Pritčy 20:19 - Библия - Пэ Балтитко Романи чиб (Романэс) 2019

¹⁹ Кон пхукавэла (пиридэла), кодова́ отчхакирэла гарадэ́ ду́мы, палдава́ на яв кхэтанэ́ адасавэса, кон откэрэла буґлэс пэ́скирэ ушта́.

Biblija - Pe Baltitko Romani čib (Romanes) 2019

¹⁹ Kon phukavela (piridela), kodová otčhakirela garadé dúmy, paldavá na jav khetané adasavesa, kon otkerela buĥles péskire uštá.

Pritčy 20:19 Referans Kwoze

Pritčy 11:13

Пхукаибнаскиро (переносчыко) роспхэнэ́ла чораханыбэн, нэ кодова́, савэ́стэ исын патяибны́тко ду́хо (фа́но), гаравэла рэ́ндо.

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

Pritčy 18:8

Кон гундяринэла (шэпчынэла) пэ кан, лэ́скирэ лава́ исын сыр лачхо́ хабноро, и ёнэ джа́на андрэ́ дрэ маса́.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Левито 19:16

На псир пиридыибнариса машки́р тырэ́ манушэ́ндэ, и на ґаздэпэ пэ тырэ́-пашатунэскиро джиибэ́н. Мэ сом Рай Дэвэ́л.

Pritčy 24:21

Мро чха́ва! Дар Ра́стыр-Дэвлэ́стыр и крали́стыр; на яв кхэтанэ́ манушэ́нца, савэ́ зракирэнапэ тэ ґаздэ́н бу́нто.

Pritčy 16:29

Нахрато ману́ш притырдэла кэ пэ лэ́скирэ пашатунэс, и лыджа́ла лэс налачхэ́ дромэ́са.

Psalmy 101:5

Кодолэ́с, кон чораханэ́с чхувэ́ла патарава (плётки) пэ пэ́скирэ пашатунэ́ манушэ́стэ, Мэ хасякирэва. Мэ нашты́ тэ дыкха́в пэ кодолэстэ, саво́ дыкхэ́ла барипнаса пэ явирэндэ и саво́ пхутёла.