Pritčy 22:9 - Библия - Пэ Балтитко Романи чиб (Романэс) 2019

⁹ Кон исын барвалэ́-илэ́скиро, кодова́ явэ́ла бахтякирдо́, пал-дова́ со ёв дэ́ла пэ́скиро маро́ чорорэнгэ.

Biblija - Pe Baltitko Romani čib (Romanes) 2019

⁹ Kon isyn barvalé-iléskiro, kodová javéla bahtiakirdó, pal-dová so jov déla péskiro maró čororenge.

Pritčy 22:9 Referans Kwoze

Pritčy 19:17

Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

1 Petr 4:9

прилэ́н манушэ́н сарэ́ илэ́стыр, савэ́ явэ́на кэ тумэ́ би холямэ́ ракирибнаскиро;

Apostolengiri Butý 20:35

Дро саро́, со мэ тэ на кэра́в, мэ сыкадём тумэ́нгэ, со амари́ буты́ исын дро дова́, соб (кай) тэ помогинас чорорэнгэ, и тэ рипирас Ра́скирэ-Дэвлэ́скирэ Исусо́скирэ лава́; савэ́ Ёв Кокоро́ пхэндя́, со ману́ш, саво́ дэ́ла, явэ́ла бахталэдыр одолэ́стыр, саво́ лэ́ла.

Юдэ́нгэ 13:16

На бистрэн тэ кэрэ́н лачхипэ́н явирэ манушэ́нгэ и тэ делинэнпэ (тэ улавэнпэ) (тэ дэн котэ́р (куско) илэ́стыр) явирэ манушэ́нца, пал-дова́ со дасавэ́ лачхэ́ рэ́нды, сы́рбы свэ́нто дыибэ́н исын лачхо́ Дэвлэ́скэ.

Luka 14:13

Ке́ли ту кэрэ́са свэ́нко, кхар чорорэн, калекэн, лангалэн, корорэн,

Isajos 32:8

А патывало ману́ш думинэ́ла пал паты́в; ёв твардэс тэрдо́ дро чачипэ́н.

Pritčy 21:13

Кон запхандэла кан, ке́ли чороро́ ману́ш дэ́ла го́дла, кодова́ адя́кэ-паць явэ́ла тэ дэл го́дла чорорипнастыр и лэс на явэ́на тэ шунэ́н.

Psalmy 112:9

Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в.

Pritčy 11:25

Кон роздэла бут, одова́ явэ́ла барвало́, кон панякирэла явирэ́н, одова́ адя́кэ-паць явэ́ла панякирдо.

Marko 7:22

блэ́ндо, сквапныма, фротыма, холы́, ладжавэ рэ́нды, якхало, пхутькирибэ́н, дылныпэ́н.

Матфеё 20:15

со ж нашты́ ма́нгэ тэ кэра́в, со исын миро, сыр мэ кама́м? Ци якх тыри́ камэ́ла буты́р, пал-дова́ со мэ сом лачхо́?’

Яви́р Зако́но 28:56

Джувлы́, сави́ дживдя́ ту́тэ дрэ нега и миштыпэ́н, сави́ ние́кхвар пэ́скирэ ґэра́ на чхудя́ пэ пхув, пал-дова́ со дживдя́ дрэ миштыпэ́н и нега, явэ́ла натангипнаскирэ якхаса тэ дыкхэ́л пэ ромэстэ пэскирэстэ, и пэ чхавэ́стэ пэскирэстэ, и пэ чхатэ пэскирьятэ,

Pritčy 31:20

Ёй подэла пэ́скиро васт чорорэнгэ, и ёй тырдэла пэ́скирэ васта́ кэ бо́ги.

Pritčy 11:17

Лачхэ́-илэ́скиро ману́ш кэрэ́ла лачхипэ́н пэ́скирэ дескэ, а биилэскиро [холямо́-р.с.] ману́ш кэрэ́ла дош пэ́скирэ лочакэ (плотякэ).

Pritčy 11:27

Манушэ́с, саво́ добусовэс (старательнэс) родэ́ла лачхипэ́н, одова́ родэ́ла ла́ска Дэвлэ́стыр, нэ пхаро́ явэ́ла кодолэ́скэ, саво́ родэ́ла чорипэ́н.

Pritčy 14:21

Кон дыкхэ́ла вучипна́стыр пэ пэ́скирэ пашатунэстэ, кодова́ кэрэ́ла грэ́хо; нэ бахтало́ исын кодова́ ману́ш, кон исын лачхэ́-илэ́скиро (жалинэла) кэ кодолэ́, савэ́н притасавэ́на.

Pritčy 28:24

Кон чорэла дадэ́стыр ци датыр и ракирэ́ла: “Дава́ нанэ грэ́хо”, кадасаво́ ману́ш исын дро́го дру́го (мал) кодолэ́скэ, саво́ хасякирэ́ла саро́.

Pritčy 28:27

Кон дэ́ла чорорэскэ, кодолэстэ на явэ́ла наухтылыбэн/на явэ́ла на́доси (кодова́ на чорьёла), нэ кон закэрэла лэ́скирэ якха́, пэ кодолэстэ явэ́на бут прокошыбэна.