Лэс.

Pritčy 23:7

Пал-дова́ со ёв исын адасаво́, саво́ ёв исын дро пэ́скиро ило́. “Ха и пи”, – ёв пхэнэ́ла ту́кэ, нэ лэ́скиро ило́ нанэ ту́са.

Ереме́ё 9:4

Кажно (сва́ко) тэ рикирэ́лапэ ригаса пэ́скирэ малэстыр, и на допатя зоралэ́с дрэ пэ́скирэ пшалэ́стэ, пал-дова́ со кажно пшал заджа́ла фротымаса пэ дром явирэскэ, и кажно мал исын каля-кэрибнаскиро (плёткари).

Džiibén 34:13

И отпхэндлэ́ Яково́скирэ чхавэ́ Сихемоскэ и Емороскэ, лэ́скирэ дадэ́скэ мэндрипнаса; а ракирдэ́ ёнэ адя́кэ пал-дова́ со ёв кэрдя́ напатывалэс Динаса, лэ́нгирэ пхэняса;

1 Kralip 18:17

И пхэндя́ Са́уло Давидо́скэ: “Ѓа́да исын пхурэды́р мири́ чхай, Мерова; мэ да́ва ла ту́кэ пал ромня́тэ, екх, яв ма́ндэ муршкано́ и лы́джа Ра́скирэ-Дэвлэ́скирэ марибэна.” Пал-дова́ со Са́уло думиндя: “Мэк тэ на явэ́л миро васт пэ лэ́стэ, нэ Филистимлянэнгиро явэ́ла пэ лэ́стэ.”

2 Kralip 13:26

И пхэндя́ лэ́скэ Авесало́мо: “Тэды мэк тэ джал амэ́нца Амноно, пшал миро.” И пхэндя́ лэ́скэ кра́ли: “Со́скэ лэ́скэ тэ джал ту́са?”

2 Kralip 13:27

Нэ Авесало́мо уракирдя лэс, и ёв отмэкця́ лэ́са Амнонос и сарэ́ крали́скирэ чхавэ́н;

2 Kralip 20:9

И пхэндя́ Иоа́во Амесаёскэ: “Ци сан састо́ ту, пшал миро?” И лыя́ Иоа́во чачэ́ вастэ́са Амесаёс пал чхора (брода), соб (кай) тэ чамудэл лэс.

Ниеми́я 6:2

тэ́ньчи бичхадя́ о Санавалато и о Гешэмо кэ мэ тэ пхэнэ́н: “Яв адари́к, зджасапэ дро екх гав пэ Оноскиро штэ́то.” Ёнэ задуминдлэ тэ кэрэ́н ма́нгэ фуипэ́н.

Psalmy 12:3

Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы.

Psalmy 28:3

На хасякир ман кхэтанэ́ фуе́ манушэ́нца, ци савэ́ кэрэ́на чорипэ́н; ци савэ́ пэ якха́ ракирэ́на пал рама́нё пашатунэ́ манушэ́нца, нэ савэ́ндэ исын чорипэ́н дро ило́.