Pritčy 21:10 - Библия - Пэ Балтитко Романи чиб (Романэс) 2019

¹⁰ Фуе-манушэ́нгиро ди древа́н притырдэла биба́хт: лэ́скиро пашатуно на латхэ́ла ла́ска дрэ лэ́скирэ якха́.

Biblija - Pe Baltitko Romani čib (Romanes) 2019

¹⁰ Fuje-manušéngiro di drieván prityrdela bibáht: léskiro pašatuno na lathéla láska dre léskire jakhá.

Pritčy 21:10 Referans Kwoze

1 Ian 2:16

пал-дова́ со саро́, со исын дро свэ́то: лочакиро тырдыпэ́н кэ грэ́хо, грэхоскиро камибэн дрэ якха́, пхутькирибэ́н пэ́скирэ джиибнаса, дава́ саро́ нанэ Дадэ́стыр, а джа́ла свэто́стыр.

Pritčy 3:29

На придумин чорипэ́н пэ тырэ́ пашатунэстэ, пал-дова́ со ёв дживэ́ла би дара́киро пашы́л ту́тэ.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

1 Коринфянэнгэ 10:6

Нэ амэ́нгэ трэй тэ сыклёвас сарэ́стыр далэ́стыр, соб (кай) амэ тэ на явас ґалка (жадна) пэ налачхэ́ рэ́нды, сыр ёнэ сыс.

Pritčy 21:13

Кон запхандэла кан, ке́ли чороро́ ману́ш дэ́ла го́дла, кодова́ адя́кэ-паць явэ́ла тэ дэл го́дла чорорипнастыр и лэс на явэ́на тэ шунэ́н.

Pritčy 12:12

Фуй ману́ш исын ґа́лко тэ ухтылэл чорипнаса, нэ чачунэ́ манушэ́ндэ исын зоралы́ пхув тэл ґэра́.

Psalmy 112:9

Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в.

Psalmy 112:5

Лачхо́ ману́ш и дэ́ла пэ паты́в ловэ́ лэ́нгэ, ёв лыджа́ла пэ́скирэ рэ́нды пир Зако́но.

Psalmy 36:4

Лэ́скирэ-москирэ лава́ исын налачхэ́ и хоханэ́; ёв пирияця́ тэ явэ́л годо́ и тэ кэрэ́л лачхипэ́н.

Pritčy 2:14

савэ́ исын ра́да тэ кэрэ́н чорипэ́н и древа́н тэ радынэ́нпэ фуипнаскэ (захалэ биладжаипнаскэ),

Pritčy 14:21

Кон дыкхэ́ла вучипна́стыр пэ пэ́скирэ пашатунэстэ, кодова́ кэрэ́ла грэ́хо; нэ бахтало́ исын кодова́ ману́ш, кон исын лачхэ́-илэ́скиро (жалинэла) кэ кодолэ́, савэ́н притасавэ́на.

Pritčy 21:9

Фэды́р исын тэ дживэ́с дро кунто пэ кхэрэ́скири стрэ́ха (чхаки́н), сыр тэ явэс дро екх кхэр джувля́са, сави́ чингардэлапэ.