Pritčy 20:24 - Библия - Пэ Балтитко Романи чиб (Романэс) 2019

²⁴ Рай Дэвэ́л дэ́ла зор манушэ́нгирэ ґэрэнгэ, карик тэ джа́н, сыр тэ́ньчи манушэ́скэ сашты́ тэ ґалёл пэ́скиро дром?

Biblija - Pe Baltitko Romani čib (Romanes) 2019

²⁴ Raj Devél déla zor manušéngire ĥerenge, karik te džán, syr tén'či manušéske saštý te ĥaljol péskiro drom?

Pritčy 20:24 Referans Kwoze

Ереме́ё 10:23

Мэ джино́м, Раё Дэвлалэ, со ману́ш на дэ́ла ра́да тэ хулаинэ́л пэ́скирэ судьбаса (джиибнаса), и нанэ кадасаво́ ману́ш, саво́ псирэ́ла и саво́ рикирэ́ла зор пэ дова́, карик ґэра́ лыджа́на лэс.

Pritčy 16:9

Манушэ́скиро ило́ обдуминэла пэ́скиро дром, нэ Рай Дэвэ́л сыкавэ́ла (мамуякирэла) лэ́скиро дром.

Psalmy 25:12

Саво́ исын ману́ш, кон дарэ́ла Ра́стыр-Дэвлэ́стыр! Лэ́стыр ёв высыклёла дром, со лэ́скэ трэй тэ выкэдэл.

Psalmy 37:23

Рай Дэвэ́л зорьякирэла манушэ́с тэ штавэл пирэ́нца (стопэ́нца), Ёв древа́н радынэ́лапэ, сыр адава́ ману́ш дживэ́ла:

Psalmy 25:4

Раё Дэ́вла, сыка́в ма́нгэ Тыро́ дром, сыкля́кир ман Тырэ́ чачипнаскэ.

Pritčy 14:8

Барэ́-годя́киро ману́ш джинэ́ла, со ёв кэрэ́ла акана́ и дурэды́р, нэ дылыно́ гаравэла пэ́скиро дылныпэ́н дро лэ́скири фрэнтыма, соб (кай) тэ хохавэ́л.

Apostolengiri Butý 17:28

со амэ дрэ Лэ́стэ дживаса и псираса и амэ сам, сыр вари-савэ́ и тумарэ́ поэты пхэндлэ́: ‘Амэ адя́кэ-паць бияндыям Лэ́стыр’.

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Pritčy 16:1

Ману́ш придуминэла пэ́скирэ илэ́са, нэ дова́ со ёв Ра́стыр-Дэвлэ́стыр пэ дава́ отпхэнэлапэ чиба́са (чибьяса).