Pritčy 2:21 - Библия - Пэ Балтитко Романи чиб (Романэс) 2019

²¹ Пал-дова́ со чачипнаскирэ явэ́на тэ дживэ́н пэ пхув, и бидошэнгирэ ячэ́напэ пэ ла́тэ,

Biblija - Pe Baltitko Romani čib (Romanes) 2019

²¹ Pal-dová so čačipnaskire javéna te dživén pe phuv, i bidošengire jačénape pe láte,

Pritčy 2:21 Referans Kwoze

Psalmy 37:29

Чачунэ́ мануша́ дорэсэ́на пхув сыр мэкно́ миштыпэ́н и явэ́на тэ дживэ́н пэ ла́тэ сарэ́ ве́ки.

Psalmy 37:9

Одолэ́н, савэ́ кэрэ́на чорипэ́н, на явэ́ла сыг, а кодолэ́, савэ́ ужакирэ́на Рас-Дэвлэ́с, дорэсэ́на пхув сыр да́ро.

Pritčy 10:30

Чачунэ́ мануша́ ние́кхвар на кунинэнапэ, нэ фуй мануша́ на явэ́на тэ дживэ́н дурэды́р пэ пхув.

Psalmy 84:11

Пал-дова́ со екх дывэ́с пэ Тыри́ грэ́да исын фэды́р, сыр бар (тысёнцо) дывэса́. Мэ выкэдыём фэды́р тэ тэрдёвав пашы́л вуда́р Дэвлэ́скирэ-Кхэрэ́скиро, сыр тэ джива́в дрэ ша́тры, кай фуй мануша́.

Ióvo 42:12

И бахтякирдя́ Рай Дэвэ́л Иовос дро джиибна́скиро ко́нцо (яго́ро) буты́р сыр вагэдыр; и сыс Иовостэ дэшуштар бара́ бакрэ́, шов бара́ верблюды дро ґа́мо и екх бар ослицы.

Psalmy 37:22

Пал-дова́, со одолэ́, савэ́н Дэвэ́л бахтякирдя́, лэ́на пхув сыр мэкно́ миштыпэ́н, а одолэ́, савэ́н Дэвэ́л прокосця, явэ́на вычхурдынэ тэ хасён.

Psalmy 37:11

А ковлэ́-илы́тка мануша́ дорэсэ́на пхув сыр да́ро, и ёнэ явэ́на тэ бахталён раманё́стыр (миростыр), со на кончынэлапэ.

Psalmy 37:3

Допатя Ра́скэ-Дэвлэ́скэ и кэр лачхипэ́н, джив пэ пхув и приракх чачипэ́н.

Ióvo 1:1

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

Pritčy 28:10

Кон кэрэ́ла адя́кэ, со дэвлы́тка джа́на дрэ риг пэ бибахтало́ дром, кодова́ кокоро́ пэрэ́ла дрэ ґанби́н (яма), со ёв выґанадя, а бидошэнгирэ мануша́ дорэсэ́на лачхипэ́н дро миштыпэ́н.

Psalmy 37:18

Рай Дэвэ́л дыкхэ́ла пал бидошэнгирэ манушэ́ндэ и лэ́нгиро миштыпэ́н явэ́ла пэ сарэ́ ве́ки: