Pritčy 20:22 - Библия - Пэ Балтитко Романи чиб (Романэс) 2019

²² На ра́кир: “Мэ адя́кэ-паць кэра́ва биба́хт палэ лэ́скэ.” Ужакир Рас-Дэвлэ́с и ёв дэ́ла зор ту́кэ.

Biblija - Pe Baltitko Romani čib (Romanes) 2019

²² Na rákir: “Me adiáke-pac' keráva bibáht pale léske.” Užakir Ras-Devlés i jov déla zor túke.

Pritčy 20:22 Referans Kwoze

1 Фесалоникийцэнгэ 5:15

Дыкхэ́н, соб (кай) нико́н тэ на кэрэ́л никонэ́скэ чорипэ́н палэ пал чорипэ́н, нэ ўса́ды (сак) кэрэ́н лачхипэ́н екх екхэ́скэ и сарэ́ манушэ́нгэ,

Pritčy 24:29

На ра́кир: “Мэ кэра́ва адя́кэ лэ́скэ, сыр ёв кэрдя́ ма́нгэ. Мэ отда́ва палэ манушэ́скэ пал лэ́скири буты́.”

Pritčy 17:13

Кон плэскирэла палэ чорипнаса пал лачхипэ́н, биба́хт на явэ́ла тэ дурьёл (на отджала) лэ́скирэ кхэрэ́стыр.

1 Petr 3:9

на отдэ́н палэ фуипнаса пал фуипэ́н, ци фуй ракирибнаса пал дова́, со ракирэ́на фуипэ́н пэ тумэ́ндэ: а пэ яви́р мангэ́нпэ Дэвлэ́скэ, пал-дова́ со тумэ́ са́нас кхардэ́, соб (кай) тэ дорэсэн Дэвлэ́скиро бахтякирибэ́н.

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

1 Petr 2:23

пэ Лэ́стэ ракирдэ́ фуипэ́н, нэ Ёв ни пэ конэ́стэ на пхэндя́ фуй лав, и ке́ли Ёв страдынэлас, Ёв на страхакирдя вари-конэ́с, а Ёв саро́ допатякирдя Кодолэ́скэ, Кон исын Чачуно́ Сэнда́ри;

Матфеё 5:39

Нэ Мэ ракира́ва тумэ́нгэ: на кэр фуипэ́н палэ одолэ́скэ, кон кэрдя́ фуипэ́н ту́кэ; нэ кон пэкавэла тут дрэ тыри́ чачи́ (право) чам (шчока), тэ́ньчи ри́скир кэ ёв яви́р.

1 Petr 4:19

И палдава́ мануша́, савэ́ пирилыджана пхарипэ́н пир Дэвлэ́скири во́ля, мэк ёнэ тэ отдэ́н пэ́скиро ди Лэ́скэ, Кон исын чачуно́, и Кон создыя́ лэн, и мэк ёнэ дурэды́р тэ кэрэ́н лачхипэ́н.

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

2 Kralip 16:12

Могинэ́ла тэ явэ́л, со Рай Дэвэ́л дыкхэла пэ миро тэлякирибэн, и отдэ́ла Рай Дэвэ́л ма́нгэ лачхипна́са пал ададывэсатуно лэ́скиро кошыбэ́н.”

Isajos 40:31

А одова́, конэ́стэ пэ Растэ-Дэвлэ́стэ исын наде́я, прилэ́на нэви́ зор, ґаздэ́на пхака́ (крылы), сыр киды (орлы), нашэ́на и на явэ́на кхинэ, праста́на и на кхинёна.

Psalmy 37:34

Рикир наде́я пэ Растэ-Дэвлэ́стэ и приракх Лэ́скирэ упхэныбэна́ и Ёв барьякирэ́ла кэ вучипэ́н тут, соб (кай) ту тэ прилэс пхув сыр мэкно́ миштыпэ́н: ту дыкхэ́са, ке́ли фуй мануша́ явэ́на чхурдынэ́ тэ хасён,

Pritčy 20:21

Миштыпэ́н, со дорэсэлапэ сы́гэс дро англыпэ́н, на явэ́ла бахтякирдо́ пэ ко́нцо (пэ яго́ро).

Левито 19:18

На отдэ́ палэ чорипнаса (на отха палэ), и на рикир холы́ пэ тырэ́-манушэ́нгирэ чхавэ́ндэ, а сыка́в паты́в кэ тыро́ пашатуно, сыр пэ́скэ. Мэ сом Рай Дэвэ́л.

1 Kralip 25:13

Тэды Дави́до пхэндя́ пэ́скирэ манушэ́нгэ: “Обпхандэнпэ кажно (сва́ко) пэ́скирэ куртала́са.” И сарэ́ обпхандэпэ пэ́скирэ курталэнца, и гинэ́ пал Давидо́стэ пашы́л штаршэла́ манушэ́н, а дуй шэла́ ячнэ́пэ пашы́л вурдэна́.

Psalmy 37:40

И Рай Дэвэ́л дэ́ла васт лэ́нгэ и зракхэ́ла лэн: Ёв вытырдэла лэн фуе́ манушэ́ндыр и зракхэ́ла лэн, пал-дова́ со ёнэ гарадёна пал Лэ́стэ.

Pritčy 19:11

Кон хор розлэла, одова́ насыгэс (поволинькэс) холясо́ла, и кодова́ кэрэ́ла барипэ́н пэ́скэ, кон сы́рбы на дыкхэ́ла, ке́ли лэ́скэ кэрэ́на чорипэ́н.