Pritčy 21:21 - Библия - Пэ Балтитко Романи чиб (Романэс) 2019

²¹ Кон родэ́ла и джа́ла дурэды́р пир чачипэ́н и лачхэ́-илы́ткима, одова́ ману́ш латхэ́ла джиибэ́н, чачипэ́н и паты́в.

Biblija - Pe Baltitko Romani čib (Romanes) 2019

²¹ Kon rodéla i džála duredýr pir čačipén i lačhé-ilýtkima, odová manúš lathéla džiibén, čačipén i patýv.

Pritčy 21:21 Referans Kwoze

Матфеё 5:6

Бахталэ́ исын одолэ́, конэ́скиро ило́ исын бокхало пал Дэвлэ́скиро лав и сыр пани́ древа́н родэ́ла чачипэ́н. Дэвэ́л чалякирэла лэ́нгиро ило́.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

Pritčy 22:4

Кон кандэ́ла, и дарэ́ла Ра́стыр-Дэвлэ́стыр, кодова́ дорэсэ́ла барвалыпэ́н, паты́в и джиибэ́н.

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

1 Ximaske 6:11

Ту сан Дэвлы́тко ману́ш, наш далэ́ сарэ́стыр, ро́дэ чачипэ́н, ро́дэ тэ кэрэ́с лачхипэ́н, яв дро патяибэ́н, яв дрэ паты́в кэ яви́р мануша́, яв вырикирибнытко и ковлэ́-илытко.

Pritčy 15:9

Рай Дэвэ́л на прилэ́ла фуе́-манушэ́нгиро дром, нэ Лэ́скэ исын дро́га кодолэ́, савэ́ родэ́на и джа́на дурэды́р пир чачипэ́н.

2 Ximaske 2:22

Наш пэ́скирэ – тэрнэнгирэ грэхитконэ́ тырдыпнастыр, а ро́дэ чачипэ́н, ри́кирпэ патяибнаскэ, патыва́кэ кэ яви́р мануша́ и мэк тэ явэ́л рамане манушэ́нца, савэ́ кхарэ́на Дэвлэ́скиро лав сарэ́ илэ́стыр.

Isajos 51:1

““Шунэ́н Ман одолэ́, кон родэ́ла чачипэ́н, родэ́ла Рас-Дэвлэ́с! Дыкхэ́н акана́ пэ бэ́рга, савья́тыр тумэн вычингирдэ, пэ хорипэ́н дро рово (хохо́й), каты́р тумэн дорэснэ́.

1 Petr 1:7

соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Римлянэнгэ 14:19

Тэды ява́са тэ причхувас зор тэ кэра́с дова́, со лыджа́ла кэ рама́нё (миро) и кэ екх екхэскиро ґалыибэ́н.

1 Фесалоникийцэнгэ 5:21

нэ спробинэн саро́, рикирэ́н зоралэ́с кэ лачхипэ́н.

Filipiicenge 3:12

Нэ пал-дова́, со мэ ничы́ саро́ дава́ на дорэсцём, и мэ на сом какана́ бидошакиро, нэ мэ причхувава зор тэ латхав, ци на латхава и мэ дова́, пал со и латхя́ ман Ису́со Христо́со ваш Пэ́скэ.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Pritčy 3:22

и ёнэ дэ́на джиибэ́н ту́кэ, и ёнэ явэ́на тэ гожакирэн тыри́ мэн.

Psalmy 112:4

Дуд (свэ́то) ґаздэ́лапэ дро калыпэ́н (цямлыпэ́н) ваш чачипнаскирэнгэ, и кадава́ ману́ш исын лачхэ́-дескиро и чачипна́скиро, и ёв тангинэла лачхэ́ манушэ́н.

Pritčy 10:16

Чачипнаскирэ-манушэскири пхари́ буты́ лыджа́ла кэ джиибэ́н, нэ бажын (приросто), сави́ дорэсэ́ла начачуно (чоро) ману́ш, лыджа́ла кэ грэ́хо.

Pritčy 11:19

Чачипэ́н лыджа́ла кэ джиибэ́н, нэ одова́, кон родэ́ла чорипэ́н, родэ́ла лэс ваш пэ́скиро мэрибэ́н.