Pritčy 23:5 - Библия - Пэ Балтитко Романи чиб (Романэс) 2019

⁵ ке́ли ту рискирэса пэ́скирэ якха́ пэ дава́ – и акана́ нанэ лэс? Пал-дова́ со барвалыпэ́н кэрэ́ла пхака́ пэ́скэ и сыр о́рло (ки́до) вурняла криг кэ болыбэ́н.

Biblija - Pe Baltitko Romani čib (Romanes) 2019

⁵ kiéli tu riskiresa péskire jakhá pe davá – i akaná nane les? Pal-dová so barvalypén keréla phaká péske i syr órlo (kído) vurniala krig ke bolybén.

Pritčy 23:5 Referans Kwoze

Pritčy 27:24

пал-дова́ со барвалыпэ́н нанэ пэ сарэ́ ве́ки, и, крали́тко стадык (коро́на) жа на ячэ́лапэ пэ сарэ́ ро́ды?

1 Ian 2:16

пал-дова́ со саро́, со исын дро свэ́то: лочакиро тырдыпэ́н кэ грэ́хо, грэхоскиро камибэн дрэ якха́, пхутькирибэ́н пэ́скирэ джиибнаса, дава́ саро́ нанэ Дадэ́стыр, а джа́ла свэто́стыр.

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

Матфеё 6:19

На кэдэн пэ́скэ кучипэна пэ пхув, кай моль и оржа хасякирэна, и чора подґанавэнапэ и чорэна;

Ekliesiastos 12:8

Харныпэ́н харныпнастыр”, – пхэндя́ Сыклякирибна́скиро пал Дэвлэ́стэ. “Саро́ исын харныпэ́н.”

Džiibén 42:36

И пхэндя́ лэ́нгэ лэ́нгиро дад Яково: “Тумэ́ отлынэ ма́ндыр чхавэ́н Ёзас нанэ, и Симеонос (Семёнос) нанэ, и Вениаминос тэ лэн камэ́на, – саро́ дава́ пэ ма́ндэ!”

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Ekliesiastos 1:2

“Харныпэ́н (суе́та) харныпнастыр”, – ракирэ́ла Еклесиасто (Сыклякирибна́скиро) пал Дэвлэ́стэ-харныпэ́н харныпнастыр. Саро́ исын харныпэ́н.”

Psalmy 39:6

Ѓа́да, фэ́ни пэ буґлыпэ́н мирэ́-вастэскиро Ту дыя́н ма́нгэ дывэса́ тэ джива́в и миро джиибэ́н исын кротко часо, сы́рбы нисо́ анги́л Ту́тэ. Дава́ исын патяибэ́н, со кажно (сва́ко) ману́ш, мэк ёв тэ тэрдёл вучэ́с, исын балвалякиро пхурдыпэн. Сэ́ла.

Isajos 55:2

Со́скэ тумэ́нгэ отдэ́н ловэ́ пал дова́, со нанэ маро́; со́скэ тэ отдэ́н ловэ́ пал дова́, со на чалякэрэла? Шунэ́н акана́ Ман и хан лачхипэ́н; мэк тумаро́ ди тэ явэ́л чало тхулыпнаса.

Ióvo 27:19

Ёв пасёла сыр барвало́ ману́ш, нэ буты́р ёв на явэ́ла кадасаво́, ёв откэрэла якха́, и нанэ ничы́ пашы́л лэ́стэ.

Ереме́ё 39:12

“Лэ лэс и дыкх пал лэ́стэ и на кэр чорипэ́н лэ́скэ, нэ кэр ваш лэ́скэ адя́кэ, сыр ёв припхэнэла ту́кэ.”