Pritčy 21:5 - Библия - Пэ Балтитко Романи чиб (Романэс) 2019

⁵ Добусово ману́ш придуминэла дова́, со дэ́ла прибарипэн, нэ кодова́, саво́ кэрэ́ла сыгнымаса, явэ́ла дрэ урежа (убытко).

Biblija - Pe Baltitko Romani čib (Romanes) 2019

⁵ Dobusovo manúš priduminela dová, so déla pribaripen, ne kodová, savó keréla sygnymasa, javéla dre urieža (ubytko).

Pritčy 21:5 Referans Kwoze

Pritčy 10:4

Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Эфесянэнгэ 4:28

Кон чордя, мэк буты́р тэ на чорэл, нэ мэк фэды́р тэ кэрэ́л буты́, кэри пэ́скирэ вастэ́нца лачхипэ́н, соб (кай) тэ явэ́л со́стыр тэ дэл одолэ́ манушэ́нгэ, савэ́ исын чорорэ́.

Pritčy 14:29

Ману́ш, саво́ ле́нтэс (на сы́гэс) холясо́ла, исын баро́ годяри, нэ кодова́, савэ́стэ исын хачкирдо ду́хо (фа́но), сыкавэ́ла пэ якха́ пэ́скиро дылныпэ́н.

Pritčy 28:22

Ману́ш бибахталэ́ мысляса камэ́ла сы́гэс тэ розбарвалёл, и ёв на джинэ́ла, со чорипэ́н пэрэ́ла пэ лэ́стэ.

Pritčy 20:21

Миштыпэ́н, со дорэсэлапэ сы́гэс дро англыпэ́н, на явэ́ла бахтякирдо́ пэ ко́нцо (пэ яго́ро).

Pritčy 19:2

Исын намишто, ке́ли манушэ́стэ нанэ джиныбэ́н, адя́кэ-паць и кон сы́гэс псирэ́ла, одова́ обштавэлапэ (обстэмпинэлапэ).

Pritčy 29:20

Ци дыкхця́н ту манушэ́с, саво́ сы́гэс выпхэнэла лава́? Буты́р лачхипэ́н сашты́ тэ ужакирэс дылынэстыр, сыр кадасавэ́ манушэ́стыр.