Pritčy 22:4 - Библия - Пэ Балтитко Романи чиб (Романэс) 2019

⁴ Кон кандэ́ла, и дарэ́ла Ра́стыр-Дэвлэ́стыр, кодова́ дорэсэ́ла барвалыпэ́н, паты́в и джиибэ́н.

Biblija - Pe Baltitko Romani čib (Romanes) 2019

⁴ Kon kandéla, i daréla Rástyr-Devléstyr, kodová doreséla barvalypén, patýv i džiibén.

Pritčy 22:4 Referans Kwoze

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Jakov 4:10

Чхувэ́н пэс тэлэды́р анги́л Дэвлэ́стэ, и Ёв ґаздэ́ла вучэ́с тумэн.

Pritčy 21:21

Кон родэ́ла и джа́ла дурэды́р пир чачипэ́н и лачхэ́-илы́ткима, одова́ ману́ш латхэ́ла джиибэ́н, чачипэ́н и паты́в.

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Pritčy 3:16

Годыпэ́н рикирэ́ла длэнга бэрша́ дро чачо́ васт, а барвалыпэ́н и паты́в исын дро лэ́скиро зэ́рво (ле́во) васт.

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Isajos 33:6

И явэ́ла часо, ко́ли на явэ́на тэ дарэ́н никонэстыр, ко́ли явэ́ла баро́ зракхибэ́н, годы́ и джиныбэ́н, а дар Дэвлэ́скири явэ́ла тырэ́ кучипнаса.

1 Ximaske 4:8

Пал-дова́ со, кон залэлапэ пэ́скирэ мускулэнца и масэнца, дава́ лэ́скэ зорьякирэла лэ́скирэ маса́-дава́ исын набаро́ лачхипэ́н, нэ кон дживэ́ла дара́са анги́л Дэвлэ́стэ, одова́ янэ́ла лачхипэ́н пир саро́ и дэ́ла наде́я дро дава́ свэ́то и дрэ дова́, со явэ́ла анги́л.

Pritčy 21:20

Кай дживэ́ла годо́ ману́ш, одо́й исын кучипэ́н и оливи́тко дзэт, нэ дылыно́ розмэкэла лэн.

Pritčy 22:3

Барэ́-годя́киро ману́ш дыкхэ́ла анги́л биба́хт (би́да) и гарадёла, нэ просто джа́ла анги́л и явэ́ла сэндякирдо.

Pritčy 22:5

Пхусадытка хру́сты (терны) и фэля́ исын пэ дром, кай исын мижэх ману́ш; а кон приракхэла пэ́скиро ди, кодова́ явэ́ла тэ дурьёл лэ́ндыр.

Pritčy 29:23

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Pritčy 31:30

Гожыма хохавэла и шукарипэ́н исын пэ мэнта (минута), нэ джувля́, сави́ дарэ́ла Ра́стыр-Дэвлэ́стыр, явэ́на тэ шарэ́н.

Pritčy 19:23

Кон дарэ́ла Дэвлэ́стыр, кодова́ дживэ́ла. Конэ́стэ исын дар, одова́ ячэ́лапэ чало, и биба́хт на пэрэ́ла пэ лэ́стэ.