Pritčy 22:17 - Библия - Пэ Балтитко Романи чиб (Романэс) 2019

¹⁷ Причху́в пэ́скиро кан и пошун годьварэ́-манушэ́нгирэ лава́, и бандякир тыро́ ило́ кэ миро джиныбэ́н;

Biblija - Pe Baltitko Romani čib (Romanes) 2019

¹⁷ Pričhúv péskiro kan i pošun god'varé-manušéngire lavá, i bandiakir tyró iló ke miro džinybén;

Pritčy 22:17 Referans Kwoze

Pritčy 23:12

Бандякир тыро́ ило́, ке́ли сыклякирэ́на тут, и тырэ́ кана́ кэ годьварэ́ лава́.

Pritčy 3:1

Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́,

Psalmy 90:12

Сыкля́кир амэн тэ гинас амарэ́ дывэса́, соб (кай) тэ явэ́л годыпэ́н дро амаро́ ило́?

Ekliesiastos 7:25

И тэ уджинав, сави́ биба́хт лыджа́ла дылныпэ́н, и дурэды́р бигодыпэн, и тэды ману́ш сы́рбы зджа́ла годятыр.

Pritčy 1:3

соб (кай) тумэ́ тэ дорэсэн (тэ ґалён) годыпэ́н, чачипэ́н, чачипнытко отлыджаибэн и чачуно́ сэ́ндо.

Матфеё 17:5

Ке́ли ёв ишчо (инкэ́) ракирдя́, акэ, святло о́блоко чхакирдя лэн, и, акэ, зан облокостыр, сави́ ракирдя́: “Кадава́ исын Миро Дро́го Чхаво́, дрэ Савэ́стэ исын Мири́ ра́дыма, Лэс шунэ́н.”

Ekliesiastos 8:9

Саро́ дава́ мэ дыкхцём и рискирдём пэ́скиро ило́ кэ кажно буты́, со кэрэ́лапэ тэл кхам: исын часо, ке́ли ману́ш рикирэ́ла зор пэ явирэ́стэ и дукхавэла лэс.

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Ekliesiastos 8:16

Ке́ли мэ рискирдём миро ило́ тэ уджинэл годыпэ́н, и тэ роздыкхэл намило пхари́ буты́, со кэрэ́лапэ пэ пхув: и адя́кэ-паць ние́кх ману́ш нанэ, соб (кай) тэ совэ́л ци дывэсэ́, ци раты́;

Pritčy 24:23

Ѓа́да, исын годэ́-манушэ́нгирэ лава́: “Дава́ исын намишто тэ явэс пэ вари конэ́скири риг пэ сэ́ндо.”

Ekliesiastos 12:11

Годэ́-манушэ́нгирэ лава́ исын сы́рбы сувья [пхусадытка бустя́/стре́лы-ю.о.], а лэ́нгирэ притчы исын сы́рбы гвозди (карфина), со хор замарнапэ: ёнэ исын сарэ́ екхэ чхупнаристыр

Psalmy 78:1

Асафоскиро Сыклякирибэ́н. О, мирэ́ мануша́лэ! Шунэ́н миро сыклякирибэ́н, причхувэ́н кана́ кэ лава́ мирэ́.