Pritčy 21:20 - Библия - Пэ Балтитко Романи чиб (Романэс) 2019

²⁰ Кай дживэ́ла годо́ ману́ш, одо́й исын кучипэ́н и оливи́тко дзэт, нэ дылыно́ розмэкэла лэн.

Biblija - Pe Baltitko Romani čib (Romanes) 2019

²⁰ Kaj dživéla godó manúš, odój isyn kučipén i olivítko dzet, ne dylynó rozmekela len.

Pritčy 21:20 Referans Kwoze

Psalmy 112:3

Миштыпэ́н и барвалыпэ́н явэ́на дро лэ́скиро кхэр и лэ́скиро чачипэ́н ячэ́лапэ пэ сарэ́ ве́ки.

Ekliesiastos 5:19

[20] Пал-дова́ со ёв на явэ́ла ўса́ды (сак) тэ рипирэл дывэса́ лэ́скирэ джиибнастыр, палдава́ Дэвэ́л и обрадынэла лэ́скиро ило́.

Ekliesiastos 7:11

Годыпэ́н исын адя́кэ-паць лачхо́ сыр миштыпэ́н, и кофитко (полезно) ваш одолэ́нгэ, кон дыкхэ́ла кхам.

Pritčy 15:6

Дрэ чачунэ́-манушэ́скиро кхэр исын бут кучипэна, нэ фуе́-манушэ́нгирэ кофостыр екх тугипэн (пиридживипэн).

Pritčy 10:22

Ра́скирэ-Дэвлэ́скиро бахтякирибэ́н барьякирэ́ла манушэ́с, ёв нисо́ на могинэ́ла тэ причхувэл кэ дава́, кэри буты́ пхарэ́с.

Luka 16:1

И пхэндя́ Ису́со ж и Пэ́скирэ сыкляибнытконэ́нгэ: “Сыс екх барвало́ ману́ш, конэ́стэ сыс кхэрэ́скиро барыдыро́, савэ́с мануша́ бангякирэнас хула́скэ, со ёв розмэкэлас хуласкиро миштыпэ́н.

Luka 15:14

Ке́ли ёв розмэкця саро́, со сыс лэ́стэ, ґа́да, бари бокх яця́ пир доя́ пхув; ёв лыя́ тэ бокхалёл;

Psalmy 23:5

Ту кэрэ́са сками́нд ваш ма́нгэ анги́л мирэ́ вэргэ́ндэ; Ту помакцян миро шэро́ оливитконэ дзэтэса (алеёса), миро тахта́й (чаша) исын пхэрдо́.

Luka 6:45

Лачхо́ ману́ш вылыджала лачхипэ́н лэ́скирэ–илэ́скирэ кучипнастыр, на́лачхо ману́ш вылыджала фуипэ́н лэ́скирэ-илэ́скирэ фуипнастыр; пал-дова́, со исын дро ило́, дова́ ушта́ ракирэ́на.

Матфеё 25:8

Дылынинька ж пхэндлэ́ годьварэнгэ: ‘Дэн амэ́нгэ на́бут ксил тумаро́, пал-дова́ со амарэ́ лампы мурдёна сыг.’

Ереме́ё 41:8

Нэ дэш мануша́ латхнэпэ машкира́л лэ́ндэ, савэ́ пхэндлэ́ Исмаилоскэ: “На мулякир амэн, амэ́ндэ сыс пираля́ парнэ́ гивэса, ґэрстытконэ (ячменытконэ) марэ́са, маслинытконэ дзэтэса (ксилэса), и явгинэса пэ фэ́лда.” И ёв обрикирдя пэс и на замардя́ лэн машки́р лэ́нгирэ пшалэ́ндэ.

Ekliesiastos 10:19

Хабэ́н исын кэрдо́, соб (кай) тэ санпэ, и мол розрадынэла джиибэ́н, пэ пал ловэ́ сашты́ тэ лэс саро́ дава́.

Ióvo 20:18

Ёв дэ́ла палэ дова́, со ёв дорэсця́ пхарэ́ бутя́тыр, ёв нашты́ тэ накхавэл ла; ёв на явэ́ла тэ радынэ́лпэ кофостыр, со ёв дорэсця́ пэ́скирэ рэндостыр.

Ióvo 20:15

Ёв накхадя (глытындя) барвалыпэ́н, нэ ёв чадэла лэ́са палэ: о Дэвэ́л тырдэла яври́ зорья́са дава́ барвалыпэ́н, аж пэрэстыр.

Pritčy 8:21

соб (кай) ма́нгэ тэ кэра́в адя́кэ, соб (кай) одолэ́, савэ́ камэ́на ман, тэ дорэсэн мэкно́ миштыпэ́н; соб (кай) мэ тэ пхэрдякирав лэ́нгири пиралы́ (сокровишчница).

Pritčy 14:24

Годэ́ мануша́ дорэсэ́на барвалыпэ́н сыр коро́на, нэ дылынинько фэ́ни пэ́скиро дылныпэ́н.

Pritčy 22:4

Кон кандэ́ла, и дарэ́ла Ра́стыр-Дэвлэ́стыр, кодова́ дорэсэ́ла барвалыпэ́н, паты́в и джиибэ́н.