Pritčy 2:22 - Библия - Пэ Балтитко Романи чиб (Романэс) 2019

²² а фуй мануша́ явэ́на чхурдынэ́ пхувья́тыр, и напатяибнаскирэ выкушэнапэ ла́тыр сыр дылыны чар.

Biblija - Pe Baltitko Romani čib (Romanes) 2019

²² a fuj manušá javéna čhurdyné phuvjátyr, i napatiaibnaskire vykušenape látyr syr dylyny čar.

Pritčy 2:22 Referans Kwoze

Psalmy 52:5

Ту́кэ исын пир ило́ фуипэ́н буты́р лачхипнастыр, ту буты́р хохавэса, сыр ракирэ́са чачипныткэс. Сэ́ла.

Psalmy 37:28

пал-дова́ со Ра́скэ-Дэвлэ́скэ исын дро́го чачипэ́н и Ёв на мэкэ́ла Пэ́скирэ дэвлытконэн. Ёв усады (сак) ракхэ́ла лэн, а фуе́-манушэ́нгирэ чхаворэ́ явэ́на чхурдынэ́ тэ хасён.

Яви́р Зако́но 7:22

И явэ́ла Рай Дэвэ́л, Дэвэ́л тыро́ тэ традэл анги́л ту́тэ на́бут пэ на́бут далэ́ манушы́тка на́цыи; и ту дэ́са ра́да тэ хасякирэс лэн сыг, соб (кай) тэ на скэдэ́нпэ бут пэ ту́тэ фэлды́тка мурдала́;

Pritčy 10:30

Чачунэ́ мануша́ ние́кхвар на кунинэнапэ, нэ фуй мануша́ на явэ́на тэ дживэ́н дурэды́р пэ пхув.

Psalmy 145:20

Рай Дэвэ́л приракхэла сарэ́н, савэ́нгэ исын дро́го Ёв; нэ Ёв хасякирэ́ла сарэ́н фуе́ манушэ́н.

Psalmy 104:35

Мэк тэ хасён грэхи́тка мануша́ пхувья́тыр, мэк тэ на явэ́н буты́р пэ свэ́то чорэ́ манушэ́н. Вышар и парикир Ра́скэ-Дэвлэ́скэ, миро ило́. Аллилуя.

Ióvo 21:30

Со фуй ману́ш исын пригарадо дро дывэ́с, сыр явэ́ла бари би́да, и лэс лыджа́на дрэ риг, сыр явэ́ла Дэвлэ́скири холы́.

Psalmy 37:22

Пал-дова́, со одолэ́, савэ́н Дэвэ́л бахтякирдя́, лэ́на пхув сыр мэкно́ миштыпэ́н, а одолэ́, савэ́н Дэвэ́л прокосця, явэ́на вычхурдынэ тэ хасён.

Psalmy 37:20

Нэ фуй мануша́ хасёна и Ра́скирэ-Дэвлэ́скирэ вэ́рги сыр фэлдакиро шукарипэ́н, сыр тхув хасёна.

Яви́р Зако́но 29:28

и вытрадыя́ лэн Рай Дэвэ́л пхувья́тыр дрэ холы́, дро мижэхипэн и дрэ бари холы́ и вытрадыя́ лэн пэ яви́р пхув, сыр акана́ дыкхаса.”

Pritčy 11:3

Дэвлытконэ́-манушэ́нгиро лачхипэ́н явэ́ла тэ приракхэл лэн, нэ напатяибнаскирэ-манушэ́нгиро чорипэ́н хасякирэ́ла лэн.

Яви́р Зако́но 29:20

на отмэкэ́ла Рай Дэвэ́л адасавэ́ манушэ́скэ, нэ дова́-паць часо захачола холы́ Ра́скирэ-Дэвлэ́скири и мижэхипэн Лэ́скиро пэ одолэ́ манушэ́стэ, и пэрэ́на пэ лэ́стэ сарэ́ далэ́ заветоскирэ прокошыбэна, савэ́ исын чхиндлэ́ дрэ дая́ лылвари́, и лэ́ла криг (кхосэла криг) Рай Дэвэ́л лэ́скиро лав тэл болыбна́стыр;

3 Kralip 14:14

И чхувэ́ла Пэ́скэ Рай Дэвэ́л пэ Израилё крали́с, саво́ вымарэла кхэр Еровоамоскиро дрэ дова́-паць дывэ́с; и со? Аж дава́ явэ́ла акана́.

1 Паралипоменоно 10:13

Адя́кэ мыя́ Са́уло пал пэ́скиро чорипэ́н, саво́ ёв кэрдя́ анги́л Растэ-Дэвлэ́стэ, пал дова́, со на ракхця́ Ра́скирэ-Дэвлэ́скиро лав и обрисия кэ човаханы пхучыбнаса,

Psalmy 52:7

Дэвэ́л хасякирэ́ла тут адя́кэ пэ сарэ́ ве́ки и чхурдэ́ла тут криг и выкушэла тут шатратыр и вырискирэла тут корне́нца (рукхэ́нца) пхувья́тыр, кай дживэ́на мануша́. Сэ́ла.