Pritčy 22:11 - Библия - Пэ Балтитко Романи чиб (Романэс) 2019

¹¹ Кон тырдэлапэ кэ жужо́ ило́, и конэ́стэ исын бахталыпэ́н пэ лэ́скирэ ушта́, кадасавэ́ манушэ́скэ кра́ли исын лэ́скиро мал.

Biblija - Pe Baltitko Romani čib (Romanes) 2019

¹¹ Kon tyrdelape ke žužó iló, i konéste isyn bahtalypén pe léskire uštá, kadasavé manušéske králi isyn léskiro mal.

Pritčy 22:11 Referans Kwoze

Матфеё 5:8

Бахталэ́ исын одолэ́, савэ́ндэ исын жужо́ (чы́сто) ило́, пал-дова́ со ёнэ дыкхэ́на Дэвлэ́с.

Pritčy 16:13

Чачунэ́ ушта́ зоралэ́с радынэна крали́с, и лэ́скэ исын дро́го одова́, кон ракирэ́ла чачипэ́н.

Pritčy 14:35

Кра́ли сыкавэ́ла паты́в годэ́ дынари́скэ, нэ ёв зоралэ́с холясо́ла пэ одолэ́стэ, саво́ ладжакирэла лэс.

Psalmy 101:6

Мирэ́ якха́ явэ́на тэ дыкхэ́н пэ патяибнаскирэндэ, савэ́ исын пэ дая́ пхув, соб (кай) ёнэ могиндлэ́ тэ явэ́н ма́нца дрэ миро кхэр. Кодова́, саво́ дживэ́ла бидошэ́нгиро, одова́ явэ́ла тэ дынаринэ́л ма́нгэ.

Psalmy 45:2

Миро ило́ исын пхэрдо́ бахталэ́ лавэ́нца: мэ ракира́ва пал крали́скирэ рэ́нды, мири́ чиб исын сыр лачхэ́-чхиныбнарискиро дэсторо (трость).

Luka 4:22

И ёнэ сарэ́ прилынэ́ дава́ Лэ́стыр и дивиндэпэ пэ бахталыпэ́н лавэ́ндыр, савэ́ Ису́со ракирдя́ и ёнэ ракирдэ́: “Ци на Ёв исын Ёзаскиро Чхаво́?”

Дание́лё 3:30

Тэ́ньци о кра́ли ґаздыя́ упрэдыр Шэдрахос, Мешахос и Авед-Негос дро Вавилонытко тхэм.

Ester 10:3

Адя́кэ-паць, сыр и дова́, со Мардохе́ё Юдо сыс яви́р ману́ш пал крали́стэ Артаксерксостэ и сыс баро́ ману́ш ваш Юдэ́нгэ и ёв сыс пир ило́ ваш бутэнгэ пэскирэндэ пшалэ́нгэ, пал-дова́ со ев родыя лачхипэ́н пэ́скирэ манушэ́нгэ и ракирдя́ пал рама́нё (миро) сарэ́ пэ́скирэ родо́скэ.

Psalmy 24:4

Кодова́, конэ́стэ васта́ исын жужэ́ (чыста), конэ́стэ исын лачхо́ ило́. Кон на совлахадя́ пэ́скирэ илэ́са ивья́, и кон на совлахадя́ хоханэ́с.

Pritčy 22:12

Ра́скирэ-Дэвлэ́скирэ якха́ ракхэна джиныбэ́н, нэ Ёв равэла тэлэ́ лава́, савэ́ исын напатяибнаскирэ манушэ́ндыр.

Ekliesiastos 10:12

Лава́ годэ́-манушэ́нгирэ уштэндыр исын бахталыпэ́н, нэ дылыниньконэскирэ ушта́ сы́рбы накхавэна лэс кокорэс.

3 Kralip 4:5

Аза́рия, Нафаноскиро чхаво́, барыдыро́ пэ упратунэндэ (приставникэндэ), и Завуфо, Нафаноскирэ-рашаскиро чхаво́ – мал крали́скиро.