Pritčy 20:1 - Библия - Пэ Балтитко Романи чиб (Романэс) 2019

¹ Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш.

Biblija - Pe Baltitko Romani čib (Romanes) 2019

¹ Mol (vino) sýrby salape, sikiera (zoraló pibén) ĥazdéla šumo, i konés davá zlydžala droméstyr, kodová isyn nagodo manúš.

Pritčy 20:1 Referans Kwoze

Osija 4:11

Биладжаипэ́н, мол (вино), нэви́ бравинта [напитко-р.с.] – ґа́да, со исын лэ́ндэ пэ ило́ тэ кэрэ́н.

Эфесянэнгэ 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

Isajos 28:7

Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

Pritčy 31:4

Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”:

1 Коринфянэнгэ 6:10

ни чора́, ни сквапныма́рья, ни матыма́рья, ни кошыбна́рья, ни праха́рья-лэ́нгэ на явэ́ла паш дро Кралипэ́н дро Болыбна́скиро Раё.

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

2 Kralip 11:13

И кхардя́ лэс Дави́до, и хая Урия анги́л лэ́стэ, и пия, и панякирдя лэс Дави́до. Нэ бэльвэле́ Урия гия́ тэ совэ́л пэ пэ́скиро чхуибэ́н пэ́скирэ хула́скирэ писхарье́нца, а дро пэ́скиро кхэр на гия́.

Isajos 56:12

Ёнэ ракирэ́на: “Явэ́н, мэ дорэсава мол (вино); амэ бравинта выпьяса кэ кирло, атася́ явэ́ла дова́, со и ададывэ́с; и ишчо (инкэ́) буты́р явэ́ла.”

Isajos 5:22

Бида одолэ́нгэ, савэ́ на дарэ́на тэ пьен мол (вино), и савэ́ исын зоралэ́ тэ кэрэ́н ла.

Osija 7:5

Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

2 Kralip 13:28

Авесало́мо припхэндя́ пэ́скирэ тэрнэ́ манушэ́нгэ, пхэни́: “Дыкхэ́н, сыр моля́тыр (виностыр) Амноноскиро ило́ явэ́ла хотно (весёло), и мэ пхэна́ва тумэ́нгэ: ‘Замарэ́н Амнонос,’ тэды замарэ́н лэс, на дарэ́н; дава́ мэ припхэнава тумэ́нгэ, явэ́н бидарипнаскирэ и муршканэ́.”

Левито 10:9

“На пи, ту и тырэ́ чхавэ́ ту́са, мол (вино) и пибэна зоралэ́, ке́ли заджа́на дрэ скэдыибна́скири ша́тра, соб (кай) тэ на мэрэ́н.” Дава́ явэ́ла ве́чно упхэныбэ́н дрэ тумарэ́ ро́ды,

Pritčy 23:20

На яв кхэтанэ́ манушэ́са, кон пьела древа́н бут мол (вино), ци кон ха́ла бут мас.

Avakumo 2:5

Пхутькирдо ману́ш кэрэ́ла чорипэ́н сыр моля́тыр (виностыр), сави́ здэла лэс, и лэ́скэ уса́ нанэ штылыпэн (спокоё). Пал-дова́ со лэ́скиро тырдыпэ́н барьёла дрэ лэ́стэ сыр штэ́то дро лю́но (адо), и ёв исын на чало сыр мэрибэ́н, ёв, Халдеё, кэдэла кэ пэ сарэ́ манушы́тка ро́ды, и ёв затырдэла (заухтылэла) кэ пэ сарэ́ манушы́тка ро́дыцы.

Isajos 5:11

Бида одолэ́нгэ, кон тасярлатыр пэ зло́ко (пэ ра́нко) родэ́ла бравинта и кэ рат хачкирэ́ла пэс моляса (виноса).